1 थिस्सलुनीकियों 2:12 - काँगड़ी

¹² कि तुहां दे चाल-चलण ते परमात्मे जो आदर मिल्लैं, जेह्ड़ा तुहां जो अपणे राज्जे च कने महिमा च सददा ऐ।

1 थिस्सलुनीकियों 2:12 Iomraidhean Croise

रोमियो 8:28

अहां जाणदे हन, कि जेह्ड़े लोक परमात्मे नैं प्यार रखदे हन, तिन्हां तांई सारियां गल्लां मिल्ली नैं भलाई ई पैदा करदियां हन, मतलब तिन्हां ई तांई जेह्ड़े तिसदिया इच्छा दे मताबक चुणेयो हन।

रोमियो 8:30

भिरी जिन्हां जो परमात्मे पैहल्ले ते चुणेया ऐ, तिन्हां जो सद्देया भी, कने जिन्हां जो तिन्हीं सद्देया ऐ, तिन्हां जो धर्मी बणाया भी, जिन्हां जो तिन्हीं धर्मी बणाया ऐ, तिन्हां जो महिमा भी दित्ती ऐ।

1 कुरिन्थियों 1:9

परमात्मा एह़ करगा, क्जोकि जेह्ड़ा सैह़ ग्लांदा ऐ, तिसियो करणे च ईमानदार ऐ, कने तिन्हीं तुहां जो अपणे पुत्तर अहां दे प्रभु यीशु मसीह दिया संगतिया च सद्देया ऐ।

2 कुरिन्थियों 4:6

इसतांई कि परमात्मे ग्लाया, “नेहरे ते जोत्ती चमके,” कने परमात्मे अहां दे मनां च इक्क जोत्ती साइआं समझ दित्ती, तांजे अहां परमात्मे दिया महिमा जो दिक्खी सकन, जेह्ड़ी यीशु मसीह च प्रगट हुंदी ऐ।

गलातियों 5:16

अपर मैं ग्लांदा, पवित्र आत्मा मताबक चलगे तां तुहां सरीरे दी इच्छा कुसी भी तरीके नैं पूरी नीं करगे।

इफिसियों 4:1

इसतांई मैं जेह्ड़ा प्रभु च कैदी ऐ तुहां नैं विणती करदा ऐ, कि जिसा बुलाहटा नैं तुहां सद्देयो थे, तिसा मताबक ज़िन्दगी जीआ,

इफिसियों 5:2

कने तुहां इक्की दूये नैं प्यार करा, जिंआं मसीयैं भी तुहां नैं कित्या ऐ, कने अहां दे पापां जो दूर करणे तांई अप्पु जो बलिदान करी दित्ता, कने परमात्मा खुस होएया, क्जोकि एह़ बलिदान तिस तांई मिठ्ठी खुसबुया साइआं होएया।

इफिसियों 5:8

क्जोकि तुहां तिन्हां लोकां साइआं थे, जेह्ड़े नेहरे च रैंह्दे हन, अपर हुण प्रभु च जोतिया दे लोक हन, क्जोकि तुहां प्रभु दे लोक हन, इसतांई जोतिया दे लोकां साइआं ज़िन्दगी जीआ।

फिलिप्पियों 1:27

सिर्फ इतणा करा, कि तुहां दा चाल-चलण मसीह दे सुसमाचारे मताबक होयैं, कि चां मैं आई नैं तुहां जो दिक्खैं, चां ना भी औयें, तुहां दे बारे च ऐई सुणैं कि तुहां इक्को ई इरादे च मजबूत रेह्आ, कने इक्क मन होई नैं सुसमाचार दे बसुआसे तांई मेहनत करदे रैंह्दे हन,

कुलुस्सियों 1:10

इस तरीके नैं तुहां प्रभु दे मताबक ज़िन्दगी जी करी सारियां गल्लां च तिसियो खुस करगे। कने हर किस्मां दे खरे कम्म करदे रैंह्गे कने परमात्मे दे ज्ञाने च फल़दे कने बधदे जांगे।

कुलुस्सियों 2:6

कने जिंआं तुहां यीशु मसीह जो प्रभु मन्नी करी ग्रहण करी लेआ ऐ, तिंआं ई लगातार तिसदे पचांह़ चलदे रेह्आ।

