1 थिस्सलुनीकियों 2:1 - काँगड़ी

¹ हे प्यारे साथी बसुआसियो, तुहां अप्पु ई जाणदे हन, कि अहां दा तुहां अल्ल औणां फायदेमंद होएया,

1 थिस्सलुनीकियों 2:1 Iomraidhean Croise

1 कुरिन्थियों 15:10

अपर मैं जेह्ड़ा कुच्छ भी ऐ, परमात्मे दे अनुग्रह नैं ऐ। तिसदा अनुग्रह जेह्ड़ा मिन्जो पर होएया, सैह़ बेकार नीं गेआ; अपर मैं तिन्हां दूये प्रेरितां ते भी बधी करी मेहनत कित्ती, तमी एह़ मेरे पास्से ते नीं होएया अपर परमात्मे दे अनुग्रह नैं जेह्ड़ा मिन्जो पर होएया था।

1 कुरिन्थियों 15:2

कने जिसदे जरिये तुहां जो उद्धार हासल होएया ऐ। जे तुहां तिस सुसमाचारे च जेह्ड़ा मैं तुहां जो सणाया ऐ, बसुआसे च मजबूत होई जा, नीं तां तुहां दा बसुआस करणा बेकार ऐ।

1 कुरिन्थियों 15:58

इसतांई हे मेरे प्यारे साथी बसुआसियो, अपणे बसुआसे मजबूत च बणी रेह्आ, कने प्रभु दे कम्मां च हमेसा बधदे जा, क्जोकि एह़ जाणदे हन कि जेह्ड़ा कुच्छ तुहां प्रभु तांई करदे हन तिसदा इनाम तुहां जो जरूर मिलगा।

2 कुरिन्थियों 6:1

अहां जेह्ड़े परमात्मे सौगी कम्म करणे आल़े हन, कने तुहां लोकां नैं एह़ विणती भी करदे हन, कि तिसदा अनुग्रह जेह्ड़ा तुहां पर होएया, तिसियो बेकार मत जाणा देआ।

गलातियों 2:2

मैं तित्थु तां गेआ क्जोकि परमात्मैं मिन्जो जाणे तांई ग्लाया; कने जाह़लू मैं तित्थु था तां मैं पड़दे नैं अगुआं नैं मिल्ली करी तिन्हां जो सैह़ सुसमाचार सणाया जेह्ड़ा मैं होरनी जातिआं दे लोकां जो सणांदा था, तांजे इआं ना होयैं कि जेह्ड़ा मैं करा दा था या जेह्ड़ा हुण करदा ऐ सैह़ बेकार होई जां।

गलातियों 4:11

जेह्ड़ा तुहां करा दे हन, मैं तिसते बड़ा परेसान ऐ, कुत्थी इआं ना होयैं कि जेह्ड़ी मेहनत मैं तुहां तांई कित्ती ऐ सैह़ बेकार ना होई जां।

फिलिप्पियों 2:16

तांजे मसीह दे बापस ओणे दे दिन मिन्जो घमंड करणे दी बज़ाह होयैं, कने ना मेरी नठ्ठ-भज्ज कने ना मेरी कड़ी मेहनत करणा बेकार होई।

1 थिस्सलुनीकियों 2:13

इसतांई अहां भी परमात्मे दा धन्यावाद हमेसा करदे हन; कि जाह़लू अहां दे जरिये परमात्मे दे सुसमाचारे दा वचन तुहां सुणेया, तां तुहां तिसियो माणुआं दा नीं अपर परमात्मे दा वचन समझी नैं अपनाई लेआ, कने सच्च बिच्च एह़ सुसमाचारे दा वचन परमात्मे दे पास्से ते ऐ। कने सैह़ अपणे वचने दे जरिये तुहां दिया ज़िन्दगिया च जेह्ड़े मसीह पर बसुआस रखदे हन, कम्म करदा ऐ।

1 थिस्सलुनीकियों 3:5

इसा बज़ाह ते जाह़लू मिन्जो ते होर बरदासत नीं होएया, तां तुहां दे बसुआसे दा हाल जाणने तांई मैं तीमुथियुसे जो तुहां अल्ल घल्लेया, कि कुत्थी इआं ना होयैं, कि परीक्षा करणे आल़े सैताने तुहां दी परीक्षा कित्ती होयैं, कने अहां दी मेहनत बेकार होई गेई ऐ।

2 थिस्सलुनीकियों 1:10

एह़ तिस दिन हुंगा, जाह़लू यीशु मसीह अपणे लोकां च महिमा पाणे, कने सारे लोक जेह्ड़े तिस पर बसुआस करदे हन; तिन्हां ते आदर पाणे तांई ओंगा। तुहां भी तिन्हां च सामिल हुंगे, क्जोकि तुहां तिस सुसमाचारे पर बसुआस कित्ता, जेह्ड़ा अहां तुहां जो तिसदे बारे च दस्सेया था।

2 थिस्सलुनीकियों 3:1

आखर च हे मेरे प्यारे साथी बसुआसियो, अहां तांई प्रार्थना करदे रेह्आ, कि अहां प्रभु यीशु मसीह दा सुसमाचार हर जगाह तौल़ी-तौल़ी फैलाई सकन, कने सारे लोक तिस सुसमाचारे पर बसुआस करन, जिंआं तुहां कित्ता,