1 थिस्सलुनीकियों 3:10 - काँगड़ी

¹⁰ अहां रात दिन बड़ी प्रार्थना करदे रैंह्दे हन, कि तुहां जो दुवारी दिक्खन, कने तुहां दे बसुआसे च जेह्ड़ी कमी ऐ, तिसा जो पूरा करन।

1 थिस्सलुनीकियों 3:10 Iomraidhean Croise

लूका 2:37

सैह़ चौरासी साल्लां ते बिधवा थी, कने सैह़ मंदरे जो नीं छड्डदी थी। अपर ब्रत कने प्रार्थना करी नैं रात -दिन अराधना करदी थी।

प्रेरितां दे कम्म 26:7

तिस वादे दे पूरे होणे दी आस लगायो, अहां दे बारांह गोत्र अपणे सारे मने नैं रात दिन परमात्मे दी अराधना करदे आये हन। हे राजा, इसा ई आसा दे बारे च यहूदी मिन्जो पर दोस लगांदे हन।

2 कुरिन्थियों 1:15

इसी भरोसे नैं मैं चांह़दा था कि पैहल्ले तुहां अल्ल औयें तांजे इस तरीके नैं मेरे तुहां अल्ल दो बरी ओणे नैं तुहां जो दुगणी आसीष मिल्लैं।

2 कुरिन्थियों 1:24

इसदा मतलब एह़ नीं कि अहां तुहां दे बसुआसे पर हक्क जतान, क्जोकि तुहां अपणे बसुआसे च मजबूत रैंह्दे हन। अपर अहां तां तुहां दिया खुसिया च साझी हन।

2 कुरिन्थियों 13:11

कने हे प्यारे साथी बसुआसियो, मैं इन्हां सब्दां सौगी चिठ्ठी बंद करदा ऐ। खुस रेह्आ, सिद्ध बणदे जा, इक्की दूये जो हौंसला दिंदे रेह्आ, इक्क मन रेह्आ, मिल्ली जुली नैं रेह्आ। ताह़लू प्यार कने सांति दा परमात्मा तुहां सौगी रैंह्गा।

2 कुरिन्थियों 13:9

जाह़लू अहां कमजोर हन, कने तुहां ताकतवर हन, तां अहां खुस हुंदे हन, कने एह़ प्रार्थना भी करदे हन, कि तुहां बसुआसे च मजबूत होई जा।

फिलिप्पियों 1:25

इसतांई कि मिन्जो इसदा भरोसा ऐ, कने मैं जाणदा ऐ, कि मैं जिन्दा रैंह्गा, हलांकि तुहां सारेयां सौगी रैंह्, जिसते मैं तुहां जो बसुआसे च मजबूत करणे कने तिस च खुस रैहणे च तुहां दी मदत करगा।

कुलुस्सियों 1:28

अहां मसीह दा प्रचार करी नैं हर इक्की माणुये जो परमात्मे दे तिस ज्ञाने दे जरिये चतौणी कने सिक्षा देई नैं समझांदे हन, तांजे अहां एह़ दिक्खी लैन कि हर इक्क बसुआसी परमात्मे सामणै खड़ोणे तांई मसीह च पक्का होई जां।

कुलुस्सियों 4:12

इपफ्रास जेह्ड़ा तुहां दे ग्रांऐ ते ऐ, कने यीशु मसीह दा दास ऐ, तुहां जो नमस्कार ग्लांदा ऐ। सैह़ हमेसा तुहां तांई मन लगाई नैं प्रार्थना करदा ऐ, जिसते तुहां लोक सारियां गल्लां सिद्ध होई नैं पूरे बसुआसे सौगी परमात्मे दी इच्छा पर मजबूत रेह्आ।

1 थिस्सलुनीकियों 3:11

अहां प्रार्थना करदे हन, कि अहां दा पिता परमात्मा कने अहां दा प्रभु यीशु, तुहां अल्ल ओणे च अहां दी मदत कने अगुआई करैं।

2 थिस्सलुनीकियों 1:11

इसतांई अहां लगातार तुहां तांई प्रार्थना भी करदे हन, कि अहां दा परमात्मा तुहां जो इस जोग्गा बणा, जिसियो करणे तांई तिन्हीं तुहां जो सद्देया ऐ, कने भलाई दी हर इक्क इच्छा कने बसुआसे दे हर इक्की कम्मे जो सामर्थी सौगी पूरा करैं,

2 तीमुथियुस 1:3

मैं रात-दिन अपणिया प्रार्थना च तुहां जो याद करी नैं परमात्मे जो धन्यावाद दिंदा ऐ, जिसदी सेवा मैं साफ अन्तर आत्मा नैं तिंआं ई करदा ऐ, जिंआं मेरे पूर्वज करदे थे।

फिलेमोन 1:22

कने एह़ भी कि मिन्जो तांई रैहणे दी जगाह त्यार रख। मिन्जो आस ऐ कि परमात्मा तुहां दिया प्रार्थना दा तौल़ी जवाब दिंगा, कि मैं तुहां अल्ल औयें।

प्रकाशितवाक्य 4:8

चौंन्नी प्राणियां दे छे-छे पंख थे, कने तिन्हां दे चौंन्नी पास्से कने तिन्हां दे पंखा दे थल्लैं भी अखीं ई अखीं थियां; कने सैह़ रात दिन बगैर अराम कित्यो एह़ ग्लांदे रैंह्दे थे, “पवित्र, पवित्र, पवित्र प्रभु सर्वशक्तिमान परमात्मा! जेह्ड़ा हमेसा था कने जेह्ड़ा ऐ कने जेह्ड़ा ओणे आल़ा ऐ।”

प्रकाशितवाक्य 7:15

इसतांई “सैह़ परमात्मे दे सिंहासणे सामणै हाजर हन, कने सैह़ दिन-रात अपणे घरे च परमात्मे दी सेवा करदे हन, कने जेह्ड़ा सिंहासणे पर बैठेया ऐ, सैह़ तिन्हां बिच्च रैंह्गा कने तिन्हां दी देखभाल करगा।