1 थिस्सलुनीकियों 3:3 - काँगड़ी

³ कि इन्हां मुसीबतां दिया बज़ाह ते तुहां बसुआसे ते डगमगाई नीं जान। क्जोकि तुहां अप्पु जाणदे हन, अहां जो इन्हां मुसीबतां जो झेलणा ई पोणा।

1 थिस्सलुनीकियों 3:3 Iomraidhean Croise

लूका 21:12

अपर इन्हां सारियां गल्लां होणे ते पैहल्लैं मेरे नांऐ दिया बज़ाह ते तुहां जो पकड़गे, कने सतांगे, आराधनालय च घसीटगे, जेलां च करी दिंगे, राजेयां कने हाकमां सामणै लेई जांगे।

यूहन्ना 16:2

सैह़ तुहां जो आराधनालयां ते कड्डी दिंगे, अपर सैह़ बग्त ओआ दा ऐ, कि जेह्ड़ा कोई तुहां जो मारगा सैह़ समझगा कि मैं परमात्मे दी सेवा करदा ऐ।

यूहन्ना 16:33

मैं एह़ गल्लां तुहां नैं इसतांई ग्लाईयां हन, कि तुहां जो मिन्जो च सांति मिल्ले। अपर हौंसला रखा, क्जोकि मैं इस संसारे दे लोकां पर राज्ज करणे आल़े सैताने जो हराई दित्या ऐ।”

प्रेरितां दे कम्म 14:22

कने हर इक्की सैहरे च चेलेयां दे मना जो मजबूत करदे रैह् कने एह़ सिक्षा दिंदे थे कि बसुआसे च बणी रेह्आ; कने एह़ ग्लांदे थे, “अहां जो मते दुख झेली करी परमात्मे दे राज्जे च प्रवेश करणा पोणा।”

प्रेरितां दे कम्म 2:25

क्जोकि दाऊद यीशु मसीह दे बारे च ग्लांदा ऐ, ‘मैं प्रभु जो हमेसा अपणे सामणै दिक्खदा रेह्आ क्जोकि सैह़ मिन्जो सौगी ऐ, तांजे मैं पेई नीं जां।

प्रेरितां दे कम्म 21:11

तिन्हीं अहां अल्ल आई करी पौलुसे दा लक्के बन्नणे आल़ा पटका लेई लेआ, कने अपणे हत्थ पैर बन्नी करी ग्लाणा लग्गा, “पवित्र आत्मा एह़ ग्लांदा ऐ कि जिस माणुये दा एह़ पटका ऐ, तिसियो यरूशलेम सैहरे च यहूदी इस तरीके नैं बन्नणा, कने होरनी जातिआं दे हत्थ दैणा।”

प्रेरितां दे कम्म 21:13

अपर पौलुसैं जवाब दित्ता, “तुहां क्या करदे हन, कि रौई-रौई करी मेरे मने तोड़दे हन? मैं तां प्रभु यीशुये दे नांऐ तांई यरूशलेम सैहरे च सिर्फ ना बन्धे जाणे तांई अपर मरने तांई भी त्यार ऐ।”

प्रेरितां दे कम्म 9:16

कने मैं तिसियो दस्सगा, कि लोकां जो मेरे बारे च दस्सणे तांई तिसियो कदेया-कदेया दुख झेलणा पोंगा।”

रोमियो 5:3

सिर्फ ऐई नीं, अपर अहां मुसीबतां च भी खुसी मनांदे हन, एह़ जाणी नैं कि मुसीबता ते सबर,

1 कुरिन्थियों 15:58

इसतांई हे मेरे प्यारे साथी बसुआसियो, अपणे बसुआसे मजबूत च बणी रेह्आ, कने प्रभु दे कम्मां च हमेसा बधदे जा, क्जोकि एह़ जाणदे हन कि जेह्ड़ा कुच्छ तुहां प्रभु तांई करदे हन तिसदा इनाम तुहां जो जरूर मिलगा।

1 कुरिन्थियों 4:9

मेरी समझा च परमात्मैं अहां प्रेरितां जो सारेयां दे बाद तिन्हां लोकां साइआं सबते आखरी जगाह च रखेया ऐ, जिन्हां पर मौत्ती दा हुक्म होई चुकेया ऐ; क्जोकि अहां संसारे कने सुअर्गदूतां कने माणुआं तांई इक्क तमासा बणी गै हन।

