1 थिस्सलुनीकियों 3:13 - काँगड़ी

¹³ तांजे सैह़ तुहां दे मनां जो ऐदेया मजबूत करैं, कि जाह़लू अहां दा प्रभु यीशु अपणे सारे परमात्मे दे लोकां सौगी दुवारी बापस औयें, तां तुहां अहां दे पिता परमात्मे दे सामणै पवित्रता च बेकसूर ठैह़रन।

1 थिस्सलुनीकियों 3:13 Iomraidhean Croise

मत्ती 25:31

“जाह़लू मैं माणु दा पुत्तर दुवारी अपणी महिमा च ओंगा कने सारे सुअर्गदूत मिन्जो सौगी ओंगे, तां मैं अपणी महिमा दे सिंहासणे पर विराजमान होणा।

मरकुस 8:38

जेह्ड़ा कोई इस ब्यभिचारी कने पापी पीढ़ी दे लोकां बिच्च मिन्जो ते कने मेरियां गल्लां ते सर्मांगा, तां मैं माणुये दा पुत्तर भी जाह़लू पवित्र सुअर्गदूतां कने अपणे पिता दी महिमा सौगी ओंगा, ताह़लू तिसते भी सर्मांगा।”

लूका 1:6

जकरियाह कने इलीशिबा परमात्मे सामणै बड़े धर्मी थे, कने परमात्मे दे सारे हुक्मां कने विधिया पर सिध्धे मने नैं चलणे आल़े थे।

रोमियो 14:4

अपर तुहां जो कुसी दे सेवके पर दोस नीं लगाणा चाइदा। चाहे सैह़ खरा करैं या बुरा करैं, एह़ तिसदे मालके दी जिम्मेवारी ऐ। अपर सैह़ खरा ई करगा, क्जोकि प्रभु खरा करणे च तिसदी मदत करदा ऐ।

रोमियो 16:25

हुण तुहां जो मेरा सुसमाचार जेह्ड़ा यीशु मसीह दे बारे च ऐ, तुहां जो प्रचार करी नैं बसुआसे च मजबूत करी सकदा ऐ। क्जोकि एह़ सुसमाचार सदियां ते छुपाई करी रखेया था।

1 कुरिन्थियों 15:23

अपर हर इक्क अपणिया बारिया मताबक ज़िन्दगिया च बापस ओंगा, सबते पैहल्ले मसीह मरेयां ते जिन्दा कित्ता गेआ, कने जाह़लू मसीह बापस ओंदा ऐ तां सैह़ सारे जिन्हां दा तिस सौगी मजबूत रिस्ता ऐ दुवारी जिन्दे कित्ते जांगे।

गलातियों 1:4

यीशु मसीयैं अपणी ज़िन्दगी अहां दे पापां तांई देई दित्ती, तांजे अहां दे परमात्मे दी कने पिता दिया इच्छा मताबक अहां जो इस बग्ते दे बुरे संसारे ते छड्डां।

इफिसियों 5:27

कने तिसियो इक्क ऐदई तेजस्वी कलीसिया बणाई नैं अप्पु अल्ल लेई औयें, जिसा च ना कलंक, ना झुर्री, ना कोई ऐदई चीज्ज होयैं, अपर सैह़ पवित्र कने बेकसूर होयैं।

फिलिप्पियों 1:10

इसतांई कि तुहां इन्हां गल्लां जो परखणे जोग्गे बणी जान, कि कुण देहई गल्ल ग्लाणे तांई ठीक ऐ, कने मसीह दे दुवारी बापस ओणे तिकर पवित्र कने बेकसूर बणी रेह्आ;

कुलुस्सियों 1:22

अपर हुण परमात्मे मसीह दिया मौत्ती दे जरिये तुहां सौगी भी मेल-जोल करी लेआ, तांजे तुहां जो अपणे सामणै पवित्र कने बेदाग, कने बेकसूर बणाई करी खरेड़ें।

1 थिस्सलुनीकियों 2:19

अहां दिया आसा, खुसिया कने बड़ेयाई दा मुकट कुण ऐ? क्या अहां दे प्रभु यीशुये दे सामणै तिसदे ओणे दे बग्त तुहां नीं हुंगे?

