1 थिस्सलुनीकियों 2:13 - काँगड़ी

¹³ इसतांई अहां भी परमात्मे दा धन्यावाद हमेसा करदे हन; कि जाह़लू अहां दे जरिये परमात्मे दे सुसमाचारे दा वचन तुहां सुणेया, तां तुहां तिसियो माणुआं दा नीं अपर परमात्मे दा वचन समझी नैं अपनाई लेआ, कने सच्च बिच्च एह़ सुसमाचारे दा वचन परमात्मे दे पास्से ते ऐ। कने सैह़ अपणे वचने दे जरिये तुहां दिया ज़िन्दगिया च जेह्ड़े मसीह पर बसुआस रखदे हन, कम्म करदा ऐ।

1 थिस्सलुनीकियों 2:13 Iomraidhean Croise

मत्ती 10:20

क्जोकि ग्लाणे आल़े तुहां नीं हन, अपर तुहां दे पिता परमात्मे दा आत्मा तुहां च ग्लांदा ऐ।

मत्ती 10:40

“जेह्ड़ा तुहां जो अपनांदा ऐ, सैह़ मिन्जो अपनांदा ऐ, कने जेह्ड़ा मिन्जो अपनांदा ऐ, सैह़ मेरे घल्लणे आल़े जो अपनांदा ऐ।

लूका 11:28

तिन्हीं ग्लाया, “हाँ, अपर धन सैह़ हन जेह्ड़े परमात्मे दा वचनां जो सुणदे कने मनदे हन।”

लूका 5:1

यीशु जाह़लू गलील प्रदेसे दे गन्नेसरत नांऐ दिया झीला दे कनारे पर खड़ोत्या था तां लोकां दी बड़ी बड्डी भीड़ तिसदे चौंन्नी पास्से खड़ोई करी परमात्मे दा वचन सुणना लगियो थी तां क्या होएया कि,

लूका 8:11

“उदारणे दा मतलब एह़ ऐ, बीई परमात्मे दा वचन ऐ।

लूका 8:21

तिन्हीं इसदे जवाबे च तिन्हां नैं ग्लाया, “मेरी माँ कने मेरे भाऊ एह़ हन, जेह्ड़े परमात्मे दे वचने जो सुणदे कने मनदे हन।”

यूहन्ना 15:3

तुहां तां तिन्हां वचनां दिया बज़ाह ते जेह्ड़े मैं तुहां नैं ग्लाये हन, सुद्ध हन।

यूहन्ना 17:17

तेरे वचनां च सच्चाई ऐ, कने सच्चाईया नैं तिन्हां जो पवित्र कर।

यूहन्ना 17:19

कने तिन्हां तांई मैं अप्पु जो पवित्र करदा, तांजे सैह़ भी सच्चाईया नैं पवित्र कित्ते जान।

प्रेरितां दे कम्म 10:33

ताह़लू मैं झट तिज्जो अल्ल माणु घल्ले, कने तैं खरा कित्ता जेह्ड़ा तू आई गेआ। हुण अहां सारे ऐत्थु परमात्मे दे सामणै हन, तांजे जेह्ड़ा कुच्छ परमात्मैं तिज्जो नैं ग्लाया ऐ, तिसियो सुणा।”

प्रेरितां दे कम्म 13:48

एह़ सुणी करी होर जातिआं खुस होईयां, कने परमात्मे दे वचन दी महिमा करणा लग्गे; कने जितणे भी सदा दी ज़िन्दगिया तांई ठैहराये गियो थे, तिन्हां बसुआस कित्ता।

प्रेरितां दे कम्म 16:14

लुदिया नांऐ दी इक्क थुआतीरा सैहरे दी बैजनी कपड़ेयां बेचणे आल़ी इक्क जणांस जेह्ड़ी परमात्मे दी भक्तणी थी। परमात्मे तिसादा मन खोलेया कि सैह़ पौलुसैं दियां गल्लां पर मन लगां।

प्रेरितां दे कम्म 17:11

एह़ माणु तां थिस्सलुनीक सैहरे दे यहूदी माणुआं ते जादा खरे थे कने इन्हां लोकां पूरा मन लगाई करी वचन ग्रहण कित्ता, कने हर रोज पवित्रशास्त्रां च तोपदे रैह् कि एह़ गल्लां इआं ई हन कि नीं।

प्रेरितां दे कम्म 17:32

मरेयां ते दुवारी जिन्दे होणे दे बारे च गल्ल सुणी करी कुच्छ तां मजाक करणा लग्गे, कने कुच्छ ग्लाणा लग्गे, “एह़ गल्ल अहां तिज्जो ते भिरी कधैड़की सुणगे।”

प्रेरितां दे कम्म 2:41

कने जिन्हां लोकां तिसदा वचने जो सुणी करी ग्रहण कित्ता तिन्हां बपतिस्मा लेआ; कने तिस दिन तीन हज़ार माणु बसुआसियां सौगी जुड़ी गै।

