1 थिस्सलुनीकियों 2:16 - काँगड़ी

¹⁶ कने सैह़ होरनी जाति दे लोकां नैं तिन्हां दे उद्धारे तांई गल्लां करणे ते अहां जो रोकदे हन, इस तरीके नैं सैह़ सदा अपणे पापां दा घड़ा भरदे हन। कने हुण तिन्हां पर परमात्मे दा कोप आई पेआ ऐ।

1 थिस्सलुनीकियों 2:16 Iomraidhean Croise

मत्ती 12:45

ताह़लू सैह़ दुष्टआत्मा जाई नैं अपणे ते भी बुरी सत होर दुष्टआत्मां जो अप्पु सौगी लेई जांदी ऐ, कने सैह़ तिस माणुये दे अंदर समाई नैं तित्थु वास करदियां हन, कने तिस माणुये दी हालत पैहल्ले ते भी बुरी होई जांदी ऐ। इस जुगे दे बुरे लोकां दी हालत भी ऐदई होणी ऐ।”

मत्ती 23:32

मैं जाणदा ऐ, तुहां तिसा बुराईया दा खात्मा करणे आल़े हन, जेह्ड़ी तुहां दे पूर्वजां सुरू कित्तियो थी।

मत्ती 24:14

कने परमात्मे दे राज्जे दा एह़ सुसमाचार सारे संसारे च प्रचार कित्ता जांगा, तांजे सारे देसां दे लोक सुसमाचारे जो ग्रहण करन, भिरी ताह़लू संसारे दा अन्त आई जांगा।”

मत्ती 24:6

तुहां लड़ाईयां कने लड़ाईयां दी चर्चा सुणगे, तां घबराई मत जांदे क्जोकि इन्हां दा होणा जरूरी ऐ, अपर तिस बग्त अन्त नीं हुंगा।

मत्ती 3:12

तिसदा छज तिसदे हत्थे च ऐ, कने सैह़ अपणेयां खेतां जो खरे कित्ते साफ करगा, कने अपणिया कणका दे दाणेयां जो पेड़ूये च किठ्ठा करगा, अपर भूये जो तिसा अग्गी च जेह्ड़ी कदी भी बुझदी नीं फुकी दिंगा।”

मरकुस 16:16

जेह्ड़ा कोई मिन्जो पर कने सुसमाचारे पर बसुआस करगा कने बपतिस्मा लैंगा तिसदा ई उद्धार हुंगा, अपर जेह्ड़ा मिन्जो पर कने सुसमाचारे पर बसुआस नीं करगा सैह़ दोसी ठैहराया जांगा।

प्रेरितां दे कम्म 13:45

अपर यहूदी अगुऐ अपणे यहूदी लोकां दियां भीड़ा जो दिक्खी करी गुस्से नैं भरोई गै, कने निंदा करदे-करदे पौलुसे दियां गल्लां दा बरोध च ग्लाणा लग्गे।

प्रेरितां दे कम्म 13:50

अपर यहूदी अगुआं ऊचे कुल दियां भक्त जणासां जो कने सैहरे दे खास लोकां जो भड़काया, कने पौलुस कने बरनबास दे खलाफ जुल्म करवाई करी तिन्हां जो अपणे लाक्के ते कड्डी दित्ता।

प्रेरितां दे कम्म 14:19

अपर कुच्छ यहूदियां अन्ताकिया कने इकुनियुम सैहरां ते आई करी लोकां जो अपणे बक्खे करी लेआ, कने पौलुसे पर पत्थर मारे, कने मरेया समझी करी तिसियो सैहरे दे बाहर घसीटी करी लेई गै।

प्रेरितां दे कम्म 14:2

अपर बसुआस नीं करणे आल़े यहूदियां होरनी जातिआं दे मन बसुआसी भाऊआं दे खलाफ भड़काये, कने नफरत पैदा करी दित्ती।

प्रेरितां दे कम्म 14:5

जाह़लू होरनी जातिआं कने यहूदी तिन्हां दा अपमान कने तिन्हां पर पत्थर मारने तांई अपणे अधिकारियां सौगी तिन्हां पर दौड़े,

प्रेरितां दे कम्म 17:13

अपर जाह़लू थिस्सलुनीक सैहरे दे यहूदी माणु जाणी गै कि पौलुस बिरीया सैहरे च भी परमात्मे दा वचन सणांदा ऐ, तां सैह़ तित्थु जाई करी भी दंगे करणा लग्गे।

प्रेरितां दे कम्म 19:9

अपर तिन्हां च कुच्छ लोक जिद्दी थे तिन्हां बसुआस करणे जो मना करी दित्ता कने लोकां सामणै प्रभु यीशु मसीह दियां सिक्षां जो बुरा ग्लाणा लग्गे, कने सैह़ अपणे चेलेयां जो सौगी लेई करी तिन्हां जो छड्डी करी चली गेआ, कने हर रोज तुरत्रुस दिया पाठसाला च बचार विमर्श करदा था।

