1 पतरस 5:9 - काँगड़ी

⁹ बसुआसे च पक्के होई नैं कने एह़ समझी नैं सैताने दा सामणा करा कि तुहां दे भाऊ जेह्ड़े पूरे संसारे च हन, ऐदेया ई दुख झेला दे हन, जदेया तुहां झेला दे हन।

1 पतरस 5:9 Iomraidhean Croise

लूका 22:32

अपर मैं तिज्जो तांई परमात्मे नैं विणती कित्ती, कि तेरा बसुआस मिन्जो ते चली नीं जां; कने जाह़लू तू मने बदलें तां अपणे भाऊआं जो भी मिन्जो पर बसुआस करणे तांई मजबूत कर।”

यूहन्ना 16:33

मैं एह़ गल्लां तुहां नैं इसतांई ग्लाईयां हन, कि तुहां जो मिन्जो च सांति मिल्ले। अपर हौंसला रखा, क्जोकि मैं इस संसारे दे लोकां पर राज्ज करणे आल़े सैताने जो हराई दित्या ऐ।”

प्रेरितां दे कम्म 14:22

कने हर इक्की सैहरे च चेलेयां दे मना जो मजबूत करदे रैह् कने एह़ सिक्षा दिंदे थे कि बसुआसे च बणी रेह्आ; कने एह़ ग्लांदे थे, “अहां जो मते दुख झेली करी परमात्मे दे राज्जे च प्रवेश करणा पोणा।”

1 कुरिन्थियों 10:13

तुहां कुसी ऐदई परीक्षा च नीं पै, जेह्ड़ी माणुये दे झेलणे ते बाहर ऐ। परमात्मा सच्चा ऐ कने सैह़ तुहां जो सामर्थ ते बाहर परीक्षा च नीं पोणा दिंगा, अपर परीक्षा ते बाहर निकल़णे दा रस्ता कड्डगा कि तुहां झेली सकन।

इफिसियों 4:27

कने इआं करी नैं सैताने जो मौका मत देआ, कि सैह़ तुहां ते बुरे कम्म करवां।

इफिसियों 6:16

कने इन्हां सबना सौगी तुहां दा बसुआस इक्की ढालां साइआं मजबूत होयैं, जिसते तुहां तिस सैताने दे सारे बल़दे तीरां जो बझाई सकन।

कुलुस्सियों 2:5

क्जोकि जे मैं तुहां ते दूर ऐ, तमी मैं तुहां दे बारे च सोचदा रैंह्दा ऐ, कने मैं खुस हुंदा ऐ, कि जिंआं तुहां जो जीणा चाइदा था, तिंआं ई तुहां ज़िन्दगी जींदे हन, कने तुहां दा बसुआस मसीह च पक्का ऐ।

1 थिस्सलुनीकियों 3:3

कि इन्हां मुसीबतां दिया बज़ाह ते तुहां बसुआसे ते डगमगाई नीं जान। क्जोकि तुहां अप्पु जाणदे हन, अहां जो इन्हां मुसीबतां जो झेलणा ई पोणा।

1 तीमुथियुस 6:12

जिंआं इक्क खरा सपाई लड़ाईया च लड़ाई करणा कदी नीं छड्डदा, तिंआं ई तिज्जो भी परमात्मे पर बसुआस करणा कने तिसदे पचांह़ चलणा कदी नीं छड्डणा चाइदा। तांजे तू अपणे इनामे दे रूपे च सदा दी ज़िन्दगिया जो पाई सकैं, जिस तांई तू सद्देया गेआ, जाह़लू तैं मते लोकां सामणै साफ-साफ ग्लाया था, कि तू मसीह पर बसुआस करदा ऐ।

2 तीमुथियुस 3:12

एह़ गल्ल सच्च ऐ कि जेह्ड़े यीशु मसीह च सच्चाईया दी ज़िन्दगिया जीणे दा फैसला करदे हन, तिन्हां सारेयां पर जुल्म हुंगे;

