1 थिस्सलुनीकियों 3:6 - काँगड़ी

⁶ अपर हुण तीमुथियुसें, जेह्ड़ा तुहां अल्ले ते अहां दे ऐत्थु आई करी, तुहां दा बसुआस कने प्यारे दा सुसमाचार सणाया। कने इसा गल्ला जो भी सणाया, कि तुहां सदा प्यारे नैं अहां जो याद करदे हन, कने अहां दे दिक्खणे दी इच्छा रखदे हन, जिंआं अहां भी तुहां जो दिक्खणे दी इच्छा रखदे हन।

1 थिस्सलुनीकियों 3:6 Iomraidhean Croise

प्रेरितां दे कम्म 16:1

भिरी सैह़ दिरबे कने लुस्त्रा सैहरे च भी गेआ। तित्थु तीमुथियुस नांऐ दा इक्क चेला था, जेह्ड़ा बसुआसी यहूदनी जणासा दा जागत था, अपर तिसदा बुढ़ा यूनानी था।

प्रेरितां दे कम्म 18:1

इसते बाद पौलुस एथेंस सैहरे जो छड्डी करी कुरिन्थुस सैहरे च आया।

प्रेरितां दे कम्म 18:5

जाह़लू सीलास कने तीमुथियुस मकिदुनिया प्रदेसे च आये, तां पौलुस वचन सणाणे दिया धुना च यहूदियां जो गवाही दैणा लग्गा कि यीशु ई मसीह ऐ।

1 कुरिन्थियों 11:2

हे मेरे प्यारे साथी बसुआसियो, मैं तुहां दी तारीफ करदा ऐ कि हर बग्त तुहां मिन्जो याद करदे हन; कने जेह्ड़ियां सिक्षां मैं तुहां जो दित्तियां हन, तिन्हां दा बड़े ध्याने नैं पालण करदे रेह्आ।

1 कुरिन्थियों 13:13

अपर हुण बसुआस, आसा, कने प्यार एह़ त्रीनो हमेसा बणी रैंह्दे हन, अपर इन्हां सबना ते ऊपर प्यार ऐ।

गलातियों 5:6

जे तुहां यीशु मसीह जो मनदे हन, तां इसते कोई फर्क नीं पोंदा, कि तुहां दा खतणा होएया या नीं होएया। अपर जरूरी गल्ल एह़ ऐ, कि अहां मसीह पर बसुआस करदे हन, कने अहां च परमात्मे तांई कने दूये लोकां तांई प्यार ऐ।

फिलिप्पियों 1:8

इस च परमात्मा मेरा गवाह ऐ कि जिंआं ई यीशु मसीह तुहां सारेयां नैं प्यार करदा ऐ, सच्च-बिच्च मैं भी तुहां नैं तिंआं ई प्यार करदा ऐ।

कुलुस्सियों 1:4

क्जोकि अहां सुणेया ऐ, कि यीशु मसीह पर तुहां दा बसुआस ऐ, कने सारे परमात्मे दे लोकां नैं तुहां प्यार रखदे हन।

कुलुस्सियों 4:18

मैं पौलुस, अपणे हत्थे नैं इसा चिठ्ठिया च तुहां जो नमस्कार लिखदा ऐ। याद रखणा मैं जेला च ऐ, कने मिन्जो तांई प्रार्थना करा। तुहां पर परमात्मे दा अनुग्रह हुंदा रैंह्। आमीन।

1 थिस्सलुनीकियों 1:3

अहां हमेसा ई पिता परमात्मे दे सामणै तुहां दे बसुआसे दे कम्म, कने प्यारे दी मेहनत, कने अहां दे प्रभु यीशु मसीह च तुहां दी आसा दा सबर याद करदे हन।

1 थिस्सलुनीकियों 2:17

हे मेरे प्यारे साथी बसुआसियो, जाह़लू अहां थोड़ी देर तांई मने ते नीं अपर कुच्छ बग्त तांई तुहां ते लग्ग होई गियो थे, तां अहां बड़ी इच्छा सौगी तुहां जो दिक्खणे तांई होर भी जादा कोसस कित्ती।

1 थिस्सलुनीकियों 2:9

क्जोकि, हे प्यारे साथी बसुआसियो, तुहां अहां दी मेहनत कने दुखां जो याद रखदे हन। कि अहां इसतांई रात दिन कम्म धंधा करदे होये तुहां च परमात्मे दा सुसमाचार प्रचार कित्ता कि तुहां च कुसी पर भी बोझ नीं बणन।

1 थिस्सलुनीकियों 3:7

इसतांई हे मेरे प्यारे साथी बसुआसियो, अहां अपणे सारे दुख कने मुसीबता च तुहां दे बारे च सुणी करी अहां जो बड़ी खुसी होई, कि तुहां अह्ल्ली तिकर भी यीशु मसीह पर बसुआस करदे हन।

2 थिस्सलुनीकियों 1:3

हे प्यारे साथी बसुआसियो, तुहां दे बारे च अहां जो हमेसा परमात्मे दा धन्यावाद करणा चाइदा, कने एह़ ठीक भी ऐ, इसतांई कि तुहां दा बसुआस यीशु मसीह च बड़ा जादा बधी गेआ ऐ, कने तुहां सारेयां दा प्यार अप्पु च बड़ा ई बधदा जा दा ऐ।

1 तीमुथियुस 1:5

इस हुक्मे दा मकसद एह़ ऐ कि तुहां साफ मन, साफ अन्तर आत्मा कने सच्चे बसुआसे सौगी इक्की दूये नैं प्यार करा।

2 तीमुथियुस 1:3

मैं रात-दिन अपणिया प्रार्थना च तुहां जो याद करी नैं परमात्मे जो धन्यावाद दिंदा ऐ, जिसदी सेवा मैं साफ अन्तर आत्मा नैं तिंआं ई करदा ऐ, जिंआं मेरे पूर्वज करदे थे।

फिलेमोन 1:5

क्जोकि मैं तेरे तिस प्यारे कने बसुआसे दी चर्चा सुणी करी, जेह्ड़ी प्रभु यीशु मसीह पर कने सारे परमात्मे दे लोकां सौगी ऐ।

इब्रानियों 13:3

कैदियां दा भी इन्हीं साह्भें हाल चाल पुछदे रेह्आ, कि समझा तुहां भी तिन्हां सौगी कैद हन। कने जेह्ड़े लोक दुखी कित्ते जांदे हन, तिन्हां दा भी एह़ समझी करी हाल चाल पुछा करा, जिंआं कि तुहां तिन्हां दे दुखे च साझी हन।

इब्रानियों 13:7

जेह्ड़े तुहां दे अगुऐ थे, कने जिन्हां तुहां जो परमात्मे दा वचन सणाया ऐ। तिन्हां जो याद रखा, कने ध्याने नैं तिन्हां दिया ज़िन्दगिया जो दिक्खा, कि किंआं तिन्हां अपणी ज़िन्दगी जी, कने सैह़ मरने तिकर परमात्मे दे बसुआसे च बफादार बणी रैह्। इसतांई अहां जो भी तिंआं ई तिस पर बसुआस करणा चाइदा जिंआं तिन्हां कित्या था।

1 यूहन्ना 3:23

परमात्मे दा हुक्म एह़ ऐ कि अहां तिसदे पुत्तर यीशु मसीह दे नांऐ पर बसुआस करन, कने जिंआं तिन्हीं अहां जो हुक्म दित्या ऐ तिसदे मताबक अप्पु च प्यार रखन।