1 थिस्सलुनीकियों 3:12 - काँगड़ी

¹² कने प्रभु इआं करैं कि जिंआं अहां तुहां नैं प्यार रखदे हन, तिंआं ई तुहां दा प्यार भी अप्पु च कने सारे माणुआं सौगी बधदा जां, कने तरक्की करदा जां,

1 थिस्सलुनीकियों 3:12 Iomraidhean Croise

मत्ती 22:39

कने तिस साइआं एह़ दूआ हुक्म भी ऐ, कि ‘तू अपणे प्ड़ेसिये नैं अप्पु साइआं प्यार रख।’

मत्ती 7:12

इसा बज़ाह ते जेह्ड़ा कुच्छ तुहां चांह़दे हन, कि माणु तुहां सौगी करन, तुहां भी तिन्हां सौगी तिंआं ई करा। क्जोकि मूसा दिया व्यबस्था कने भविष्यवक्ता दिया सिक्षा दा ऐई मतलब ऐ।

लूका 17:5

ताह़लू खास बारांह चेलेयां प्रभुये नैं ग्लाया, “अहां दे बसुआसे जो बधा।”

रोमियो 13:8

आपसी प्यारे जो छड्डी नैं होर कुसा गल्ला च कुसी दे कर्जदार मत बणा; क्जोकि जेह्ड़ा दूये नैं प्यार रखदा ऐ, सैई व्यबस्था जो पूरा करदा ऐ।

2 कुरिन्थियों 9:10

एह़ परमात्मा ई ऐ, जेह्ड़ा बाणे आल़े जो बीई कने खाणे तांई रोटी दिंदा ऐ, सैह़ तुहां जो बीई दिंगा, कने तिसियो फल़वन्त करगा, कने तुहां दे धार्मिकता दे फल़ां जो बधांगा।

गलातियों 5:22

अपर पवित्र आत्मा दा फल़ प्यार, खुसी, सांति, सबर, दया, भलाई, बसुआस,

गलातियों 5:6

जे तुहां यीशु मसीह जो मनदे हन, तां इसते कोई फर्क नीं पोंदा, कि तुहां दा खतणा होएया या नीं होएया। अपर जरूरी गल्ल एह़ ऐ, कि अहां मसीह पर बसुआस करदे हन, कने अहां च परमात्मे तांई कने दूये लोकां तांई प्यार ऐ।

फिलिप्पियों 1:9

मैं एह़ प्रार्थना करदा ऐ, कि तुहां दा इक्की दूये नैं प्यार, ज्ञान कने पूरिया समझा नैं होर भी बधदा जां,

1 थिस्सलुनीकियों 2:8

कने तिंआं ई अहां तुहां दी लालसा करदे होये, ना सिर्फ परमात्मे दा सुसमाचार पर अपणे-अपणे प्राण भी तुहां जो दैणे जो त्यार थे, इसतांई कि तुहां अहां दे बड़े भरी प्यारे होई गियो थे।

1 थिस्सलुनीकियों 4:1

आखरी च हे प्यारे साथी बसुआसियो, अहां तुहां नैं विणती करदे हन, कने तुहां जो प्रभु यीशु च समझांदे हन, कि तुहां प्रभु दे नांऐ च इस तरीके नैं ज़िन्दगी जीआ, जेह्ड़ी परमात्मे जो खुस करदी ऐ। कने जिंआं अहां तुहां जो सखाया भी ऐ। तुहां पैहल्ले ते ई इआं करदे आएयो हन, कने तिंआं ई होर भी बधदे जा।

1 थिस्सलुनीकियों 5:15

चौकन्ने रेह्आ कोई कुसी नैं बुराईया दे बदले बुराई ना करैं, अपर हमेसा भलाई करणे जो त्यार रेह्आ, अप्पु च कने सबना नैं हमेसा भलाईया दे कम्म करणे दी कोसस करा।

2 थिस्सलुनीकियों 1:3

हे प्यारे साथी बसुआसियो, तुहां दे बारे च अहां जो हमेसा परमात्मे दा धन्यावाद करणा चाइदा, कने एह़ ठीक भी ऐ, इसतांई कि तुहां दा बसुआस यीशु मसीह च बड़ा जादा बधी गेआ ऐ, कने तुहां सारेयां दा प्यार अप्पु च बड़ा ई बधदा जा दा ऐ।

याकूब 1:17

क्जोकि हर इक्क खरा वरदान कने हर इक्क बड़ा उत्तम दान परमात्मे दे पास्से ते मिलदा ऐ, जेह्ड़ा जोतियां दा पिता ऐ। कने परमात्मा हमेसा इक्को देहया ई ऐ, कने सैह़ ढोरे साइआं नीं बदलदा।

2 पतरस 1:7

कने तुहां जो सिर्फ सैदई ज़िन्दगी ई नीं जीणी चाइदी, जेह्ड़ी परमात्मे जो खुस करदी ऐ, अपर तुहां जो दूयेयां सौगी अपणे परवारे साइआं प्यार भी करणा चाइदा, कने तुहां जो सिर्फ दूयेयां सौगी प्यार नीं रखणा चाइदा, अपर तुहां जो सारे लोकां नैं भी प्यार रखणा चाइदा।

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।