1 थिस्सलुनीकियों 1:10 - काँगड़ी

¹⁰ कने हुण तुहां तिसदे पुत्तरे दा सुअर्गे ते बापस ओणे दा इन्तजार करदे रेह्आ जिसियो परमात्मे मरेयां ते जिन्दा कित्या, मतलब यीशु मसीह जो, जेह्ड़ा अहां जो ओणे आल़े कोपे ते बचांदा ऐ।

1 थिस्सलुनीकियों 1:10 Iomraidhean Croise

मत्ती 1:21

सैह़ जागत जम्मगी कने तू तिसदा नां यीशु रखेयां क्जोकि सैह़ अपणे लोकां दा तिन्हां दे पापां ते उद्धार करगा।”

मत्ती 16:27

मैं माणुये दा पुत्तर अपणे सुअर्गदूतां सौगी अपणे पिता दी महिमा च ओंगा, कने तिस बग्त ‘सैह़ हर इक्की जो तिसदे कम्मां दे मताबक फल़ दिंगा।’

मत्ती 16:28

मैं तुहां नैं सच्च ग्लांदा ऐ, कि जेह्ड़े ऐत्थु खड़ोत्यो हन, इन्हां च कुच्छ-कुच्छ ऐदेय हन, कि जाह़लू तिकर माणुये दे पुत्तरे जो परमात्मे दे राज्जे च ओंदे नीं दिक्खी लैंगे, ताह़लू तिकर मौत्त तिन्हां पर कदी नीं ओंगी।”

मत्ती 3:7

जाह़लू तिन्हीं मते फरीसी कने सदूकी माणुआं जो बपतिस्मे तांई अप्पु अल्ल ओंदे दिख्या, तां तिन्हां नैं ग्लाणा लग्गा, “हे सर्पे साइआं जेहरिलै लोको, तुहां जो कुणी दस्सी दित्ता कि परमात्मे दे ओणे आल़े कोपे ते नठा?

लूका 2:25

तिस बग्त यरूशलेम सैहरे च शमौन नांऐ दा इक्क माणु था, कने सैह़ माणु धर्मी कने भक्त था; कने सैह़ पवित्र आत्मा नैं भरोया था कने इस्राएल देसे दे लोकां जो सांति दैणे आल़े मसीह दा इन्तजार करा दा था,।

लूका 3:7

जेह्ड़ी लोकां दी बड़ी बड्डी भीड़ यूहन्ने अल्ल बपतिस्मा लैणे जो निकल़ी नैं ओंदी थी, तिन्हां नैं सैह़ ग्लांदा था, “हे सर्पे साइआं जेहरिलै लोको, तुहां जो कुणी दस्सी दित्ता कि परमात्मे दे ओणे आल़े कोपे ते नठा।

प्रेरितां दे कम्म 1:11

कने तिन्हां नैं ग्लाणा लग्गे, “हे गलीली माणुओ, तुहां क्जो खड़ोई करी अम्बरे बक्खी दिक्खा दे हन, ऐई यीशु जिसियो परमात्मा तुहां दे सामणै ते सुअर्गे जो चुक्की नैं लेई गेआ ऐ, जिस तरीके नैं तुहां तिसियो सुअर्गे च जांदे दिख्या ऐ, तिस ई तरीके नैं सैह़ भिरी ओंगा।”

प्रेरितां दे कम्म 17:31

क्जोकि तिन्हीं इक्क दिन ठैहराया ऐ, जिस च सैह़ तिस माणुये दे जरिये धार्मिकता दे संसारे दा न्याय करणा, जिसियो तिन्हीं बणाया, कने तिसियो मरेयां च जिन्दा करी नैं इसा गल्ला दा सबूत सारे लोकां जो देई दित्ता ऐ।”

प्रेरितां दे कम्म 2:24

अपर तिसियो परमात्मैं मौत्ती दे बंधना ते छड्डाई करी जिन्दा कित्ता; क्जोकि तिस तांई सम्भव ई नीं था कि मौत्त तिसियो अपणे बसे च रखी पांदी।

प्रेरितां दे कम्म 2:32

इसी यीशुये जो परमात्मैं जिन्दा कित्ता, जिसदे अहां सारे गवाह हन।

प्रेरितां दे कम्म 3:15

कने तुहां सदा दी ज़िन्दगिया दा रस्ता दस्सणे आल़े जो तुहां मारी दित्ता, जिसियो परमात्मैं मरेयां ते जिन्दा कित्ता; कने इसा गल्ला दे अहां गवाह हन।

प्रेरितां दे कम्म 3:21

जरूरी ऐ कि यीशु सुअर्गे च तिस बग्ते तिकर रैंह् जाह़लू तिकर कि परमात्मा सारियां चीज्जां जेह्ड़ियां तिन्हीं बणाईयां हन सुधार ना करी लैं जिसदी चर्चा पराणे बग्ते ते परमात्मैं अपणे पवित्र भविष्यवक्तां दे मुँऐ ते कित्तियो ऐ।

