1 थिस्सलुनीकियों 2:4 - काँगड़ी

⁴ अपर जिंआं परमात्मैं अहां जो इस जोग्गा समझी करी सुसमाचार दित्या ऐ, इसतांई अहां माणुआं जो नीं, अपर अहां दे मना जो परखणे आल़े परमात्मे जो खुस करणे तांई सिक्षा दिंदे हन।

1 थिस्सलुनीकियों 2:4 Iomraidhean Croise

लूका 12:42

प्रभुयैं ग्लाया, “सैह़ बसुआसे जोग्गा कने अक्लमंद भण्डारी कुण ऐ, जिसियो मालकैं नौकरां चाकरां पर अधिकारी बणाया कि तिन्हां जो खाणे दी समग्री दैं।

लूका 16:11

इसतांई जाह़लू तुहां बेइमानी दी धन दौलता च ईमानदार नीं ठैह़रन, तां ईमानदारी दी धन दौलत तिज्जो कुण दिंगा।

यूहन्ना 21:17

तिन्हीं त्री बरी भिरी तिस नैं ग्लाया, “हे शमौन, यूहन्ने दे पुत्तर, क्या तू मिन्जो नैं प्यार रखदा ऐ?” पतरस उदास होई गेआ कि तिन्हीं तिस नैं त्री बरी इआं ग्लाया, “क्या तू मिन्जो नैं प्यार रखदा ऐ?” कने तिस नैं ग्लाया, “हे प्रभु, तू तां सब कुच्छ जाणदा ऐ; कने तू एह़ भी जाणदा ऐ कि मैं तिज्जो नैं प्यार रखदा ऐ।” यीशुयैं तिस नैं ग्लाया, “जेह्ड़े लोक मेरे हन तिन्हां दा ध्यान रख, जिंआं इक्क गुआल़ा अपणियां भेड्डां दा ध्यान रखदा कने चगांदा ऐ।

रोमियो 8:27

कने मनां जो परखणे आल़ा परमात्मा पवित्र आत्मा दिया मनसा जो जाणदा ऐ। क्जोकि सैह़ परमात्मे दे पवित्र लोकां तांई तिसदिया इच्छा दे मताबक विणती करदा ऐ।

1 कुरिन्थियों 7:25

हुण मिन्जो अल्ल कुआरियां दे बारे च प्रभु दे पास्से ते कोई हुक्म नीं ऐ, अपर प्रभुयैं अपणी दया करी नैं मिन्जो बुद्धि दित्तियो ऐ, जेह्ड़ी भरोसेमंद ऐ, कने मैं तिसादे मताबक ई अपणी सलाह दिंदा ऐ।

1 कुरिन्थियों 9:17

क्जोकि जे मैं अपणिया इच्छा ते सुसमाचार प्रचार करदा ऐ, तां मिन्जो तिसदा प्रतिफल़ जरूर मिलदा ऐ, अपर जे मैं बगैर इच्छा ते प्रचार करदा ऐ, तां एह़ सिर्फ जिम्मेवारिया जो पूरा करणा ई होएया ऐ।

2 कुरिन्थियों 2:17

क्जोकि अहां तिन्हां मतेआं साइआं नीं हन, जेह्ड़े परमात्मे दे वचने जो अपणे फायदे तांई प्रचार करदे हन। अपर अहां परमात्मे दे वचने जो सच्चाईया नैं कने मसीह दे हक्के नैं प्रचार करदे हन, एह़ जाणदे होये कि परमात्मा अहां जो दिक्खा दा ऐ।

2 कुरिन्थियों 4:2

अपर अहां सर्मा दे गुप्त कम्मां जो छड्डी दित्या ऐ, कने ना चलाकी करदे, कने ना परमात्मे दे वचने जो अपणे फायदे तांई सणांदे हन। अपर अहां परमात्मे सामणै सिर्फ सच्चाई दस्सदे हन, तांजे हर इक्क माणु एह़ गवाही दैं, कि अहां सच्च ग्लांदे हन।

2 कुरिन्थियों 5:11

इसतांई प्रभु दा डर मन्नी करी अहां लोकां जो सच्चाईया पर बसुआस करणे तांई विणती करदे हन। कने परमात्मा अहां जो पूरे तरीके नैं जाणदा ऐ, कने मैं आसा करदा ऐ तुहां भी अहां जो पूरे अपणे मने नैं खरे कित्ते जाणदे हन।

2 कुरिन्थियों 5:16

इसतांई अहां माणुये दिया नजरा नैं कुसी दा भी न्याय नीं करदे। हाँ इक्क बग्त था, जाह़लू अहां मसीह दा अंदाजा माणुये दिया नजरा नैं लगाया था, हुण नीं। हुण अहां तिन्हां जो जाणी गै हन।

गलातियों 1:10

हुण मैं माणुआं जो नीं अपर परमात्मे जो खुस करणे दी कोसस करदा ऐ, मैं माणुआं जो खुस करणे दी कोसस नीं करदा ऐ। जे मैं हुण तिकर माणुआं जो खुस करा दा हुंदा, तां मसीह दा दास नीं हुंदा।

