1 थिस्सलुनीकियों 3:2 - काँगड़ी

² कने अहां तीमुथियुसे जो, जेह्ड़ा मसीह दे सुसमाचारे च अहां दा बसुआसी भाऊ कने परमात्मे दा सेवक ऐ, इसतांई तिसियो तुहां अल्ल घल्लेया ऐ, कि सैह़ तुहां जो बसुआसे च मजबूत करैं; तांजे तुहां दा बसुआस यीशु मसीह च लगातार बणी रैंह्।

1 थिस्सलुनीकियों 3:2 Iomraidhean Croise

प्रेरितां दे कम्म 16:1

भिरी सैह़ दिरबे कने लुस्त्रा सैहरे च भी गेआ। तित्थु तीमुथियुस नांऐ दा इक्क चेला था, जेह्ड़ा बसुआसी यहूदनी जणासा दा जागत था, अपर तिसदा बुढ़ा यूनानी था।

प्रेरितां दे कम्म 16:5

इस तरांह कलीसिया बसुआसे च पक्की हुंदी गेई कने गिणती च भी बधदी गेई।

प्रेरितां दे कम्म 18:5

जाह़लू सीलास कने तीमुथियुस मकिदुनिया प्रदेसे च आये, तां पौलुस वचन सणाणे दिया धुना च यहूदियां जो गवाही दैणा लग्गा कि यीशु ई मसीह ऐ।

रोमियो 16:21

मिन्जो सौगी कम्म करणे आल़े तीमुथियुसे दा, कने मेरे जाति दे लोक लूकियुसे कने यासोने कने सोसिपत्रुसे दा तुहां जो नमस्कार।

1 कुरिन्थियों 3:10

परमात्मे दे तिस इनामे मताबक जेह्ड़ा मिन्जो दित्या ऐ, मैं अक्लमंद राजमिस्त्रिये साइआं नींई पाई, कने दूआ तिस पर रद्दा लगांदा ऐ। अपर हर इक्क माणु चौकन्ना रैंह् कि सैह़ तिस पर कदेया रद्दा लगांदा ऐ।

1 कुरिन्थियों 4:17

इसतांई मैं तीमुथियुसे जो जेह्ड़ा प्रभु च प्यारा कने बसुआसे च मेरे जागते साइआं ऐ, तुहां अल्ल घल्लेया ऐ। सैह़ तुहां जो याद करांगा, कि किंआं मैं यीशु मसीह पचांह़ चलदा ऐ, ठीक तिंआं ई जिंआं मैं हर इक्की कलीसिया च जाई नैं सिक्षा दिंदा ऐ।

2 कुरिन्थियों 1:1

एह़ चिठ्ठी पौलुस कने अहां दे भाऊ तीमुथियुसे दे पास्से ते ऐ। मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ। मैं एह़ चिठ्ठी परमात्मे दी तिसा कलीसिया दे नांऐ पर लिखा दा ऐ, जेह्ड़ी कुरिन्थुस सैहरे च ऐ, कने परमात्मे दे सारे पवित्र लोकां दे नांऐ पर जेह्ड़े अखाया प्रदेसे च रैंह्दे हन:

2 कुरिन्थियों 1:19

क्जोकि परमात्मे दा पुत्तर यीशु मसीह जिसदा अहां दे जरिये मतलब मेरे कने सिलवानुस कने तीमुथियुसे दे जरिये तुहां बिच्च भी प्रचार होएया, तिस च “हाँ” कने “ना” दोयो नीं थे, अपर तिस च “हाँ” दी “हाँ” होई ऐ।

2 कुरिन्थियों 2:12

जाह़लू मैं मसीह दा सुसमाचार सणाणे जो त्रोआस सैहरे च आया, तां तित्थु प्रभुयैं मिन्जो सुसमाचार सणाणे दा मौका दित्ता।

2 कुरिन्थियों 2:13

मैं अपणे बसुआसी भाऊ तीतुसे जो तित्थु नीं दिख्या तां मेरे मने जो चैन नीं मिल्ला। इसतांई मैं त्रोआस सैहरे दे बसुआसियां ते विदा होई नैं मकिदुनिया प्रदेसे जो बापस आई गेआ।

2 कुरिन्थियों 8:23

जे कोई तीतुसे दे बारे च पुछैं, तां सैह़ मेरा साथी कने तुहां तांई कम्म करणे आल़ा ऐ। जे अहां दे बसुआसी भाऊआं दे बारे च पुछे, तां सैह़ कलीसियां दे घल्लेयो कने सैह़ मसीह दी महिमा करदे हन।

फिलिप्पियों 1:25

इसतांई कि मिन्जो इसदा भरोसा ऐ, कने मैं जाणदा ऐ, कि मैं जिन्दा रैंह्गा, हलांकि तुहां सारेयां सौगी रैंह्, जिसते मैं तुहां जो बसुआसे च मजबूत करणे कने तिस च खुस रैहणे च तुहां दी मदत करगा।

कुलुस्सियों 1:1

एह़ चिठ्ठी पौलुस कने अहां दे भाऊ तीमुथियुसे दे पास्से ते ऐ। मैं पौलुस परमात्मे दिया इच्छा ते यीशु मसीह दा प्रेरित ऐ।

कुलुस्सियों 1:7

तिसदी सिक्षा तुहां अहां दे प्यारे साथी इपफ्रासे ते सिखियो ऐ, जेह्ड़ा अहां सौगी मसीह च बसुआसे जोग्गा सेवक ऐ।

कुलुस्सियों 4:12

इपफ्रास जेह्ड़ा तुहां दे ग्रांऐ ते ऐ, कने यीशु मसीह दा दास ऐ, तुहां जो नमस्कार ग्लांदा ऐ। सैह़ हमेसा तुहां तांई मन लगाई नैं प्रार्थना करदा ऐ, जिसते तुहां लोक सारियां गल्लां सिद्ध होई नैं पूरे बसुआसे सौगी परमात्मे दी इच्छा पर मजबूत रेह्आ।

कुलुस्सियों 4:9

तिस सौगी मैं उनेसिमुसे जो भी घल्लेया ऐ; जेह्ड़ा बसुआसे जोग्गा कने प्यारा बसुआसी भाऊ कने तुहां दे ग्रांऐ ते ऐ। एह़ तुहां जो ऐत्थु दियां सारियां गल्लां दस्सी दिंगे।

1 थिस्सलुनीकियों 3:13

तांजे सैह़ तुहां दे मनां जो ऐदेया मजबूत करैं, कि जाह़लू अहां दा प्रभु यीशु अपणे सारे परमात्मे दे लोकां सौगी दुवारी बापस औयें, तां तुहां अहां दे पिता परमात्मे दे सामणै पवित्रता च बेकसूर ठैह़रन।

1 थिस्सलुनीकियों 3:5

इसा बज़ाह ते जाह़लू मिन्जो ते होर बरदासत नीं होएया, तां तुहां दे बसुआसे दा हाल जाणने तांई मैं तीमुथियुसे जो तुहां अल्ल घल्लेया, कि कुत्थी इआं ना होयैं, कि परीक्षा करणे आल़े सैताने तुहां दी परीक्षा कित्ती होयैं, कने अहां दी मेहनत बेकार होई गेई ऐ।

2 थिस्सलुनीकियों 2:17

मैं प्रार्थना करदा ऐ, कि परमात्मा तुहां दे मनां जो हौंसले नैं भरैं, कने हमेसा तुहां जो खरा ग्लाणे च कने खरे कम्मां च मजबूत करैं।