1 थिस्सलुनीकियों 2:11 - काँगड़ी

¹¹ तुहां जाणदे हन, कि जिंआं पिता अपणे जागतां नैं बर्ताब करदा ऐ, तिंआं ई अहां भी तुहां च हर इक्की जो सिक्षा दिंदे, कने सांति दिंदे, कने समझांदे थे।

1 थिस्सलुनीकियों 2:11 Iomraidhean Croise

लूका 16:28

क्जोकि मेरे पंज भाऊ हन; मैं चांह़दा ऐ, कि सैह़ जाई नैं तिन्हां जो इन्हां गल्लां दी चतौणी दैं, इआं ना होयैं कि सैह़ भी इसा पीड़ा दैणे आल़िआ जगाह च ओन।’

प्रेरितां दे कम्म 20:2

तिस सारे प्रदेसे ते होई करी कने चेलेयां जो हौंसला देई करी सैह़ यूनान प्रदेसे च आया।

इफिसियों 4:17

इसतांई मैं एह़ ग्लांदा ऐ, कने प्रभु च इसा गल्ला पर जोर दिंदा ऐ, कि जिंआं होरनी जातिआं दे लोक अपणे मनां दियां बेकार गल्लां पर चलदे हन, तुहां अज्जे ते लेई करी भिरी इआं मत करा।

1 थिस्सलुनीकियों 2:7

अपर जिंआं माँ अपणे बच्चेयां जो पाल़दी पोसदी ऐ, तिंआं ई अहां भी तुहां बिच्च रेई करी नरम सभाव दस्सेया ऐ;

1 थिस्सलुनीकियों 4:1

आखरी च हे प्यारे साथी बसुआसियो, अहां तुहां नैं विणती करदे हन, कने तुहां जो प्रभु यीशु च समझांदे हन, कि तुहां प्रभु दे नांऐ च इस तरीके नैं ज़िन्दगी जीआ, जेह्ड़ी परमात्मे जो खुस करदी ऐ। कने जिंआं अहां तुहां जो सखाया भी ऐ। तुहां पैहल्ले ते ई इआं करदे आएयो हन, कने तिंआं ई होर भी बधदे जा।

1 थिस्सलुनीकियों 4:6

इन्हां सरीरे दियां इच्छा तांई कोई भी अपणे बसुआसी भाऊये जो धोखा ना दैं, कने ना तिसदा फायदा उठां, क्जोकि प्रभु यीशु इन्हां सारियां गल्लां दा न्याय करणे आल़ा ऐ; जिंआं कि अहां पैहल्लैं ई तुहां लोकां जो ग्लाया, कने समझाया भी था।

1 थिस्सलुनीकियों 5:11

इसा बज़ाह ते इक्की दूये जो हौंसला देआ, कने इक्की दूये दी बसुआसे च मजबूत होणे तांई मदत करा, जिंआं कि तुहां ऐदेया करदे भी हन।

1 थिस्सलुनीकियों 5:14

हे प्यारे साथी बसुआसियो, अहां तुहां जो समझांदे हन, कि जेह्ड़े लोक सुस्त हन, तिन्हां जो चतौणी देआ, डरफोकां जो हिम्मत देआ, बसुआसे च कमजोरेयां जो सम्भाल़ा, सबना सौगी सबरे नैं रेह्आ।

2 थिस्सलुनीकियों 2:5

क्या तुहां जो याद नीं कि जाह़लू मैं तुहां सौगी था, तां तुहां जो इन्हां गल्लां दे बारे च दस्सदा था?

2 थिस्सलुनीकियों 3:12

ऐदेयां जो अहां प्रभु यीशु मसीह दे नांऐ ते हुक्म दिंदे कने समझांदे हन कि सांतिया नैं अपणिया मेहनता दी रोटी खा करन।

1 तीमुथियुस 5:21

परमात्मा, कने यीशु मसीह कने चुणेयां सुअर्गदूतां जो सामणै समझी करी मैं तिज्जो हुक्म दिंदा ऐ कि तू बिना भेदभाव ते इन्हां गल्लां जो मन्ना कर, कोई भी कम्म भेदभाव करी नैं मत कर।

1 तीमुथियुस 5:7

इन्हां गल्लां दा भी बसुआसियां जो हुक्म देआ कर तांजे सैह़ बेकसूर रैह़न।

1 तीमुथियुस 6:13

परमात्मे जो गवाह मन्नी करी जेह्ड़ा सबना जो ज़िन्दगी दिंदा ऐ, कने यीशु मसीह जो भी गवाह मन्नी करी, जिन्हीं पुन्तियुस पिलातुसे दे सामणै अपणे बारे च सच्च ग्लाया था, मैं तिज्जो हुक्म दिंदा ऐ।

1 तीमुथियुस 6:17

इस संसारे दे अमीरां माणुआं जो हुक्म दे कि सैह़ घमंडी ना होन कने सैह़ धन-दौलता पर आस ना रखन, जेह्ड़ी कुच्छ बग्ते तांई ऐ, अपर सैह़ परमात्मे पर आस रखन, जेह्ड़ा अहां दे सुखे तांई सब कुच्छ इमानदारिया नैं अहां जो दिंदा ऐ।

1 तीमुथियुस 6:2

जिन्हां दे मालक बसुआसी हन तिन्हां जो बसुआसी होणे दे नाते घटिया ना समझन, बल्कि सैह़ तिन्हां भी ठीक ढंगे नैं सेवा करन, क्जोकि इसते फायदा लैणे आल़े बसुआसी कने प्रेमी हन। इन्हां गल्लां दी सिक्षा कने पालण करणे तांई लोकां जो हौंसला देआ कर।

तीतुस 2:15

इसतांई तीतुस तू पूरे हक्के नैं क्रेते दे बसुआसियां जो इन्हां गल्लां जो ग्ला, कने समझा कने सखांदा रैह्। इआं करणे दा मेरे पास्से ते पूरा हक्क ऐ, कोई भी तिज्जो नजर अंदाज नीं करैं।

तीतुस 2:6

इस तरीके नैं जुआन मर्दां जो भी समझांदे रेह्आ कि सैह़ भी अपणे आप्पे पर काबू करणे आल़े होन।

तीतुस 2:9

दासां जो समझा कि अपणे-अपणे मालके दे अधीन रैह़न, कने सारियां गल्लां च तिन्हां जो खुस रखन कने टाई नैं जवाब नीं दैन।

इब्रानियों 13:22

हे प्यारे साथी बसुआसियो, मैं तुहां नैं विणती करदा ऐ, कि इसा चिठ्ठिया दियां गल्लां सबरे नैं सुणी लेआ, जेह्ड़ियां मैं तुहां जो हिम्मत दैन तांई लिखियां हन। मैं तुहां जो इसा चिठ्ठिया च बड़ियां जादा गल्लां नीं लिखियां हन।

3 यूहन्ना 1:4

मिन्जो इसते बधी नैं होर कोई खुसी नीं, कि जिसियो मैं सुणैं, कि सैह़ सारे जेह्ड़े मेरे बाल-बच्चेयां साइआं हन सच्चाई पर चलदे हन।