1 थिस्सलुनीकियों 1:1 - काँगड़ी

¹ मैं पौलुस कने सिलवानुस कने तीमुथियुस अहां थिस्सलुनीकियों दी कलीसिया जो एह़ चिठ्ठी लिखदे हन, जेह्ड़े पिता परमात्मे कने यीशु मसीह च हन: मैं प्रार्थना करदा ऐ, कि तुहां जो अनुग्रह कने सांति मिलदी रैंह्।

1 थिस्सलुनीकियों 1:1 Iomraidhean Croise

प्रेरितां दे कम्म 15:22

ताह़लू यरूशलेम सैहरे दी सारी कलीसिया सौगी प्रेरितां कने स्याणेयां जो खरा लग्गा, कि अपणे माणुआं च कुच्छ माणु चुणन, क्जोकि यहूदा जिसियो बरसब्बा भी ग्लांदे हन, कने सीलासे जो जेह्ड़ा बसुआसी भाऊआं च बड़े भरी इज्जतदार अगुऐ थे; कने तिन्हां जो पौलुसे कने बरनबासे सौगी अन्ताकिया सैहरे दिया कलीसिया जो घल्लन।

प्रेरितां दे कम्म 15:27

“इसतांई अहां यहूदा जो कने सीलासे जो घल्लेया ऐ, जेह्ड़े अपणे मुँऐ ते इन्हां सारियां गल्लां जो दस्सी दिंगे।

प्रेरितां दे कम्म 15:40

अपर पौलुसैं सीलासे जो चुणी लेआ, कने बसुआसी भाऊआं जो परमात्मे दे अनुग्रह च सौंपी करी अन्ताकिया सैहरे ते भी चली गेआ;

प्रेरितां दे कम्म 16:19

जाह़लू तिसादे मालकां दिख्या, कि अहां दी कमाईया दी आसा पर पाणी फिरी गेआ ऐ, तां पौलुसे जो कने सीलासे जो पकड़ी करी चौके दे प्रधानां अल्ल घसीटदे लेई गै;

प्रेरितां दे कम्म 16:25

अधिया राती पौलुस कने सीलास प्रार्थना करदे-करदे परमात्मे देयां भजना गा दे थे, कने कैदी तिन्हां दी सुणा दे थे।

प्रेरितां दे कम्म 16:29

ताह़लू तिन्हीं दीय्या मंगवाया कने झट अंदर गेआ, कने कम्मदा-कम्मदा पौलुसे कने सीलासे दे पैरां पेई गेआ;

प्रेरितां दे कम्म 17:11

एह़ माणु तां थिस्सलुनीक सैहरे दे यहूदी माणुआं ते जादा खरे थे कने इन्हां लोकां पूरा मन लगाई करी वचन ग्रहण कित्ता, कने हर रोज पवित्रशास्त्रां च तोपदे रैह् कि एह़ गल्लां इआं ई हन कि नीं।

प्रेरितां दे कम्म 18:5

जाह़लू सीलास कने तीमुथियुस मकिदुनिया प्रदेसे च आये, तां पौलुस वचन सणाणे दिया धुना च यहूदियां जो गवाही दैणा लग्गा कि यीशु ई मसीह ऐ।

प्रेरितां दे कम्म 19:22

इसतांई अपणी सेवाकाल च तीमुथियुस कने इरास्तुस जो मकिदुनिया प्रदेसे च घल्ली करी अप्पु कुच्छ दिन तांई आसिया प्रदेसे च रेई पेआ।

प्रेरितां दे कम्म 20:4

कने इसा यात्रा च बिरीया प्रदेसे दे रैहणे आल़े पुरूर्से दा पुत्तर सोपत्रुस कने थिस्सलुनीकियां दे सैहरे च अरिस्तर्खुस कने सिकुन्दुस, कने दिरबे सैहरे दा गयुस, कने लुस्त्रा सैहरे ते तीमुथियुस, कने आसिया प्रदेसे दा तुखिकुस कने त्रुफिमुस अहां सौगी यात्रा करा दे थे।

रोमियो 1:7

एह़ चिठ्ठी रोम सैहरे दे तिन्हां सारेयां दे नां पर ऐ, जेह्ड़े परमात्मे दे प्यारे हन, कने पवित्र लोक होणे तांई सद्देयो हन, मैं प्रार्थना करदा ऐ, कि अहां दे पिता परमात्मा कने प्रभु यीशु मसीह दे पास्से ते तुहां जो अनुग्रह कने सांति मिलदी रैंह्।

1 कुरिन्थियों 1:2

मैं एह़ चिठ्ठी परमात्मे दी तिसा कलीसिया दे नांऐ पर लिखा दा जेह्ड़े कुरिन्थुस सैहरे च रैंह्दे हन, मतलब तिन्हां दे नांऐ पर जेह्ड़े यीशु मसीह च पवित्र कित्ते गै, कने पवित्र होणे तांई सद्देयो हन; कने तिन्हां सारेयां दे नांऐ पर भी जेह्ड़े हर जगाह अहां दे कने अपणे प्रभु यीशु मसीह दे नांऐ नैं प्रार्थना करदे हन।