प्रेरितां दे कम्म 4:10

तां तुहां सारे कने इस्राएली लोक जाणी लैन कि यीशु मसीह नासरी दे नांऐ ते खरा कित्ता ऐ। जिस यीशुये जो तुहां सूल़िया पर चढ़ाई दित्या था, कने परमात्मैं तिसियो मरेयां ते दुवारी जिन्दा कित्ता, एह़ माणु तिस नांऐ दे जरिये तुहां दे सामणै भला चंगा खड़ोत्या ऐ।

रोमियो 1:4

कने पवित्र आत्मा दिया सामर्थी नैं सैह़ मरेयां ते जिन्दा होई गेआ। इसते एह़ साबित होएया कि सैह़ परमात्मे दा पुत्तर ऐ, कने सैई यीशु मसीह अहां दा प्रभु ऐ।

रोमियो 2:7

जेह्ड़े लोक खरे कम्मां च मजबूत रेई नैं महिमा, कने आदर, कने सदा दी ज़िन्दगिया दिया तोपा च हन, तिन्हां जो परमात्मा सदा दी ज़िन्दगी दिंगा;

रोमियो 4:25

यीशु मसीह अहां दे अपराधां तांई पकड़ुआया गेआ, कने अहां जो धर्मी बणाणे तांई परमात्मे तिसियो मरेयां ते जिन्दा भी कित्ता।

रोमियो 8:34

भिरी कुण ऐ जेह्ड़ा अहां पर दोस लगाई सकदा ऐ? कोई भी नीं। क्जोकि यीशु मसीह ई ऐ जिन्हीं अपणे प्राण अहां तांई देई दित्ते, कने जेह्ड़ा मरेयां ते जिन्दा भी होई गेआ, कने परमात्मे दे सज्जे पास्से ऐ, कने अहां तांई विणती भी करदा ऐ।

1 कुरिन्थियों 1:7

ऐई बज़ाह ऐ कि जाह़लू तुहां अहां दे प्रभु यीशु मसीह दा बापस ओणे दा बेसबरिया नैं इन्तजार करा दे हन, तां हुण तुहां अल्ल सैह़ सारे आत्मिक वरदान हन, जिन्हां दी तुहां जो जरूरत ऐ।

गलातियों 3:13

मसीह जेह्ड़ा सूल़िया पर मरने दिया बज़ाह ते अहां तांई श्रापित होएया, कने तिन्हीं अहां जो खरीदी करी मूसा दिया व्यबस्था दे श्राफे ते बचाया, क्जोकि पवित्रशास्त्रे च एह़ लिख्या ऐ, “जेह्ड़ा कोई सूल़िया पर टुंगी करी मारेया जांदा ऐ सैह़ श्रापित ऐ।”

फिलिप्पियों 3:20

अपर अहां दा अपणा देस सुअर्गे पर ऐ; कने अहां इक्क उद्धार करणे आल़ा प्रभु यीशु मसीह दा औत्थू ते ओणे दा इन्तजार करदे हन।

कुलुस्सियों 1:18

कने मसीह ई ऐ जेह्ड़ा कलीसिया जो चलांदा ऐ। ठीक तिंआं ई जिंआं इक्क माणुये दा सिर तिसदे पूरे सरीरे जो चलांदा ऐ, सैई सुरू ऐ, कने मरेयां ते जिन्दे होणे आल़ेआं च जेठा ऐ, कि सैई सबना च परम प्रधान होयैं।

1 थिस्सलुनीकियों 1:7

जिसदा नतीजा एह़ होएया कि तुहां मकिदुनिया प्रदेस कने अखाया प्रदेसे दे सारे बसुआसियां तांई इक्क मिसाल बणी गै।

1 थिस्सलुनीकियों 2:16

कने सैह़ होरनी जाति दे लोकां नैं तिन्हां दे उद्धारे तांई गल्लां करणे ते अहां जो रोकदे हन, इस तरीके नैं सैह़ सदा अपणे पापां दा घड़ा भरदे हन। कने हुण तिन्हां पर परमात्मे दा कोप आई पेआ ऐ।

1 थिस्सलुनीकियों 2:7

अपर जिंआं माँ अपणे बच्चेयां जो पाल़दी पोसदी ऐ, तिंआं ई अहां भी तुहां बिच्च रेई करी नरम सभाव दस्सेया ऐ;

1 थिस्सलुनीकियों 5:9

क्जोकि परमात्मैं अहां जो गुस्से नैं सज़ा दैणे तांई नीं, अपर इसतांई चुणेया ऐ, कि अहां अपणे प्रभु यीशु मसीह दे जरिये उद्धार पाई सकन।