प्रेरितां दे कम्म 8:14

जाह़लू प्रेरितां जेह्ड़े यरूशलेम सैहरे च थे, सुणेया कि सामरिया दे लोकां परमात्मे दा वचन मन्नी लेआ ऐ तां पतरस कने यूहन्ना तिन्हां अल्ल घल्ले।

रोमियो 10:17

इसतांई बसुआस ताह़लू हुंदा ऐ जाह़लू तुहां सुसमाचारे जो सुणदे हन, कने एह़ सुसमाचार मसीह दा वचन ऐ।

2 कुरिन्थियों 3:18

कने अहां, जेह्ड़े खुले चेहरे नैं प्रभु दी महिमा जो दिक्खदे हन, तिन्हां साइआं आस्ते-आस्ते बधदी होई महिमा सौगी बदलदे जा दे हन। एह़ महिमा प्रभु ते ऐ, कने तिसदी आत्मा अहां च कम्म करदी ऐ।

गलातियों 4:14

हलांकि मैं बमार था, कने मेरिया बमारिया दिया बज़ाह ते तुहां बड़िया परेसानिया थे, भिरी भी तुहां मिन्जो नैं नफरत नीं कित्ती। अपर तुहां मेरा आदर कने खरे कित्ते देखभाल कित्ती, ठीक तिंआं ई जिंआं कि मन्ना तुहां परमात्मे दे सुअर्गदूते दा या प्रभु यीशु मसीह दा आदर कित्ता।

कुलुस्सियों 1:6

जेह्ड़ा तुहां अल्ल पुज्जा ऐ। एह़ सुसमाचार सारे संसारे च फैला दा ऐ, कने मते सारे लोक बसुआसे च ओआ दे हन। जिस दिने ते तुहां इसियो सुणेया तधैड़ी ते तुहां भी परमात्मे दे अनुग्रह जो समझे।

इब्रानियों 4:12

क्जोकि परमात्मे दा वचन जिन्दा कने असरदार ऐ, कने सैह़ हर इक्क दूँ धारां आल़िआ तलवारा ते भी बड़ा पैना ऐ। कने प्राणा, आत्मा जो, कने गठ्ठी-गठ्ठी कने गूदे-गूदे जो लग्ग करी नैं आर पार बिन्नदा ऐ; कने मने दियां इच्छां कने बचारां जो जांचदा ऐ।

इब्रानियों 4:2

क्जोकि अहां जो तिन्हां इस्राएली लोकां साइआं सुसमाचार सणाया ऐ, अपर तिन्हां लोकां जो सुणेयो वचने ते कुच्छ भी फायदा नीं होएया, क्जोकि तिन्हां वचने जो बसुआसे सौगी अपणे मने च नीं अपनाया।

याकूब 1:18

तिन्हीं अपणिया इच्छा दे मताबक अहां जो सच्चाई दे वचनां दे जरिये नौई ज़िन्दगी दित्तियो ऐ, तांजे अहां सारियां चीज्जां च जेह्ड़ियां परमात्मे बणाईयां हन तिन्हां च खास होन, जिंआं फसला दा पैहल्ला फल़ खास हुंदा ऐ।

1 पतरस 1:23

तुहां एह़ ज़िन्दगी परमात्मे दे पास्से ते नौई हासल कित्तियो ऐ, क्जोकि तुहां जो एह़ ज़िन्दगी तिसा चीज्जा दे जरिये हासल नीं कित्ती, जेह्ड़ी नास होई जांदी ऐ, अपर तिसा चीज्जा जरिये जेह्ड़ी सदा बणी रैंह्दी ऐ, कने सैह़ चीज्ज परमात्मे दा जिन्दा कने हमेसा रैहणे आल़ा वचन ऐ।

1 पतरस 1:25

अपर प्रभु दा वचन जुगा-जुग मजबूत बणी रैंह्दा ऐ।” कने ऐई सुसमाचारे दा सैह़ वचन ऐ जेह्ड़ा प्रभु यीशु मसीह दे बारे च तुहां जो सणाया था।

1 पतरस 2:2

तुहां च परमात्मे दे वचने जो सीखणे दी इच्छा होणी चाइदी, ठीक तिंआं ई जिंआं इक्क दुद पीणे आल़ा बच्चा अपणिया माँऊ ते दूदे दी इच्छा रखदा ऐ, तांजे तुहां आत्मिकता च मजबूत होई जान। ताह़लू परमात्मा तुहां जो इस संसारे दे बुरे कम्मां ते पूरे तरीके नैं बचाई लैंगा।

2 पतरस 3:2

मैं एह़ तां करा दा ऐ, क्जोकि मैं चांह़दा ऐ कि तुहां परमात्मे दे भविष्यवक्तां दे बड़ी पैहल्ले दे ग्लायो वचनां जो, कने अहां दे उद्धारकर्ता प्रभु यीशु मसीह दी सिक्षा जो जेह्ड़ी प्रेरितां तुहां जो दित्तियो थी, तिन्हां जो याद रखन।

1 यूहन्ना 3:3

कने जेह्ड़ा कोई मसीह पर एह़ आस रखदा ऐ, सैह़ अपणे आप्पे जो तिंआं ई पवित्र करदा ऐ, जिंआं सैह़ पवित्र ऐ।