गलातियों 2:7

अपर इसदिया जगाह जाह़लू तिन्हां अगुआं दिख्या कि जिंआं यहूदी लोकां तांई परमात्मैं सुसमाचारे दा कम्म पतरसे जो दित्ता, तिंआं ई होरनी जातिआं जो सुसमाचार सणाणे दा कम्म मिन्जो दित्ता।

इफिसियों 3:8

मिन्जो पर जेह्ड़ा सारे परमात्मे दे लोकां च लोक्के ते भी लोक्का ऐ, परमात्मे दा एह़ अनुग्रह मिन्जो पर होएया, मैं होरनी जातिआं जो सैह़ सुसमाचार सणा, कि यीशु मसीह ऐदिआं आसीषां दा जरिया ऐ, जिन्हां दी कोई सीमा नीं ऐ,

इफिसियों 6:6

कने हर बग्त अपणे मालकां जो खुस करणे दी कोसस करदे रेह्आ, सिर्फ ताह़लू ई नीं जाह़लू तुहां जो लग्गैं कि सैह़ तुहां जो दिक्खा दे हन। अपर मसीह दे दासां साइआं बणां, जेह्ड़े अपणे पूरे मने नैं सैई करदे हन जेह्ड़ा परमात्मा चांह़दा ऐ।

कुलुस्सियों 3:22

हे दासो, मेरी सलाह एह़ ऐ कि तुहां सारियां गल्लां च तिन्हां लोकां दा हुक्म मना, जेह्ड़े इसा धरतिया पर तुहां दे मालक हन। तिन्हां साइआं नीं, जेह्ड़े माणुआं जो खुस करणे तांई इआं करदे हन, अपर परमात्मे दे डरे च कने सच्चाईया च ।

1 तीमुथियुस 6:20

हे तीमुथियुस, तू एह़ निस्चा कर जेह्ड़ा परमात्मे तिज्जो दित्या ऐ कि तू सैई करदा ऐ। कने तिन्हां लोकां दी मत सुणदा जेह्ड़े हमेसा मूर्ख गल्लां करदे हन, जिन्हां नैं परमात्मे दी इज्जत नीं हुंदी ऐ कने बेकार च बैंह्स करदे हन, कने सैह़ ग्लांदे हन, कि एह़ ज्ञान ऐ, अपर सच्च बिच्च एह़ नीं ऐ।

2 तीमुथियुस 1:14

कने पवित्र आत्मा दे जरिये जेह्ड़ा अहां च बसदा ऐ, इस सुसमाचारे दी रखवाल़ी कर।

2 तीमुथियुस 2:2

कने तैं यीशु मसीह दे बारे च जेह्ड़ियां सिक्षां मतेआं लोकां सामणै मिन्जो ते सुणियां हन। तां हुण मैं एह़ चांह़दा ऐ, कि सैई सिक्षां तिन्हां बसुआसी लोकां जो भी सखा, जिन्हां पर तू भरोसा रखदा ऐ; तांजे सैह़ बसुआसी भी तिन्हां सिक्षां जो दूयेयां लोकां जो सखाणे जोग्गे बणी जान।

तीतुस 1:3

कने हुण ठीक बग्ते पर परमात्मे अहां पर सुसमाचारे जो प्रगट कित्या ऐ। अहां दे उद्धार करणे आल़े परमात्मे मिन्जो एह़ जिम्मेवारी दित्तियो ऐ, कने इस कम्मे जो करणे तांई हुक्म दित्या ऐ।

इब्रानियों 4:13

संसारे दी कोई भी चीज्ज परमात्मे ते छुपियो नीं ऐ। कने तिसदियां अखीं सामणै सारियां चीज्जां खुलियां कने बेपड़दा हन, तिसियो अहां जो लेखा दैणा पोंगा।

1 पतरस 4:11

जे तुहां अल्ल प्रचार करणे दा वरदान ऐ, तां तुहां जो परमात्मे दे वचने दा प्रचार करणा चाइदा; जे तुहां अल्ल दूयेयां लोकां दी सेवा करणे दा वरदान ऐ, तां तिसा ताकता नैं करा जेह्ड़ी परमात्मा तुहां जो दिंदा ऐ। तां हर कुच्छ जेह्ड़ा तुहां करदे हन, तिसते यीशु मसीह दे जरिये परमात्मे दी महिमा हुंगी। सारी महिमा कने सामर्थ जुगा-जुग तिकर तिसदी ऐ। आमीन।

प्रकाशितवाक्य 2:23

मैं तिन्हां जो भी मारी दिंगा, जेह्ड़े तिसा दियां सिक्षां जो मनदे हन; कने ताह़लू सारी कलीसियां जाणी लैंगियां कि हर माणुये दिले जो कने मने जो परखणे आल़ा मैंई ऐ, कने मैं तुहां च हर इक्की जो तिसदे कम्मां मताबक प्रतिफल़ दिंगा।”