इफिसियों 3:13

मतलब एह़ कि अहां जो दुखां दिया बज़ाह ते हौंसला नीं छड्डणा चाइदा, क्जोकि एह़ सारे तुहां दे फायदे तांई हन।

फिलिप्पियों 1:28

कने कुसी भी गल्ला च बरोधियां ते डरणे दी जरूरत नीं। तुहां दी हिम्मत तिन्हां तांई विनाशे दी साफ नसाणी ऐ, अपर तुहां तांई छुटकारे दा, कने एह़ परमात्मे दे पास्से ते ऐ।

कुलुस्सियों 1:23

जे तुहां मसीह च बसुआस करदे हन, तां तुहां दा बसुआस तिस पर मजबूत रैहणा चाइदा, ठीक तिस घरे साइआं जेह्ड़ा मजबूत नीआं पर बणाया ऐ। कने अहां तिस सुसमाचारे जो सुणी करी जेह्ड़ी आसा अहां जो मिलदी ऐ तिसा जो मत छड्डा। जिसदा प्रचार इस संसारे दे लोकां च कित्ता गेआ, कने सुसमाचारे दा प्रचार करणे तांई मैं पौलुस सेवक बणेया ऐ।

1 थिस्सलुनीकियों 5:9

क्जोकि परमात्मैं अहां जो गुस्से नैं सज़ा दैणे तांई नीं, अपर इसतांई चुणेया ऐ, कि अहां अपणे प्रभु यीशु मसीह दे जरिये उद्धार पाई सकन।

2 थिस्सलुनीकियों 1:4

इसतांई अहां परमात्मे दी कलीसिया दे बसुआसी तुहां दे बारे च घमंड करदे हन, बेसक तुहां दुखां कने मुसीबतां च होई नैं जा दे हन, भिरी भी तुहां इन्हां जो बड़े सबरे नैं लगातार झेलदे हन, कने मसीह पर बसुआस करदे हन।

2 तीमुथियुस 1:8

इसा बज़ाह ते तू दूये लोकां जो अहां दे प्रभु यीशु मसीह दे बारे च दस्सणे ते मत सर्मा, कने ना ई मेरिया बज़ाह ते जेह्ड़ा तिस सुसमाचारे दिया सेवा तांई जेला च ऐ। अपर तुहां जो परमात्मे दिया तिसा सामर्थी दा इस्तेमाल करणा चाइदा ऐ, जेह्ड़ी सैह़ तुहां जो दिंदा ऐ कने तुहां जो मिन्जो सौगी तिन्हां दुखां च सामिल होई जाणा चाइदा, जेह्ड़े मैं सुसमाचारे दिया बज़ाह ते झेला दा ऐ।

1 पतरस 2:21

कने परमात्मे दी तुहां जो सदणे दी बज़ाह एह़ ऐ, कि तुहां तिस तांई दुख झेलन, मसीह भी जिन्हीं तुहां तांई दुख झेलेया, सैह़ तुहां तांई इक्क उदारण ऐ, इसतांई जेह्ड़ा तिन्हीं कित्ता, तुहां जो भी तिंआं ई करणा चाइदा।

प्रकाशितवाक्य 2:10

जेह्ड़े दुख तिज्जो झेलणा पोंगे, तिन्हां ते मत डर। अपर चौकनै रेह्आ; क्जोकि सैतान तुहां च कुच्छ लोकां जो जेलखाने च पाणे आल़ा ऐ तांजे तुहां परखे जान; कने तुहां जो दसा दिनां तिकर दुख झेलणा पोंगा। प्राण दैणे तिकर बसुआसे जोग्गा बणी रैह्, तां मैं तिज्जो ज़िन्दगिया दा मुकट दिंगा।

प्रकाशितवाक्य 2:13

मैं एह़ तां जाणदा ऐ कि तू तित्थु रैंह्दा ऐ जित्थु सैताने दा सिंहासण ऐ; तू लगातार मेरे बसुआसे च मजबूत रैंह्दा ऐ, कने मिन्जो पर बसुआस करणे ते तिन्हां दिनां च भी पचांह़ नीं हटेया जिन्हां दिनां च मेरा बसुआसे जोग्गा गवाह अन्तिपास, तुहां दे सामणै तिसा जगाह पर मारे गेआ जित्थु सैतान रैंह्दा ऐ।