1 थिस्सलुनीकियों 2:2 - काँगड़ी

² जिंआं तुहां अप्पु ई जाणदे हन, कि पैहल्ले अहां फिलिप्पी सैहरे च दुख झेलेया कने बुरा बर्ताब होणे दे बाद भी परमात्मैं अहां जो इतणी हिम्मत दित्ती, कि अहां परमात्मे दा सुसमाचार तुहां दे लाक्के च भारी बरोध दे होणे दे बावजूद भी तुहां जो सणाई सकन।

1 थिस्सलुनीकियों 2:2 Iomraidhean Croise

प्रेरितां दे कम्म 14:3

पौलुस कने बरनबास मतेआं दिनां तांई तित्थु रैह्, कने प्रभु दे भरोसे पर हिम्मता सौगी गल्लां करदे थे; कने सैह़ तिन्हां दे हत्थां ते चमत्कार कने अनोखे कम्म करवाई करी अपणे अनुग्रह दे वचनां पर गवाही दिंदा था।

प्रेरितां दे कम्म 14:5

जाह़लू होरनी जातिआं कने यहूदी तिन्हां दा अपमान कने तिन्हां पर पत्थर मारने तांई अपणे अधिकारियां सौगी तिन्हां पर दौड़े,

प्रेरितां दे कम्म 16:12

तित्थु ते अहां फिलिप्पी सैहरे पुज्जे, जेह्ड़ा मकिदुनिया प्रदेसे दा खास सैहर, कने रोमियां दी बस्ती ऐ; कने अहां तिस सैहरे च कुच्छ दिन तिकर रैह्।

प्रेरितां दे कम्म 16:19

जाह़लू तिसादे मालकां दिख्या, कि अहां दी कमाईया दी आसा पर पाणी फिरी गेआ ऐ, तां पौलुसे जो कने सीलासे जो पकड़ी करी चौके दे प्रधानां अल्ल घसीटदे लेई गै;

प्रेरितां दे कम्म 16:37

अपर पौलुस तिन्हां नैं ग्लाणा लग्गा, “तिन्हां अहां जो बगैर मुकदमे ते सबना लोकां सामणै मारेया, जाह़लू कि अहां रोमी माणु हन, भिरी भी अहां जो जेला च पाई दित्ता। कने हुण सैह़ अहां जो चुपचाप बाहर कड्डणा चांह़दे हन! बिलकुल नीं! अप्पु तिन्हां जो ऐत्थु औणां देआ, सैई अहां जो ऐत्थु ते बाहर छड्डी दिंगे।”

प्रेरितां दे कम्म 17:1

भिरी पौलुस कने सीलास अम्फिपुलिस कने अपुल्लिनिया सैहरे ते होई करी थिस्सलुनीक सैहरे च आये, जित्थु यहूदियां दा इक्क आराधनालय था।

प्रेरितां दे कम्म 17:17

इसतांई सैह़ आराधनालय च यहूदियां कने भक्तां नैं, कने चौके च जेह्ड़े लोक तिस नैं मिलदे थे तिन्हां नैं हर रोज बैंह्स बसाई करदा था।

प्रेरितां दे कम्म 19:8

ताह़लू पौलुस आराधनालय च जाई करी तीन मीहने तिकर निडर होई करी ग्लांदा रेह्आ, कने परमात्मे दे राज्जे दे बारे च बैंह्स करदा कने समझांदा रेह्आ।

प्रेरितां दे कम्म 4:13

जाह़लू तिन्हां पतरसे कने यूहन्ने दी हिम्मत दिक्खी, कने एह़ जाणेया कि एह़ अणपढ़ कने मामूली माणु हन, तां हरान होये; भिरी तिन्हां जो पणछैणी लेआ कि एह़ तां यीशु सौगी रेहयो हन।

प्रेरितां दे कम्म 4:20

क्जोकि एह़ तां अहां ते होई नीं सकदा कि जेह्ड़ा अहां दिख्या कने सुणेयां ऐ, सैह़ नीं ग्लान।”

प्रेरितां दे कम्म 4:31

जाह़लू सैह़ प्रार्थना करी बैठे, तां सैह़ जगाह जित्थु सैह़ कठ्ठरोयो थे हिल्ली गेई कने सैह़ सारे पवित्र आत्मा नैं भरोई गै, कने परमात्मे दा वचन हिम्मता सौगी सणांदे रैह्।

प्रेरितां दे कम्म 5:41

प्रेरित इसा गल्ला ते खुस होई करी महासभा दे सामणै ते चली गै, कि अहां यीशुये दे नांऐ तांई बेइज्जत होणे जोग्गे तां ठेहरै हन।

रोमियो 1:1

मैं पौलुस इसा चिठ्ठिया लिखा दा ऐ, जेह्ड़ा यीशु मसीह दा दास ऐ, कने प्रेरित होणे तांई परमात्मे दे जरिये चुणेया ऐ, कने तिस सुसमाचारे दा प्रचार करणे तांई लग्ग कित्या ऐ, जेह्ड़ा परमात्मे दे पास्से ते ऐ।

2 कुरिन्थियों 3:12

इसी आसा दिया बज़ाह ते अहां हिम्मता नैं ग्लांदे हन।

कुलुस्सियों 2:1

मैं चांह़दा ऐ, कि तुहां जाणी लैन कि तुहां कने तिन्हां तांई जेह्ड़े लौदीकिया सैहरे च हन, कने तिन्हां सारेयां तांई जिन्हां मिन्जो नीं दिख्या, मैं कितणी मेहनत करदा ऐ,

1 थिस्सलुनीकियों 1:5

क्जोकि अहां दे प्रभु यीशु मसीह दा सुसमाचार तुहां अल्ल ना सिर्फ ग्लाणे ते ई नीं, अपर पवित्र आत्मा दिया सामर्थी नैं, कने बड़े बसुआसे सौगी पुज्जया ऐ; जिंआं तुहां जाणदे हन, जाह़लू अहां तुहां सौगी थे, अहां तुहां दे भले दी खातर तुहां बिच्च कदेई ज़िन्दगी जीत्ती।

2 तीमुथियुस 1:12

इस सुसमाचारे दिया बज़ाह ते मैं ऐत्थु जेला च भी इन्हां दुखां जो झेला दा ऐ, अपर भिरी भी सर्मांदा नीं, क्जोकि मैं मसीह जो जाणदा ऐ; जिस पर मैं बसुआस कित्या ऐ, कने मिन्जो पक्का पता ऐ कि ताह़लू तिकर सैह़ मेरे इस सुसमाचारे दी रखवाल़ी करी सकदा ऐ, जाह़लू तिकर सैह़ बापस नीं ओंदा।

यहूदा 1:3

हे मेरे प्यारे साथी बसुआसियो, हलांकि मैं परमात्मे दे उद्धारे दे बारे च बड़ी मेहनत करी नैं तुहां जो लिखा दा था, जिस च अहां सारे साझी हन, मैं तुहां जो एह़ लिखणे तांई मजबूर होएया, कि तुहां जो सच्चाईया दी लड़ाई लड़णे तांई हौंसला देई सकैं। परमात्मैं अपणे लोकां जो एह़ सच्चाई इक्क ई बरी देई दित्तियो, जेह्ड़ी कदी नीं बदलदी।