2 तीमुथियुस 4:1

जाह़लू प्रभु यीशु मसीह राजे साइआं राज्ज करणे ओंगा, तां सैह़ जिन्दे कने मरेयां दा न्याय करदा ऐ। मैं परमात्मे सौगी कने मसीह जो गवाह मन्नी करी तुहां नैं विणती करदा ऐ,

तीतुस 2:13

कने तिसा खरिया आसा दा मतलब अपणे म्हान परमात्मे कने उद्धार करणे आल़े यीशु मसीह दी महिमा दे प्रगट होणे दा इन्तजार करदे रैह़न।

इब्रानियों 10:27

हाँ, सज़ा दा इक्क डरौणा दिन कने अग्गी दी लपट अह्ल्ली बाक्कि ऐ, जेह्ड़ी परमात्मे दे बरोधियां जो नास करी दिंगी।

इब्रानियों 9:28

तिंआं ई मसीह भी मतेआं लोकां दे पापां जो अपणे ऊपर लेई नैं इक्क बरी बलिदान होएया। कने जेह्ड़े लोक तिसदा इन्तजार करदे हन, तिन्हां दे पापां तांई सैह़ दूई बरी मरने तांई नीं आया, अपर तिन्हां दे उद्धारे तांई प्रगट होई जांगा।

1 पतरस 1:21

यीशु मसीह दे जरिये तुहां परमात्मे पर बसुआस करदे हन, तांजे तुहां दा बसुआस कने आसा तिस परमात्मे पर होयैं, जिन्हीं मसीह जो मरेयां ते जिन्दा कित्ता कने तिसियो महिमा दित्ती।

1 पतरस 1:3

अहां परमात्मे दा धन्यावाद करदे हन, जेह्ड़ा अहां दे प्रभु यीशु मसीह दा पिता ऐ, जिन्हीं अपणी बड़ी दया नैं अहां जो नौई ज़िन्दगी दित्ती, क्जोकि परमात्मे यीशु मसीह जो मरेयां ते जिन्दा कित्ता, कने तिन्हीं अहां जो निडर होई नैं जीणे दे काबल बणाया, सैह़ एह़ कि अहां नैं तिन्हीं जिन्हां चीज्जां जो दैणे दा वादा कित्या ऐ, तिन्हां जो हासल करणे तांई अहां पूरी आस रखी सकन,

1 पतरस 2:21

कने परमात्मे दी तुहां जो सदणे दी बज़ाह एह़ ऐ, कि तुहां तिस तांई दुख झेलन, मसीह भी जिन्हीं तुहां तांई दुख झेलेया, सैह़ तुहां तांई इक्क उदारण ऐ, इसतांई जेह्ड़ा तिन्हीं कित्ता, तुहां जो भी तिंआं ई करणा चाइदा।

1 पतरस 3:18

मैं एह़ ग्लांदा ऐ, कि यीशु मसीयैं भी अहां दे पापां तांई दुख झेलेया कने मारा गेआ, सैह़ सिर्फ इक्क बरी ई मरेया, कने एह़ दुवारी भिरी करणे दी जरूरत नीं ऐ। सैह़ धर्मी माणु था जेह्ड़ा पापी लोकां तांई मरेया, तांजे तिन्हां जो परमात्मे नेड़े लेई औयें तिन्हां तिसदे सरीरे जो मारेया अपर सैह़ पवित्र आत्मा दिया सामर्थी दे जरिये दुवारी भिरी जिन्दा होई गेआ।

2 पतरस 3:12

जिंआं तुहां तिस दिने दा इन्तजार करदे हन, जाह़लू परमात्मा इस संसारे दा न्याय करणे तांई ओंगा, तां तिस दिने दे तौल़ी ओणे तांई कोसस करदे रेह्आ। तिस दिने अम्बर अग्गी नैं नास करी दित्ता जांगा, कने होर सारियां चीज्जां अग्गी दिया तेज गर्मिया नैं पिघली जांगियां।

2 पतरस 3:14

इसतांई, हे मेरे प्यारे साथी बसुआसियो, जाह़लू कि तुहां तिस न्याय आल़े दिने दी आस रखदे हन, तां कोसस करा कि तुहां सांतिया नैं तिस सामणै बेदाग कने बेकसूर ठैह़रन,

प्रकाशितवाक्य 1:18

कने मैं सैह़ ऐ जेह्ड़ा हमेसा जिन्दा ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ कने हमेसा जिन्दा रैंह्गा; कने मौत्त कने अधोलोक दी चाबियां मिन्जो अल्ल ई हन।

प्रकाशितवाक्य 1:7

दिक्खा, सैह़ बदल़ां सौगी ओणे आल़ा ऐ, कने हर कोई तिसियो दिक्खगा, अपर जिन्हां तिसियो सूल़िया पर मारेया था सैह़ भी तिसियो दिक्खगे, कने धरतिया दे सारे लोक तिसदिया बज़ाह ते जोरे नैं रोंगे। हाँ, एह़ जरूर हुंगा! आमीन।