1 थिस्सलुनीकियों 4:1

आखरी च हे प्यारे साथी बसुआसियो, अहां तुहां नैं विणती करदे हन, कने तुहां जो प्रभु यीशु च समझांदे हन, कि तुहां प्रभु दे नांऐ च इस तरीके नैं ज़िन्दगी जीआ, जेह्ड़ी परमात्मे जो खुस करदी ऐ। कने जिंआं अहां तुहां जो सखाया भी ऐ। तुहां पैहल्ले ते ई इआं करदे आएयो हन, कने तिंआं ई होर भी बधदे जा।

1 थिस्सलुनीकियों 4:12

कि बेबसुआसी लोकां सौगी आदरे नैं बर्ताब करा, तांजे तुहां जो कुसा भी चीज्जा दी कमी ना होयैं।

1 थिस्सलुनीकियों 5:24

जिन्हीं तुहां जो सद्देया ऐ, सैह़ इसियो पूरा भी करगा, क्जोकि सैह़ बसुआसे जोग्गा ऐ

2 थिस्सलुनीकियों 1:10

एह़ तिस दिन हुंगा, जाह़लू यीशु मसीह अपणे लोकां च महिमा पाणे, कने सारे लोक जेह्ड़े तिस पर बसुआस करदे हन; तिन्हां ते आदर पाणे तांई ओंगा। तुहां भी तिन्हां च सामिल हुंगे, क्जोकि तुहां तिस सुसमाचारे पर बसुआस कित्ता, जेह्ड़ा अहां तुहां जो तिसदे बारे च दस्सेया था।

2 तीमुथियुस 1:9

जिन्हीं अहां दा उद्धार कित्ता कने पवित्र ज़िन्दगी जीणे तांई अहां जो सद्देया। अहां दे खरेया कम्मां दिया बज़ाह ते तिन्हीं अहां जो नीं सद्देया, अपर अपणे मकसदे कने तिस अनुग्रह मताबक सद्देया ऐ, जिसदी योजना परमात्मे पैहल्ले ते ई यीशु मसीह जो इस संसारे च घल्लणे दे जरिये बणाईयो थी,

1 पतरस 2:9

अपर तुहां इन्हां साइआं नीं हन, क्जोकि तुहां इक्क चुणेया वंश, साही परवार, याजकां दा समाज, पवित्र लोक, कने परमात्मे दे खास लोक हन, क्जोकि तिन्हीं तुहां जो नेहरे ते सद्दी करी जोतिया च लंदेया ऐ, तांजे तुहां परमात्मे दे म्हान कम्मां जो दस्सी सकन।

1 पतरस 3:9

बुराईया दे बदले बुराई मत करा कने ना गाल़ी दे बदले गाल़ी देआ; अपर इसदे बदले आसीष ई देआ, क्जोकि परमात्मे तुहां जो इसतांई सद्देया ऐ, कि तुहां दूयेयां जो आसीष देई सकन, जे तुहां इआं करदे हन, तां परमात्मा तुहां जो आसीष दिंगा।

1 पतरस 5:10

अपर हुण परमात्मा जेह्ड़ा सारे अनुग्रह दा दाता ऐ, जिन्हीं तुहां जो यीशु मसीह च अपणी सदा दी महिमा तांई सद्देया, तुहां दे थोड़े बग्ते तिकर दुख झेलणे ते बाद परमात्मा अप्पु ई तुहां जो सिद्ध कने मजबूत कने ताकतवर बणांगा।

2 पतरस 1:3

क्जोकि परमात्मे अपणिया सामर्थी दे जरिये अहां जो सैह़ सब कुच्छ दित्या ऐ, जिसदे जरिये अहां ऐदई ज़िन्दगी जी सकन जेह्ड़ी परमात्मे जो खुस करदी ऐ। एह़ होई सकदा ऐ, क्जोकि अहां परमात्मे जो जाणदे हन, कने सैई ऐ जिन्हीं अपणिया महिमा कने भलाईया दे जरिये अहां जो अपणे लोक होणे तांई सद्देया ऐ।

1 यूहन्ना 2:6

कने जेह्ड़ा कोई एह़ ग्लांदा ऐ, कि मैं तिस च बणी रैंह्दा ऐ, तां तिसियो चाइदा कि अप्पु भी तिंआं ई जीन जिंआं यीशु मसीह ज़िन्दगी जींदा था।

3 यूहन्ना 1:6

तिन्हां अजनबियां कलीसिया दे सामणै तेरे प्यारे दी गवाही दित्तियो थी। जे तू तिन्हां जो इस तरीके नैं विदा करगा जेह्ड़ा तरीका परमात्मे दे लोकां तांई ठीक ऐ तां खरा करगा।