1 थिस्सलुनीकियों 3:11 - काँगड़ी

¹¹ अहां प्रार्थना करदे हन, कि अहां दा पिता परमात्मा कने अहां दा प्रभु यीशु, तुहां अल्ल ओणे च अहां दी मदत कने अगुआई करैं।

1 थिस्सलुनीकियों 3:11 Iomraidhean Croise

मत्ती 6:14

“इसतांई जे तुहां माणुआं दे अपराध माफ करगे, तां तुहां दा सुअर्गीय पिता भी तुहां जो माफ करगा।

मत्ती 6:18

तांजे लोक नीं पर तेरा पिता जेह्ड़ा गुप्त च ऐ, तिज्जो ब्रत करणे आल़ा जाणे। इसा हालता च तेरा पिता जेह्ड़ा गुप्त च दिक्खदा ऐ, तिज्जो प्रतिफल़ दिंगा।

मत्ती 6:26

अम्बरे दे पंछियां जो दिक्खा सैह़ ना बांदे हन, ना बडदे हन, कने ना तां पेड़ूयां च कठ्ठेरदे हन। भिरी भी तुहां दा सुअर्गीय पिता तिन्हां जो खुआंदा ऐ। क्या तुहां तिन्हां ते जादा कीमती नीं हन?

मत्ती 6:32

क्जोकि होरनी जातिआं दे लोक इन्हां सारियां चीज्जां दी फिकर करदे रैंह्दे हन, अपर तुहां फिकर मत करा, क्जोकि तुहां दा सुअर्गीय पिता जाणदा ऐ, कि तुहां जो इन्हां सारिया चीज्जां दी जरूरत ऐ।

मत्ती 6:4

तांजे तेरा दान गुप्त रैंह्, कने ताह़लू तेरा पिता जेह्ड़ा गुप्त च दिक्खदा ऐ तिज्जो प्रतिफल़ दिंगा।

मत्ती 6:6

अपर जाह़लू तू प्रार्थना करैं, तां अपणे कमरे च जा। कने दरवाजे बंद करी नैं अपणे पिता नैं जेह्ड़ा गुप्त च ऐ प्रार्थना कर। ताह़लू तेरा पिता जेह्ड़ा गुप्त च दिक्खदा ऐ, तिज्जो प्रतिफल़ दिंगा।

मरकुस 1:3

“सुनसाण जगाह च इक्क हक्कां पाणे आल़े दी उआज़ सुम्मां दी कि ‘प्रभु तांई लोकां देयां मनां जो त्यार करा, कने अपणे आप्पे जो सुधारा।’ ”

लूका 12:30

क्जोकि संसारे दी दूईआं जातिआं दे लोक इन्हां सारियां चीज्जां दी फिकर करदे रैंह्दे हन कने तुहां दा पिता जाणदा ऐ, तुहां जो इन्हां चीज्जां दी जरूरत ऐ।

लूका 12:32

“हे भेड्डां साइआं झुंड, मत डर; क्जोकि तुहां दे पिता परमात्मे तुहां जो राज्ज दैणे दी दया कित्ती ऐ।

यूहन्ना 20:17

यीशुयैं तिसा नैं ग्लाया, “मिन्जो मत छु, क्जोकि मैं अह्ल्ली तिकर पिता अल्ल ऊपर नीं गेआ, अपर मेरे भाऊआं अल्ल जाई नैं तिन्हां नैं ग्लाई दे, कि मैं अपणे पिता कने तुहां दे पिता, कने अपणे परमात्मे कने तुहां दे परमात्मे अल्ल ई ऊपरेयो चलेया ऐ।

रोमियो 1:3

अपणे पुत्तर अहां दे प्रभु यीशु मसीह दे बारे च वादा कित्या था। सैह़ सरीरे मताबक तां दाऊद राजे दे वंशे ते पैदा होएया।

2 कुरिन्थियों 6:18

कने मैं तुहां दा पिता हुंगा, कने तुहां मेरे बच्चे हुंगे। एह़ सर्वशक्तिमान प्रभु परमात्मे दा वचन ऐ।”