2 तीमुथियुस 4:7

मैं मसीह दी सेवा तांई बड़ी मेहनत कित्ती ऐ, कने अपणिया दौड़ा जो पूरी करी लेआ ऐ, कने मैं आखरी तिकर बसुआसे च पक्का रेह्आ ऐ।

इब्रानियों 11:33

इन्हां बसुआसे दे जरिये राज्ज जीत्ते; सच्चे फैसले सौगी राज कित्ता वादे दियां चीज्जां जो पाया; कने शेर तिन्हां जो खाई नीं सके।

इब्रानियों 12:8

जे सैह़ डांट जेह्ड़ी सबना जो पोंदी ऐ, जे तुहां जो नीं पोंदी ऐ, तां तुहां परमात्मे दे असली पुत्तर नीं हन।

याकूब 4:7

इसतांई परमात्मे दे अधीन होई जा, कने सैताने दा सामणा करा, तां सैह़ तुहां दे बक्खे ते नठ्ठी जांगा।

1 पतरस 1:6

तुहां जो इन्हां सारियां गल्लां च खुस होणा चाइदा, बेसक हुण तुहां थोड़े बग्ते तांई लग्ग-लग्ग दुखां दिया बज़ाह ते दुखी हन।

1 पतरस 2:21

कने परमात्मे दी तुहां जो सदणे दी बज़ाह एह़ ऐ, कि तुहां तिस तांई दुख झेलन, मसीह भी जिन्हीं तुहां तांई दुख झेलेया, सैह़ तुहां तांई इक्क उदारण ऐ, इसतांई जेह्ड़ा तिन्हीं कित्ता, तुहां जो भी तिंआं ई करणा चाइदा।

1 पतरस 3:14

अपर जे तुहां धार्मिकता दिया बज़ाह ते दुख झेलदे हन, तां परमात्मा तुहां जो आसीष दिंगा; अपर जे कोई तुहां जो धमकी दैं, तिन्हां ते मत डरा कने मत घबरा,

1 पतरस 4:13

अपर तुहां इस च खुस रेह्आ, कि तुहां यीशु मसीह दे दुखां च साझीदार होएयो हन, तांजे जाह़लू तिसदी महिमा प्रगट होयैं, तां तुहां खुसिया नैं भरोई जान।

प्रकाशितवाक्य 1:9

मैं यूहन्ना, जेह्ड़ा तुहां दा बसुआसी भाऊ कने यीशुये दे दुख, राज्ज, कने सबरे च तुहां दा साझी ऐ, परमात्मे दे वचन, कने यीशुये दिया गवाही दिया बज़ाह ते मैं पतमुस नांऐ दे टापू च था।

प्रकाशितवाक्य 6:11

तिन्हां च हर इक्की जो चिट्टा कपड़ा दित्ता गेआ, कने तिन्हां नैं ग्लाया गेआ कि होर थोड़ी देर तिकर इन्तजार करा, क्जोकि तुहां दे कुच्छ होर भी संगी साथी कने बसुआसी भाऊ हन, जिन्हां दा खून भी तुहां साइआं कित्ता जांगा। जाह़लू तिन्हां दी जिन्हां दा खून कित्या गिणती पूरी होई जांगी, सिर्फ ताह़लू ई मैं बदला लैंगा।

प्रकाशितवाक्य 7:14

मैं तिस नैं ग्लाणा लग्गा, “हे मालक, मिन्जो नीं पता अपर तू ई जाणदा ऐ।” तिन्हीं मिन्जो नैं ग्लाया, एह़ सैह़ लोक हन, जिन्हां दी मौत्त बड़े दुख झेलणे दिया बज़ाह ते होईयो थी कने जिन्हां मेम्ने दे बलिदाने दे जरिये परमात्मे दिया नजरा च अपणे आप्पे जो पवित्र करी लेआ ऐ।