1 थिस्सलुनीकियों 2:5 - काँगड़ी

⁵ एह़ तुहां जाणदे हन, कि ना तां अहां दियां गल्लां च हेरा फेरी थी, कने ना तां अहां तुहां ते कुच्छ पाणे तांई लालच कित्ता, इन्हां गल्लां तांई परमात्मा गवाह ऐ कि अहां सैदय लोक नीं थे।

1 थिस्सलुनीकियों 2:5 Iomraidhean Croise

मत्ती 22:16

कने तिन्हां अपणे चेलेयां जो यहूदी माणुआं सौगी, जेह्ड़े हेरोदेस राजे दे समर्थक थे, तिस अल्ल एह़ ग्लाणे जो घल्लेया, “हे गुरू अहां जाणदे हन कि तू सच्चा ऐ, कने परमात्मे दा रस्ता सच्चाईया नैं सखांदा ऐ, कने कुसी दी परवाह नीं करदा, क्जोकि तू माणुआं दा मुँ दिक्खी नैं गल्लां नीं करदा।

मत्ती 23:13

“हे पाखंडी सास्त्री कने फरीसी माणुओ, तुहां पर हाय। तुहां माणुआं तांई सुअर्गे दे राज्जे दा रस्ता बंद करदे हन, ना तां तुहां अप्पु तिस च जांदे हन कने ना तिस च जाणे आल़ेआं जो जाणा दिंदे।

प्रेरितां दे कम्म 20:33

मैं कुसी दे सोन्ने चाँदी, कने कपड़ेयां दा लालच नीं कित्ता।

रोमियो 1:9

परमात्मा जिसदी सेवा मैं अपणे पूरे मने नैं तिसदे पुत्तरे दे सुसमाचार दे बारे च करदा ऐ, सैई मेरा गवाह ऐ, कि मैं तुहां लोकां जो अपणिया प्रार्थना च लगातार याद करदा रैंह्दा ऐ,

रोमियो 16:18

क्जोकि ऐदेय लोक अहां दे प्रभु मसीह दी नीं, अपर अपणे फायदे तांई सेवा करदे हन। एह़ लोक मिठ्ठियां-मिठ्ठियां गल्लां करी नैं सिध्धे सादे लोकां जो भकाई दिंदे हन।

रोमियो 9:1

मैं मसीह च सच्च ग्लांदा ऐ, झूठ नीं ग्लांदा कने मेरा जमीर भी पवित्र आत्मा च गवाही दिंदा ऐ।

2 कुरिन्थियों 12:17

तुहां दस्सा, जिन्हां लोकां जो मैं तुहां अल्ल घल्लेया, क्या तिन्हां लोकां च कुसी दे जरिये भी मैं धोखा देई नैं तुहां ते कुच्छ गलत फायदा लेआ?

2 कुरिन्थियों 2:17

क्जोकि अहां तिन्हां मतेआं साइआं नीं हन, जेह्ड़े परमात्मे दे वचने जो अपणे फायदे तांई प्रचार करदे हन। अपर अहां परमात्मे दे वचने जो सच्चाईया नैं कने मसीह दे हक्के नैं प्रचार करदे हन, एह़ जाणदे होये कि परमात्मा अहां जो दिक्खा दा ऐ।

2 कुरिन्थियों 4:2

अपर अहां सर्मा दे गुप्त कम्मां जो छड्डी दित्या ऐ, कने ना चलाकी करदे, कने ना परमात्मे दे वचने जो अपणे फायदे तांई सणांदे हन। अपर अहां परमात्मे सामणै सिर्फ सच्चाई दस्सदे हन, तांजे हर इक्क माणु एह़ गवाही दैं, कि अहां सच्च ग्लांदे हन।

2 कुरिन्थियों 7:2

अहां जो अपणे मने च जगाह देआ। अहां ना कुसी नैं बुराई कित्ती, ना कुसी जो बिगाड़ेया, कने ना कुसी जो ठगेया।

गलातियों 1:20

दिक्खा, जेह्ड़ियां गल्लां मैं तुहां जो लिखदा ऐ, परमात्मा जाणदा ऐ कि सैह़ सारियां सच्चियां हन।

1 थिस्सलुनीकियों 2:10

तुहां अप्पु ई गवाह हन, कने परमात्मा भी गवाह ऐ कि तुहां सारे बसुआसियां सौगी अहां दा बर्ताब कितणा पवित्र कने धार्मिक कने बेकसूर था।

1 तीमुथियुस 3:3

सैह़ पियक्कड़ कने मारपीट करणे आल़ा ना होयैं, अपर नरम दिले दा होयैं, कने ना लड़णे आल़ा, कने ना धन-दौलता दा लालची होयैं।

1 तीमुथियुस 3:8

तिंआं ई कलीसिया दे सेवक भी इज्जतदार कने ईमानदार होणे चाइदे, कने सैह़ पियक्कड़ कने नीच कमाईया दे लालची ना होन।

तीतुस 1:7

क्जोकि अगुआ परमात्मे दा भण्डारी होणे दिया बज़ाह ते बेकसूर होणा चाइदा; ना जिद्द करणे आल़ा, ना गुस्सा करणे आल़ा, ना पियक्कड़, ना मारपीट करणे आल़ा, कने ना नीच कमाईया दा लालची होयैं,

1 पतरस 5:2

जिंआं गुआल़ा अपणियां भेड्डां दी रखवाल़ी करदे हन, तिंआं ई तुहां भी तिन्हां सारेयां दी रखवाल़ी करा, जेह्ड़े परमात्मे तुहां जो दित्यो हन, इसा सेवा जो अपणिया खुसिया नैं मन लगाई नैं करा, क्जोकि परमात्मा ऐई चांह़दा ऐ, तुहां इसियो कुसी दबाबे दिया बज़ाह ते मत करा कने ना ई धन-दौलता दे लालचे तांई अपर सिर्फ परमात्मे कने लोकां दी सेवा करणे तांई।

2 पतरस 2:18

एह़ घमंडे नैं भरोईयां बेकार दियां गल्लां नैं तिन्हां लोकां जो लुचपण दे कम्मां दे जरिये सरीरे दियां इच्छां च फंसाई लैंदे हन, जेह्ड़े रस्ते ते भटकेयां लोकां ते बाल-बाल बची करी निकल़ी आएयो हन।

2 पतरस 2:3

कने एह़ झूठे सिक्षक लालची होई जांगे, कने अपणे फायदे तांई मनगढ़ंत काहणिया बणाई नैं तुहां जो धोखा दिंगे। परमात्मे बड़ी पैहल्लैं ई एह़ फैसला लेई लेआ था, कि सैह़ इन्हां दा नास करगा, कने सैह़ एह़ करणे तांई बिलकुल त्यार ऐ। सैह़ पक्का तिन्हां जो नास करगा।

यहूदा 1:11

तिन्हां लोकां पर हाय। क्जोकि तिन्हां दा बर्ताब आदमे दे जागते केने साइआं बुरा ऐ, धन-दौलता दे लालचे तांई तिन्हां सैई गलती कित्ती, जेह्ड़ी बिलामे कित्तियो थी। कने तिन्हां परमात्मे दे खलाफ भी बगावत कित्ती जिंआं कोरेह कित्तियो थी, इसा बज़ाह ते परमात्मा तिन्हां जो सज़ा दिंगा।