1 थिस्सलुनीकियों 2:8 - काँगड़ी

⁸ कने तिंआं ई अहां तुहां दी लालसा करदे होये, ना सिर्फ परमात्मे दा सुसमाचार पर अपणे-अपणे प्राण भी तुहां जो दैणे जो त्यार थे, इसतांई कि तुहां अहां दे बड़े भरी प्यारे होई गियो थे।

1 थिस्सलुनीकियों 2:8 Iomraidhean Croise

लूका 7:2

तिस सैहरे च इक्क रोमी फौजा दा सूबेदार रैंह्दा था कने तिसदा इक्क प्यारा दास बमार कने मरना लगेया था।

रोमियो 1:1

मैं पौलुस इसा चिठ्ठिया लिखा दा ऐ, जेह्ड़ा यीशु मसीह दा दास ऐ, कने प्रेरित होणे तांई परमात्मे दे जरिये चुणेया ऐ, कने तिस सुसमाचारे दा प्रचार करणे तांई लग्ग कित्या ऐ, जेह्ड़ा परमात्मे दे पास्से ते ऐ।

रोमियो 10:1

हे प्यारे साथी बसुआसियो, मेरे मने दी इच्छा कने मेरे अपणे लोकां तांई परमात्मे नैं मेरी प्रार्थना ऐ कि सैह़ परमात्मे ते उद्धार पान।

रोमियो 15:29

कने मैं जाणदा ऐ, कि जाह़लू मैं तुहां अल्ल ओंगा, तां मसीह दी कीमती आसीषां जो तुहां सौगी बंडगा।

2 कुरिन्थियों 12:15

मैं तुहां लोकां तांई बड़ी खुसिया नैं सब कुच्छ खर्च करी दिंगा, कने अपणे आप्पे जो भी देई दिंगा। जे मैं तुहां नैं इतणा प्यार करदा ऐ, तां क्या तुहां मिन्जो नैं घट प्यार करगे?

2 कुरिन्थियों 6:1

अहां जेह्ड़े परमात्मे सौगी कम्म करणे आल़े हन, कने तुहां लोकां नैं एह़ विणती भी करदे हन, कि तिसदा अनुग्रह जेह्ड़ा तुहां पर होएया, तिसियो बेकार मत जाणा देआ।

गलातियों 4:19

हे मेरे प्यारे बच्चेयो, जिंआं इक्क जणांस बच्चे जो जन्म दिंदे बग्त दर्द मसूस करदी ऐ, तिंआं ई मैं भी जाह़लू तिकर तुहां पूरे तरीके नैं मसीह साइआं नीं बणी जान, सैई दर्द मसूस करदा ऐ।

फिलिप्पियों 1:8

इस च परमात्मा मेरा गवाह ऐ कि जिंआं ई यीशु मसीह तुहां सारेयां नैं प्यार करदा ऐ, सच्च-बिच्च मैं भी तुहां नैं तिंआं ई प्यार करदा ऐ।

फिलिप्पियों 2:17

तुहां दा मसीह च बसुआस कने तुहां दी सेवा परमात्मे तांई चढ़ाईया बल़िया साइआं ऐ। जे सैह़ मिन्जो मारी भी दैन, तमी मैं खुस ऐ, कने तुहां सबना सौगी खुसी मनांदा ऐ।

फिलिप्पियों 2:20

क्जोकि मिन्जो अल्ल देहय् सभावे दा कोई नीं जेह्ड़ा सुद्ध मने नैं तुहां दी फिकर करैं।

फिलिप्पियों 4:1

हे प्यारे साथी बसुआसियो, मैं तुहां नैं बड़ा प्यार करदा ऐ, कने तुहां नैं मिलणा चांह़दा ऐ, जेह्ड़े मेरी खुसी कने इनाम हन। इसतांई हे प्यारे साथी बसुआसियो, प्रभु दे बसुआसे च मजबूत बणी रेह्आ।

कुलुस्सियों 1:28

अहां मसीह दा प्रचार करी नैं हर इक्की माणुये जो परमात्मे दे तिस ज्ञाने दे जरिये चतौणी कने सिक्षा देई नैं समझांदे हन, तांजे अहां एह़ दिक्खी लैन कि हर इक्क बसुआसी परमात्मे सामणै खड़ोणे तांई मसीह च पक्का होई जां।

कुलुस्सियों 1:7

तिसदी सिक्षा तुहां अहां दे प्यारे साथी इपफ्रासे ते सिखियो ऐ, जेह्ड़ा अहां सौगी मसीह च बसुआसे जोग्गा सेवक ऐ।

कुलुस्सियों 4:12

इपफ्रास जेह्ड़ा तुहां दे ग्रांऐ ते ऐ, कने यीशु मसीह दा दास ऐ, तुहां जो नमस्कार ग्लांदा ऐ। सैह़ हमेसा तुहां तांई मन लगाई नैं प्रार्थना करदा ऐ, जिसते तुहां लोक सारियां गल्लां सिद्ध होई नैं पूरे बसुआसे सौगी परमात्मे दी इच्छा पर मजबूत रेह्आ।

फिलेमोन 1:1

मैं पौलुस जेह्ड़ा यीशु मसीह दी सेवा करणे दिया बज़ाह ते जेला च कैद ऐ, कने भाऊ तीमुथियुसे दिया तरफा ते अहां दे प्यारे साथी फिलेमोन,

इब्रानियों 13:17

अपणे अगुआं दा हुक्म मन्ना कने तिन्हां दे अधीन रेह्आ, क्जोकि सैह़ तुहां जो दिक्खा दे हन, कि तुहां अपणे रस्ते ते भटकी नीं जान। क्जोकि तिन्हां जो अपणिया सेवा दा लेखा जोखा परमात्मे जो दैणा पोणा ऐ। तुहां तिन्हां दे हुक्मां जो मन्ना, तांजे सैह़ अपणे कम्मां दे खुस होई जान, ना कि उदास, एह़ तुहां तांई भी फायदेमंद होई जांगा।

1 यूहन्ना 3:16

अहां प्यार इसते जाणेया, कि यीशु मसीयैं अहां तांई अपणे प्राण देई दित्ते; इसतांई अहां जो भी भाऊआं तांई अपणे प्राण दैणा चाइदे।