Biblia Todo Logo
Bìoball air-loidhne

- Sanasan -




1 थिस्सलुनीकियों 1:3 - काँगड़ी

3 अहां हमेसा ई पिता परमात्मे दे सामणै तुहां दे बसुआसे दे कम्म, कने प्यारे दी मेहनत, कने अहां दे प्रभु यीशु मसीह च तुहां दी आसा दा सबर याद करदे हन।

Faic an caibideil Dèan lethbhreac




1 थिस्सलुनीकियों 1:3
55 Iomraidhean Croise  

“जे तुहां मिन्जो नैं प्यार रखदे हन, तां मेरे हुक्मां जो मनगे।


जे तुहां मेरे हुक्मां जो मनगे, तां मेरे प्यारे च बणी रैंह्गे; जिंआं कि मैं अपणे पिता दे हुक्मां जो मन्नेया ऐ, कने तिसदे प्यारे च बणी रैंह्दा ऐ।


कने ग्लाणा लग्गा, ‘हे कुरनेलियुस, तेरी प्रार्थना सुणी लेई ऐ कने तेरे दान परमात्मे सामणै याद कित्ते गै हन।


इसतांई, मने बदला कने बापस परमात्मे अल्ल आई जा कि तुहां दे पाप माफ होई जान, जिसते प्रभु दे सामणै तुहां तांई सांति दे दिन ओन,


जेह्ड़ी आसा अहां अल्ल ऐ तिसा आसा दिया बज़ाह ते खुस रेह्आ; मुसीबता च सबर रखा; कने हर बग्त प्रार्थना करदे रेह्आ।


मैं प्रार्थना करदा ऐ, कि परमात्मा जेह्ड़ा आसा दा दाता ऐ, तुहां जो बसुआस करणे च हर तरीके नैं खुसी कने सांतिया नैं भरैं, कि पवित्र आत्मा दिया सामर्थी ते तुहां दी उम्मीद बधदी जां।


पवित्रशास्त्रे च जेह्ड़ा कुच्छ लिख्या था, सैह़ अहां जो सिक्षा दैणे तांई लिख्या गेआ था, तांजे अहां जो तिसा सिक्षा नैं सबर कने हौंसला मिलदा रैंह्, कने इस तरीके नैं अहां अपणी आसा बणाई रखन।


अपर हुण परमात्मे दे हुक्मे दे मताबक भविष्यवक्तां दियां कताबां दे जरिये सारी जातिआं दे लोकां जो दस्सेया ऐ, कि बसुआसे नैं हुक्म मन्नणे आल़े होई जान।


मरियमा जो, जिन्नै तुहां तांई बड़ी मेहनत कित्ती, तिसा जो भी मेरा नमस्कार।


जेह्ड़े लोक खरे कम्मां च मजबूत रेई नैं महिमा, कने आदर, कने सदा दी ज़िन्दगिया दिया तोपा च हन, तिन्हां जो परमात्मा सदा दी ज़िन्दगी दिंगा;


अपर हुण बसुआस, आसा, कने प्यार एह़ त्रीनो हमेसा बणी रैंह्दे हन, अपर इन्हां सबना ते ऊपर प्यार ऐ।


इसतांई हे मेरे प्यारे साथी बसुआसियो, अपणे बसुआसे मजबूत च बणी रेह्आ, कने प्रभु दे कम्मां च हमेसा बधदे जा, क्जोकि एह़ जाणदे हन कि जेह्ड़ा कुच्छ तुहां प्रभु तांई करदे हन तिसदा इनाम तुहां जो जरूर मिलगा।


क्जोकि अहां तिन्हां मतेआं साइआं नीं हन, जेह्ड़े परमात्मे दे वचने जो अपणे फायदे तांई प्रचार करदे हन। अपर अहां परमात्मे दे वचने जो सच्चाईया नैं कने मसीह दे हक्के नैं प्रचार करदे हन, एह़ जाणदे होये कि परमात्मा अहां जो दिक्खा दा ऐ।


यीशु मसीयैं अपणी ज़िन्दगी अहां दे पापां तांई देई दित्ती, तांजे अहां दे परमात्मे दी कने पिता दिया इच्छा मताबक अहां जो इस बग्ते दे बुरे संसारे ते छड्डां।


हे प्यारे साथी बसुआसियो, तुहां अजाद होणे तांई सद्देयो हन; अपर इसा अजादिया जो अपणी सरीरे दी इच्छा जो पूरी करणे दा मौका मत बणा, अपर प्यारे नैं इक्की दूये दी सेवा करा।


जे तुहां यीशु मसीह जो मनदे हन, तां इसते कोई फर्क नीं पोंदा, कि तुहां दा खतणा होएया या नीं होएया। अपर जरूरी गल्ल एह़ ऐ, कि अहां मसीह पर बसुआस करदे हन, कने अहां च परमात्मे तांई कने दूये लोकां तांई प्यार ऐ।


अहां दूयेयां दी मदत करणे च हिम्मत नीं छड्डन, जे इआं करन, तां परमात्मा ठीक बग्ते पर तुहां जो प्रतिफल़ दिंगा।