1 थिस्सलुनीकियों 3:11

अहां प्रार्थना करदे हन, कि अहां दा पिता परमात्मा कने अहां दा प्रभु यीशु, तुहां अल्ल ओणे च अहां दी मदत कने अगुआई करैं।

1 थिस्सलुनीकियों 3:2

कने अहां तीमुथियुसे जो, जेह्ड़ा मसीह दे सुसमाचारे च अहां दा बसुआसी भाऊ कने परमात्मे दा सेवक ऐ, इसतांई तिसियो तुहां अल्ल घल्लेया ऐ, कि सैह़ तुहां जो बसुआसे च मजबूत करैं; तांजे तुहां दा बसुआस यीशु मसीह च लगातार बणी रैंह्।

1 थिस्सलुनीकियों 4:15

क्जोकि अहां प्रभु यीशुये दे वचने मताबक तुहां नैं एह़ ग्लांदे हन, कि अहां जेह्ड़े जिन्दे हन, कने प्रभु दे बापस ओणे तिकर बची रैंह्गे, कने जेह्ड़े बसुआसी मसीह च इस संसारे जो छड्डी करी चली गियो हन, सैह़ अहां ते पैहल्लैं यीशु मसीह नैं मिलगे।

1 थिस्सलुनीकियों 4:17

ताह़लू अहां जेह्ड़े जिन्दे कने बची रैंह्गे, तिन्हां सौगी बदल़ां पर चुक्की लियो जांगे, कि अम्बरे च प्रभुये नैं मिलगे; कने तिस बग्त ते अहां सदा प्रभुये सौगी रैंह्गे।

1 थिस्सलुनीकियों 5:23

परमात्मा जेह्ड़ा सांति दिंदा ऐ, सैई तुहां जो पूरे तरीके नैं पवित्र करगा। कने तुहां दिया आत्मा, प्राण, कने सरीर अहां दे प्रभु यीशु मसीह दे बापस ओणे तिकर पूरी रीतिया नैं बेकसूर कने सम्भाल़ी नैं रखगा।

2 थिस्सलुनीकियों 1:10

एह़ तिस दिन हुंगा, जाह़लू यीशु मसीह अपणे लोकां च महिमा पाणे, कने सारे लोक जेह्ड़े तिस पर बसुआस करदे हन; तिन्हां ते आदर पाणे तांई ओंगा। तुहां भी तिन्हां च सामिल हुंगे, क्जोकि तुहां तिस सुसमाचारे पर बसुआस कित्ता, जेह्ड़ा अहां तुहां जो तिसदे बारे च दस्सेया था।

2 थिस्सलुनीकियों 1:7

सैह़ तुहां जो कने अहां जो भी चैन दिंगा, जेह्ड़े हुण दुख झेला दे हन, एह़ ताह़लू हुंगा, जाह़लू प्रभु यीशु मसीह अपणे सामर्थी सुअर्गदूतां सौगी सुअर्गे ते अग्गी दियां लपटां च होई नैं ओंगा,

2 थिस्सलुनीकियों 2:1

हे प्यारे साथी बसुआसियो, अहां प्रभु यीशु मसीह दे बापस ओणे, कने तिस बग्ते दे बारे च जाह़लू अहां तिस सौगी किठ्ठे मिलगे, तुहां नैं ग्लांदे हन।

याकूब 5:8

तुहां भी इस तरीके नैं सबर रखा; कने अपणे मने जो पक्का करा, क्जोकि प्रभु दा औणां नेड़े ऐ।

1 पतरस 5:10

अपर हुण परमात्मा जेह्ड़ा सारे अनुग्रह दा दाता ऐ, जिन्हीं तुहां जो यीशु मसीह च अपणी सदा दी महिमा तांई सद्देया, तुहां दे थोड़े बग्ते तिकर दुख झेलणे ते बाद परमात्मा अप्पु ई तुहां जो सिद्ध कने मजबूत कने ताकतवर बणांगा।

यहूदा 1:14

कने हनोके भी, जेह्ड़ा आदमे दी सतमी पीढ़िया ते था, जाह़लू तिन्हीं इन्हां लोकां दे बारे च एह़ भविष्यवाणी करी नैं ग्लाया, कि “दिक्खा, प्रभु जरूर अपणे मते सारे पवित्र दूतां दिया इक्क बड्डी भीड़ा सौगी ओआ दा ऐ।

यहूदा 1:24

कने हुण परमात्मा तिस धोखे ते बचाई सकदा ऐ, जेह्ड़ा तुहां जो पापी ज़िन्दगिया ते मिलदा ऐ। सैह़ तुहां जो जेह्ड़ा महिमा नैं भरोया ऐ खुसिया नैं कने बेकसूर करी नैं अप्पु सामणै खरेड़ी सकदा ऐ,