प्रेरितां दे कम्म 21:21

कने बसुआसी यहूदी लोकां जो तेरे बारे च सखाया ऐ, कि तू होरनी जातिआं च रैहणे आल़े यहूदी लोकां जो एह़ सखांदा ऐ, कि मूसा दिया व्यबस्था जो छड्डी देआ, कने ग्लांदा ऐ, कि ना अपणे बच्चेयां दा खतणा करा कने ना ई यहूदियां दे रीति-रिवाजां पर चला।

प्रेरितां दे कम्म 23:12

जाह़लू भ्याग होई तां कुच्छ यहूदी माणुआं इक्क होई करी कसम खादी कि जाह़लू तिकर अहां पौलुसे जो मारी नीं दैन, ताह़लू तिकर ना कुच्छ खांगे कने ना कुच्छ पींगे।

प्रेरितां दे कम्म 24:9

यहूदियां भी तिसदा साथ देई करी ग्लाया, एह़ सब गल्लां सच्च हन।

प्रेरितां दे कम्म 25:2

ताह़लू प्रधान याजकां कने यहूदी लोकां देयां खास अगुआं तिसदे सामणै पौलुसे पर दोस लगाये;

प्रेरितां दे कम्म 25:7

जाह़लू सैह़ आया तां जेह्ड़े यहूदी अगुऐ यरूशलेम सैहरे ते आएयो थे, तिन्हां अक्खे बक्खे खड़ोई करी तिस बड़े गम्भीर दोस लगाये, जिन्हां दा सबूत सैह़ नीं देई सकदे थे।

प्रेरितां दे कम्म 4:12

सिर्फ यीशु ते ई उद्धार होई सकदा; क्जोकि सुअर्गे थल्लैं इस पूरे संसारे च होर कोई दूआ नां नीं दित्ता गेआ, जिसदे जरिये अहां उद्धार पाई सकन।”

प्रेरितां दे कम्म 9:23

जाह़लू मते दिन होई गै, तां यहूदी अगुआं तिसियो मारने दी योजना बणाई।

1 कुरिन्थियों 10:33

जिंआं मैं भी सारियां गल्लां च सबना जो खुस रखदा ऐ, कने मैं अपणिया नीं अपर दूयेयां दिया भलाईया दे बारे च सोचदा ऐ तांजे सैह़ उद्धार पान।

गलातियों 5:11

अपर हे प्यारे साथी बसुआसियो, मैं प्रचार करदा ऐ कि खतणा जरूरी नीं ऐ, कने इसतांई यहूदी लोक मिन्जो बार-बार सतांदे हन। जे मैं मसीह दिया मौत्ती दा प्रचार करणे दे बजाये एह़ प्रचार करदा, कि लोकां दा खतणा होणा जरूरी ऐ, तां मैं यहूदी लोकां दा अपमान नीं करदा हुंदा।

इफिसियों 3:13

मतलब एह़ कि अहां जो दुखां दिया बज़ाह ते हौंसला नीं छड्डणा चाइदा, क्जोकि एह़ सारे तुहां दे फायदे तांई हन।

इफिसियों 3:8

मिन्जो पर जेह्ड़ा सारे परमात्मे दे लोकां च लोक्के ते भी लोक्का ऐ, परमात्मे दा एह़ अनुग्रह मिन्जो पर होएया, मैं होरनी जातिआं जो सैह़ सुसमाचार सणा, कि यीशु मसीह ऐदिआं आसीषां दा जरिया ऐ, जिन्हां दी कोई सीमा नीं ऐ,

1 थिस्सलुनीकियों 1:10

कने हुण तुहां तिसदे पुत्तरे दा सुअर्गे ते बापस ओणे दा इन्तजार करदे रेह्आ जिसियो परमात्मे मरेयां ते जिन्दा कित्या, मतलब यीशु मसीह जो, जेह्ड़ा अहां जो ओणे आल़े कोपे ते बचांदा ऐ।

2 थिस्सलुनीकियों 2:10

कने सैह़ हर किस्मां दे बुरे कम्म करगा, कने तिन्हां जो धोखा दिंगा, जेह्ड़े परमात्मे दे जरिये नास कित्ते जांगे। क्जोकि तिन्हां सच्चाईया जो ग्रहण कने प्यार नीं कित्ता, जिसते तिन्हां दा उद्धार हुंदा ऐ।

1 तीमुथियुस 2:4

कने परमात्मा चांह़दा ऐ कि सारे लोक उद्धार पान, कने सच्चाईया जो जाणन,

इब्रानियों 6:8

दूये लोक तिसा जमीना साइआं हन, जेह्ड़ी कंडे आल़िआं झाड़ियां पैदा करदी ऐ, जिन्हां दी कोई कीमत नीं ऐ, परमात्मा इसा जमीना जो श्रापित करगा, कने इसा च पैदा होणे आल़िआं बेकार चीज्जां जो अग्गी च फुकी दिंगा।

प्रकाशितवाक्य 22:11

जेह्ड़ा बुराई करदा ऐ, सैह़ बुराई ई करदा रैंह्; कने जेह्ड़ा पापी ऐ, सैह़ पापी बणी रैंह्; कने जेह्ड़ा धर्मी ऐ, सैह़ धर्मी बणी रैंह्; कने जेह्ड़ा पवित्र ऐ; सैह़ पवित्र बणी रैंह्।”