अपर हुण तीमुथियुसें, जेह्ड़ा तुहां अल्ले ते अहां दे ऐत्थु आई करी, तुहां दा बसुआस कने प्यारे दा सुसमाचार सणाया। कने इसा गल्ला जो भी सणाया, कि तुहां सदा प्यारे नैं अहां जो याद करदे हन, कने अहां दे दिक्खणे दी इच्छा रखदे हन, जिंआं अहां भी तुहां जो दिक्खणे दी इच्छा रखदे हन।


इसतांई अहां लगातार तुहां तांई प्रार्थना भी करदे हन, कि अहां दा परमात्मा तुहां जो इस जोग्गा बणा, जिसियो करणे तांई तिन्हीं तुहां जो सद्देया ऐ, कने भलाई दी हर इक्क इच्छा कने बसुआसे दे हर इक्की कम्मे जो सामर्थी सौगी पूरा करैं,


हे प्यारे साथी बसुआसियो, तुहां दे बारे च अहां जो हमेसा परमात्मे दा धन्यावाद करणा चाइदा, कने एह़ ठीक भी ऐ, इसतांई कि तुहां दा बसुआस यीशु मसीह च बड़ा जादा बधी गेआ ऐ, कने तुहां सारेयां दा प्यार अप्पु च बड़ा ई बधदा जा दा ऐ।


यीशु मसीह च अहां दे प्रभु दा मता सारा अनुग्रह बसुआसे कने प्यारे नैं मिन्जो पर होएया।


इआं करणा खरी गल्ल ऐ कने एह़ अहां दे उद्धारकर्ता परमात्मे जो खरा लगदा ऐ,


ऐदेय बग्ते च तुहां जो सबर रखणा जरूरी ऐ, तांजे परमात्मे दी इच्छा जो पूरी करी नैं जेह्ड़ा तुहां तांई वादा कित्या ऐ, सैह़ मिल्लैं।


जाह़लू परमात्मे अब्राहमे जो परखेया, तां बसुआस दे जरिये अपणे जागते इसहाके दी बल़ि चढ़ाणे तांई त्यार होएया। इसहाक अब्राहमे दा खास जागत था। परमात्मे तिस जागते दे बारे च अब्राहमे नैं वादा कित्या था, कि “एह़ इसहाके दे जरिये हुंगा कि तेरे वंशे दी गिणती हुंगी।” अब्राहमे जो पूरा बसुआस था, कि परमात्मा मरेयां जो जिन्दा करी सकदा ऐ। कने इन्हीं साह्भें अब्राहमे जो इसहाक मरेयां ते जिन्दा मिल्लेया।


परमात्मा तुहां जो हर इक्क खरिया गल्ला च सिद्ध करैं, जिसते तुहां तिसदी इच्छा पूरी करन, कने जेह्ड़ा कुच्छ तिसियो खरा लगदा ऐ, तिसियो यीशु मसीह दे जरिये अहां च पूरा करैं। जिसदी महिमा जुगा-जुग हुंदी रैंह्। आमीन।


अहां भी तिस अरामे दिया जगाह च दाखल होणे दी कोसस करन, इआं ना होयैं कि कोई माणु तिन्हां साइआं हुक्म नीं मन्नी करी दाखल नीं होई पां।


कने अब्राहमे मते साल्लां तिकर सबर रखी करी परमात्मे दे वादे दिया आसीषां जो पाया।


अपर अपणे खरे कने सांत मने दे जरिये अंदरे ते खुबसूरत बणां, ऐदई खूबसूरती आखरी तिकर बणी रैंह्दी ऐ, कने परमात्मे दिया नजरा च एह़ बड़ी खास ऐ।


हे मेरे प्यारे बच्चो, अहां वचने ते कने गल्लां-बातां ते ई नीं, अपर कम्मे कने सच्चाईया दे जरिये भी प्यार करन।


हे मेरे प्यारे साथी बसुआसियो, जे अहां दा मन अहां जो दोस ना दैं, तां अहां जो परमात्मे सामणै हिम्मत हुंदी ऐ।


कने जेह्ड़ा कोई मसीह पर एह़ आस रखदा ऐ, सैह़ अपणे आप्पे जो तिंआं ई पवित्र करदा ऐ, जिंआं सैह़ पवित्र ऐ।


परमात्मे नैं प्यार रखणे दा मतलब एह़ ऐ, कि अहां तिसदे हुक्मां जो मनन। कने तिसदे हुक्म औखे नीं हन।


मैं तेरे कम्मां, प्यार, बसुआस, सेवा कने सबरे जो जाणदा ऐ, कने एह़ भी कि तेरे पिछले कम्म पैहल्लेयां कम्मां ते बधी करी हन।


तैं दुखां च भी सबर रखी नैं मेरे वचनां दा पालण कित्ता ऐ, इसतांई मैं तिज्जो परीक्षा दे तिस बग्त बचाई रखगा, मैं भी तिस बग्त इस संसारे दे सारे लोकां जो परखणे तांई ओंगा।


Lean sinn:

Sanasan


Sanasan