2 कुरिन्थियों 1:1

एह़ चिठ्ठी पौलुस कने अहां दे भाऊ तीमुथियुसे दे पास्से ते ऐ। मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ। मैं एह़ चिठ्ठी परमात्मे दी तिसा कलीसिया दे नांऐ पर लिखा दा ऐ, जेह्ड़ी कुरिन्थुस सैहरे च ऐ, कने परमात्मे दे सारे पवित्र लोकां दे नांऐ पर जेह्ड़े अखाया प्रदेसे च रैंह्दे हन:

2 कुरिन्थियों 1:19

क्जोकि परमात्मे दा पुत्तर यीशु मसीह जिसदा अहां दे जरिये मतलब मेरे कने सिलवानुस कने तीमुथियुसे दे जरिये तुहां बिच्च भी प्रचार होएया, तिस च “हाँ” कने “ना” दोयो नीं थे, अपर तिस च “हाँ” दी “हाँ” होई ऐ।

गलातियों 1:2

कने सारे भाऊआं दे पास्से ते जेह्ड़े मिन्जो सौगी हन, मैं एह़ चिठ्ठी गलातिया सैहरे दियां कलीसियां जो लिखदा ऐ।

गलातियों 1:22

अपर यहूदिया प्रदेसे दियां कलीसियां जेह्ड़ियां मसीह च थियां, तिन्हां कलीसियां दे लोकां मिन्जो कदी नीं दिख्या था।

इफिसियों 1:2

मैं प्रार्थना करदा ऐ कि अहां दे पिता परमात्मे कने प्रभु यीशु मसीह दिया तरफा ते तुहां जो अनुग्रह कने सांति मिलदी रैंह्।

फिलिप्पियों 1:1

मैं पौलुस कने तीमुथियुस जेह्ड़े यीशु मसीह दे दास हन, अहां दिया तरफा ते एह़ चिठ्ठी परमात्मे सारे पवित्र लोकां दे नां पर, कने स्याणेयां कने सेवकां जो जेह्ड़े यीशु मसीह च होई नैं फिलिप्पी सैहरे च रैंह्दे हन, लिखदा ऐ।

कुलुस्सियों 1:1

एह़ चिठ्ठी पौलुस कने अहां दे भाऊ तीमुथियुसे दे पास्से ते ऐ। मैं पौलुस परमात्मे दिया इच्छा ते यीशु मसीह दा प्रेरित ऐ।

2 थिस्सलुनीकियों 1:1

मैं पौलुस, सिलवानुस कने तीमुथियुस अहां थिस्सलुनीकियों दी कलीसिया जो एह़ चिठ्ठी लिखदे हन, जेह्ड़े पिता परमात्मे कने यीशु मसीह च हन।

1 तीमुथियुस 1:2

मैं तुहां जो एह़ चिठ्ठी तीमुथियुसे दे नांऐ पर लिखा दा ऐ, जेह्ड़ा मिन्जो तांई मेरे जागते साइआं ऐ। क्जोकि तिन्हीं भी मिन्जो साइआं यीशु मसीह पर बसुआस कित्ता, मैं प्रार्थना करदा ऐ, कि पिता परमात्मे कने अहां दे प्रभु यीशु मसीह ते तिज्जो अनुग्रह, दया कने सांति मिलदी रैंह्।

2 तीमुथियुस 1:2

मैं तुहां जो एह़ चिठ्ठी तीमुथियुसे दे नांऐ पर लिखा दा ऐ, जेह्ड़ा मिन्जो तांई मेरे जागते साइआं ऐ। मैं प्रार्थना करदा ऐ, कि अहां दे पिता परमात्मे कने प्रभु यीशु मसीह दे पास्से ते तिज्जो अनुग्रह कने दया कने सांति मिलदी रैंह्।

इब्रानियों 13:23

तुहां जो एह़ याद ऐ, कि तीमुथियुस, अहां दा भाऊ जेला ते छुटी गेआ ऐ, कने जे सैह़ तौल़ी आई गेआ, तां मैं तिस सौगी तुहां नैं मिलणा ओंगा।

1 पतरस 5:12

मैं सिलवानुसे दिया मदता दे जरिये जिसियो मैं इक्क बसुआसी भाऊ समझदा ऐ, कने मैं तुहां जो हौंसला दैणे तांई कने समझाणे तांई एह़ चिठ्ठी बड़े थोड़े सब्दां च लिखा दा ऐ, कने एह़ गवाही दिंदा ऐ कि परमात्मे दा सच्चा अनुग्रह ऐई ऐ, इसी च मजबूत बणी रेह्आ।

1 यूहन्ना 1:3

जेह्ड़ा कुच्छ अहां दिख्या कने सुणेया ऐ तिसदा समाचार तुहां जो भी दिंदे हन, तांजे तुहां भी अहां सौगी संगति रखन; कने अहां दी एह़ संगति पिता सौगी कने तिसदे पुत्तर यीशु मसीह सौगी ऐ।

यहूदा 1:1

मैं यहूदा जेह्ड़ा यीशु मसीह दा दास कने याकूबे दा लोक्का भाऊ ऐ, मैं एह़ चिठ्ठी तिन्हां लोकां दे नांऐ पर लिखा दा ऐ, जेह्ड़े परमात्मे दे जरिये तिस च बसुआस करणे तांई सद्देयो हन। अहां दा पिता परमात्मा तुहां नैं प्यार करदा ऐ कने यीशु मसीह दे जरिये तुहां जो बचांदा ऐ।