1 थिस्सलुनीकियों 2:9 - काँगड़ी

⁹ क्जोकि, हे प्यारे साथी बसुआसियो, तुहां अहां दी मेहनत कने दुखां जो याद रखदे हन। कि अहां इसतांई रात दिन कम्म धंधा करदे होये तुहां च परमात्मे दा सुसमाचार प्रचार कित्ता कि तुहां च कुसी पर भी बोझ नीं बणन।

1 थिस्सलुनीकियों 2:9 Iomraidhean Croise

लूका 18:7

इसतांई क्या परमात्मा अपणे चुणेयां दा न्याय नीं चुकांगा, जेह्ड़े दिन-रात तिसदी दुहाई दिंदे रैंह्दे हन? क्या सैह़ तिन्हां दे बारे च देर करगा?

लूका 2:37

सैह़ चौरासी साल्लां ते बिधवा थी, कने सैह़ मंदरे जो नीं छड्डदी थी। अपर ब्रत कने प्रार्थना करी नैं रात -दिन अराधना करदी थी।

प्रेरितां दे कम्म 18:3

पौलुस तिन्हां जो दिक्खणा गेआ, क्जोकि तिसदा कने अक्विला दा इक्क ई बपार था; इसतांई सैह़ तिन्हां सौगी रेह्आ कने सैह़ तम्बू बणाणे दा कम्म करणा लग्गे।

प्रेरितां दे कम्म 20:24

अपर मैं अपणेयां प्राणा जो कुच्छ नीं समझदा कि तिन्हां जो प्यारा जाणे, अपर एह़ कि मैं अपणिया दौड़ा जो कने सेवा जो पूरिया करैं, जेह्ड़ी मैं परमात्मे दे अनुग्रह दे सुसमाचार पर गवाही दैणे तांई प्रभु यीशु मसीह ते पाई ऐ।

प्रेरितां दे कम्म 20:31

इसतांई जागदे रेह्आ, कने याद रखा कि मैं त्रै साल तिकर रात-दिन रौई-रौई करी हर इक्की जो चतौणी दैणा नीं छड्डेया।

रोमियो 1:1

मैं पौलुस इसा चिठ्ठिया लिखा दा ऐ, जेह्ड़ा यीशु मसीह दा दास ऐ, कने प्रेरित होणे तांई परमात्मे दे जरिये चुणेया ऐ, कने तिस सुसमाचारे दा प्रचार करणे तांई लग्ग कित्या ऐ, जेह्ड़ा परमात्मे दे पास्से ते ऐ।

रोमियो 15:16

कि मैं होरनी जातिआं दे लोकां तांई यीशु मसीह दा सेवक बणी नैं इक्क याजकें साइआं परमात्मे दे सुसमाचारे दी सेवा करैं। तां होरनी जातिआं दे लोकां जो पवित्र आत्मा दे जरिये पवित्र कित्ते जाणे ते बाद, परमात्मे सौगी मिल्लांदा ऐ, जिसते सैह़ खुस हुंदा ऐ।

रोमियो 15:19

कने चमत्कारां, कने अनोखे कम्मां दी सामर्थी ते, कने पवित्र आत्मा दिया सामर्थी सौगी मेरे जरिये कित्ते। ऐत्थु तिकर कि मैं यरूशलेम सैहरे ते लेई नैं चौंन्नी पास्सेयां इल्लुरिकुम सैहरे तिकर यीशु मसीह दे सुसमाचारे दा पूरा-पूरा प्रचार कित्ता।

1 कुरिन्थियों 4:12

कने अपणे ई हत्थां नैं कम्म करी नैं मेहनत करदे हन। लोक अहां जो बुरा ग्लांदे हन, अहां तिन्हां जो आशीर्वाद दिंदे हन, सैह़ सतांदे हन, अहां झेलदे हन।

1 कुरिन्थियों 9:15

अपर मैं इन्हां च कुसी भी हक्के दा इस्तेमाल नीं कित्ता, कने मैं एह़ गल्लां इसतांई नीं लिखा दा ऐ, कि मिन्जो तांई कुच्छ कित्ता जां। क्जोकि इसदे बजाये कि कोई मेरे इस घमंडे जो बेकार समझे, तां मेरा मरना ई खरा ऐ।

1 कुरिन्थियों 9:18

तां भिरी क्या ऐ मेरा प्रतिफल़? ऐई कि मैं यीशु मसीह दा सुसमाचारे दा प्रचार मुफ्ते च करदा रैंह्, कने इसते जुड़ेयां अपणे सारे हक्कां दा इस्तेमाल नीं करैं।

1 कुरिन्थियों 9:4

क्या बरनबास कने मिन्जो प्रेरित होणे दे नाते एह़ हक्क नीं ऐ, कि अहां तुहां ते अपणे कम्मे तांई पैसेयां दी मदत लेई सकन?