गलातियों 1:4

यीशु मसीयैं अपणी ज़िन्दगी अहां दे पापां तांई देई दित्ती, तांजे अहां दे परमात्मे दी कने पिता दिया इच्छा मताबक अहां जो इस बग्ते दे बुरे संसारे ते छड्डां।

कुलुस्सियों 1:2

मैं एह़ चिठ्ठी मसीह दे तिन्हां पवित्र कने सच्चे बसुआसी भाऊआं दे नांऐ पर लिखदा ऐ, जेह्ड़े कुलुस्से सैहरे च रैंह्दे हन। मैं प्रार्थना करदा ऐ, कि अहां दे पिता परमात्मे दिया तरफा ते तुहां जो अनुग्रह कने सांति मिलदी रैंह्।

1 थिस्सलुनीकियों 3:13

तांजे सैह़ तुहां दे मनां जो ऐदेया मजबूत करैं, कि जाह़लू अहां दा प्रभु यीशु अपणे सारे परमात्मे दे लोकां सौगी दुवारी बापस औयें, तां तुहां अहां दे पिता परमात्मे दे सामणै पवित्रता च बेकसूर ठैह़रन।

1 थिस्सलुनीकियों 4:16

क्जोकि प्रभु यीशु अप्पु ई सुअर्गे ते ओंगा; कने तिस बग्त ललकार, कने प्रधान सुअर्गदूते दी उआज़ सुम्मगी, कने परमात्मे दी तुरही बजगी। कने जेह्ड़े बसुआसी मसीह च इस संसारे जो छड्डी करी चली गियो हन, सैह़ पैहल्लैं जिन्दे हुंगे।

1 थिस्सलुनीकियों 5:23

परमात्मा जेह्ड़ा सांति दिंदा ऐ, सैई तुहां जो पूरे तरीके नैं पवित्र करगा। कने तुहां दिया आत्मा, प्राण, कने सरीर अहां दे प्रभु यीशु मसीह दे बापस ओणे तिकर पूरी रीतिया नैं बेकसूर कने सम्भाल़ी नैं रखगा।

2 थिस्सलुनीकियों 2:16

अहां अपणे प्रभु यीशु मसीह नैं कने पिता परमात्मे नैं जिन्हीं अहां नैं प्यार कित्ता विणती करदे हन, जिन्हीं अहां जो अपणे अनुग्रह दे जरिये सदा तांई हौंसला कने पक्की आसा दित्ती ऐ।

2 थिस्सलुनीकियों 3:16

मैं प्रार्थना करदा ऐ, कि प्रभु जेह्ड़ा सांति दा सोता ऐ, कने हर तरीके नैं तुहां जो लगातार सांति दिंदा रैंह्, कने तुहां सबना सौगी रैंह्।

2 थिस्सलुनीकियों 3:5

अहां प्रार्थना करदे हन, कि प्रभु यीशु मसीह तुहां जो एह़ दस्सें, कि परमात्मा तुहां नैं कितणा प्यार करदा ऐ, कने मुसीबतां च किंआं मजबूत रैहणा ऐ, जिंआं यीशु मसीह था।

1 यूहन्ना 3:1

जरा सोचा, कि पिता परमात्मैं अहां नैं कितणा प्यार कित्या ऐ, कि अहां परमात्मे दी औलाद बणन, कने सच्च-बिच्च अहां तिसदे बच्चे हन भी। अपर इस संसार दे लोक एह़ नीं जाणदे कि अहां तिसदे बच्चे हन, क्जोकि तिन्हां परमात्मे जो नीं जाणेया।

प्रकाशितवाक्य 21:3

भिरी मैं सिंहासणे च कुसी जो जोरे नैं एह़ ग्लांदे सुणेया, “दिक्ख, परमात्मे दा डेरा माणुआं दे बिच्च ऐ। सैह़ तिन्हां सौगी डेरा करगा, कने सैह़ तिसदे लोक हुंगे, कने परमात्मा अप्पु तिन्हां सौगी रैंह्गा कने तिन्हां दा परमात्मा हुंगा।