2 कुरिन्थियों 11:27

मैं कड़ी मेहनत कित्ती, कने बड़ियां रातीं जागदे कटीं। मिन्जो जयादातर भुखा रैहणा पेआ। भुख प्यास च, बार-बार ब्रत करणे च, ठंडी च कने कपड़ेयां दिया कमिया च, इन्हां सबना तकलीफां जो झेलदा रेह्आ।

2 कुरिन्थियों 11:9

कने जाह़लू मैं तुहां सौगी था, कने मिन्जो पैसेयां दी कमी होई तां मैं कुसी पर भी बोझ नीं बणेया। क्जोकि बसुआसी भाऊआं मकिदुनिया प्रदेसे ते आई नैं पैसे देई करी मेरी जरूरत पूरी कित्ती। मैं हर गल्ला च तुहां पर बोझ नीं बणेया, कने ओणे आल़े दिनां च भी नीं बणगा।

2 कुरिन्थियों 6:5

कोड़े खाई नैं, जेला च जाई नैं, दंगा फसादे नैं, मेहनत करी नैं, जागदे रेई नैं, ब्रत करी नैं,

फिलिप्पियों 4:16

इसते पैहल्ले जाह़लू मैं थिस्सलुनीके सैहरे च था, ताह़लू भी तुहां मेरी जरूरत पूरी करणे तांई कई बरी पैसे घल्लेयो थे।

1 थिस्सलुनीकियों 1:3

अहां हमेसा ई पिता परमात्मे दे सामणै तुहां दे बसुआसे दे कम्म, कने प्यारे दी मेहनत, कने अहां दे प्रभु यीशु मसीह च तुहां दी आसा दा सबर याद करदे हन।

1 थिस्सलुनीकियों 2:2

जिंआं तुहां अप्पु ई जाणदे हन, कि पैहल्ले अहां फिलिप्पी सैहरे च दुख झेलेया कने बुरा बर्ताब होणे दे बाद भी परमात्मैं अहां जो इतणी हिम्मत दित्ती, कि अहां परमात्मे दा सुसमाचार तुहां दे लाक्के च भारी बरोध दे होणे दे बावजूद भी तुहां जो सणाई सकन।

1 थिस्सलुनीकियों 2:6

हलांकि अहां मसीह दे प्रेरित होणे दिया बज़ाह ते तुहां पर बोझ बणी सकदे थे, भिरी भी अहां लोकां ते आदर नीं चांह़दे थे, कने ना तुहां ते, ना होर कुसी ते।

1 थिस्सलुनीकियों 3:10

अहां रात दिन बड़ी प्रार्थना करदे रैंह्दे हन, कि तुहां जो दुवारी दिक्खन, कने तुहां दे बसुआसे च जेह्ड़ी कमी ऐ, तिसा जो पूरा करन।

1 तीमुथियुस 1:11

एह़ सुसमाचार दी सिक्षा परमधन्य परमात्मे दे पास्से ते ऐ, जेह्ड़ी लोकां जो सणाणे तांई परमात्मे मिन्जो दित्तियो ऐ।

1 तीमुथियुस 4:10

अहां मेहनत कने कोसस इसतांई करदे हन कि अहां दी आस तिस जिन्दे परमात्मे पर ऐ, जेह्ड़ा सारे लोकां दा कने खास करी नैं बसुआसियां दा उद्धार करणे आल़ा ऐ।

1 तीमुथियुस 5:5

तिसा बिधवा दी जिसादी देखभाल करणे आल़ा कोई नीं ऐ, सैह़ परमात्मे पर आस रखदी ऐ, कने मदत तांई रात दिन परमात्मे नैं विणती कने प्रार्थना च लग्गी रैंह्दी ऐ।

2 तीमुथियुस 1:3

मैं रात-दिन अपणिया प्रार्थना च तुहां जो याद करी नैं परमात्मे जो धन्यावाद दिंदा ऐ, जिसदी सेवा मैं साफ अन्तर आत्मा नैं तिंआं ई करदा ऐ, जिंआं मेरे पूर्वज करदे थे।