1 पतरस 5:8 - काँगड़ी

⁸ हमेसा चौकन्ने रेह्आ, कने जागदे रेह्आ; क्जोकि तुहां दा बरोधी सैतान गरजणे आल़े शेरे साइआं इसा तोपा च रैंह्दा ऐ कि कुसियो फाड़ी खां।

1 पतरस 5:8 Iomraidhean Croise

मत्ती 13:39

जिन्हीं दुश्मणे तिन्हां जो बाया सैह़ सैतान ऐ; बड्डाई संसारे दा अन्त ऐ, कने बडणे आल़े सुअर्गदूत हन।

मत्ती 24:42

इसतांई जागदे रेह्आ, क्जोकि तुहां नीं जाणदे कि तुहां दा प्रभु कुस दिन ओंगा

मत्ती 25:41

“ताह़लू सैह़ खब्बे पास्से आल़ेआं नैं ग्लांगा, ‘हे श्रापित लोको, मेरे सामणै ते तिसा सदा दी अग्गी च चली जा, जेह्ड़ी परमात्मे सैताने कने तिसदे दूतां तांई त्यार कित्तियो ऐ।

मत्ती 4:1

भिरी पवित्र आत्मा यीशुये जो सुनसाण जगाह जो इसतांई लेई गेआ, तांजे सैताने ते तिसदी परख होई सकैं।

मत्ती 4:11

ताह़लू सैतान अगले मौके दिया निहाल़पा च कुच्छ बग्त तांई तिसियो छड्डी करी चली गेआ, कने सुअर्गदूत आई नैं तिसदी सेवा करणा लग्गे।

मरकुस 4:15

जेह्ड़े बीई रस्ते पर पैयो हन, एह़ तिन्हां माणुआं साइआं हन कि जाह़लू तिन्हां परमात्मे दा वचन सुणेया, तां सैतान तिन्हां पंछियां साइआं झट आई नैं बाएयो वचने जो चुराई नैं लेई जांदा ऐ।

लूका 21:34

“इस बज़ाह ते चौकन्ने रेह्आ, कुत्थी इआं नीं होयैं कि तुहां दे मने च खुमार, कने मतवाल़ापन, कने इसा ज़िन्दगिया दी फिकर करी नैं सुस्त होई जान, कने सैह़ दिन तुहां पर गल़फाये साइआं चाणचक आई पोयैं।

लूका 21:36

इसतांई जागदे रेह्आ कने हर बग्त प्रार्थना करदे रेह्आ कि तुहां इन्हां सब ओणे आल़िआं मुसीबता ते बची करी रैह़न कने माणुये सामणै खड़ोणे जोग्गा तां बणा।”

लूका 22:31

“शमौन, हे शमौन। सुण, सैताने तुहां लोकां जो मंगी लेआ ऐ तांजे कणका साइआं फटके।

यूहन्ना 8:44

तुहां अपणे बुढ़े सैताने ते हन, कने अपणे बुढ़े दी इच्छां जो पूरा करणा चांह़दे हन। सैह़ तां सुरू ते ई हत्यारा ऐ कने सच्च नीं ग्लांदा, क्जोकि सच्च तिस च ऐ ई नीं। कने जाह़लू सैह़ झूठ ग्लांदा ऐ, तां सभावे ते ई ग्लांदा ऐ, कने सैह़ झूठा ई नीं अपर झूठ दा भी बुढ़ा ऐ।

2 कुरिन्थियों 2:11

तांजे सैतान अहां दा कुसी भी गल्ला च फायदा ना लेई सकैं। क्जोकि अहां तिसदियां योजनां जो जाणदे हन।

इफिसियों 4:27

कने इआं करी नैं सैताने जो मौका मत देआ, कि सैह़ तुहां ते बुरे कम्म करवां।

इफिसियों 6:11

अहां माणुआं दे खलाफ लड़ाई नीं लड़दे, अपर अहां लड़ाई आत्मिक संसारे च नेहरे दियां ताकतां दे, अधिकारियां कने राजेयां दे खलाफ ऐ। इसतांई तिन्हां सारे आत्मिक हत्थयारां जो बन्नी लेआ, जिन्हां जो परमात्मा दिंदा ऐ, तांजे जाह़लू बुरे दिन ओन तां तुहां अपणे आप्पे जो सैताने दिया चलाकिया ते बचाई सकन, कने जाह़लू लड़ाई खत्म होई जां, तां तुहां भिरी भी मजबूतिया नैं खड़ोई सकन।

1 तीमुथियुस 2:15

भिरी भी जणासां मसीह पर बसुआस बणाई रखदियां, कने बाक्कि लोकां सौगी प्यारे नैं, पवित्र कने खरे तरीके नैं बर्ताब करन तां परमात्मा तिन्हां दा बच्चे जम्मणे दे जरिये उद्धार करगा।

1 तीमुथियुस 2:9

इआं ई मैं चांह़दा कि मसीह जणासां ना ऐदेय बाल़ बणाई करी कने ना सोन्ने मोती दे मैंह्गे-मैंह्गे गैहणे पाई कने ना ई ऐदेय कपड़े पाई नैं अपणे आप्पे जो संवारन जिसदिया बज़ाह ते मरद तिन्हां जो पाणा चान, अपर सैह़ चज्जे दे कपड़े पा करन जेह्ड़े तिन्हां दे सरीरे जो खरे तरीके नैं ढकन।

1 तीमुथियुस 3:11

इन्हीं साह्भें सेवकां दियां लाड़ियां जो भी इज्जतदार होणा चाइदा। दोस लगाणे आल़िआं ना होन, अपर हर हालता च अपणे आप्पे जो काबू करणे आल़िआं कने सारियां गल्लां च बसुआसे जोग्गियां होन।

1 तीमुथियुस 3:2

इसतांई एह़ जरूरी ऐ कि कलीसिया दा अगुआ बेकसूर, कने इक्की लाड़िया दा लाड़ा, हर हालता च अपणे आप्पे जो काबू करणे आल़ा, सांत सभावे आल़ा, इज्जतदार, परोणेयां दी आदर-खातर करणे आल़ा, कने परमात्मे दे वचने जो खरे तरीके नैं सखाणे आल़ा होयैं।

2 तीमुथियुस 4:17

अपर प्रभु मिन्जो सौगी रेह्आ, कने मिन्जो सामर्थ दित्ती, तांजे मेरे जरिये पूरा-पूरा प्रचार होयैं, कने सारे होरनी जातिआं दे लोक भी सुणी लैंन, क्जोकि तिन्हीं मिन्जो मौत्ती दे मुँऐ ते बचाया ऐ।

तीतुस 1:8

अपर घरैं आएयो परोणेयां दी इज्जत करणे आल़ा, दूयेयां सौगी भलाईया करणे आल़ा, हर हालता च अपणे आप्पे पर काबू करणे आल़ा, सच्चा न्याय करणे आल़ा, पवित्र कने अपणिया इच्छा पर काबू करणे आल़ा होणा चाइदा।

तीतुस 2:12

इस अनुग्रह दे जरिये परमात्मा अहां जो चतौणी दिंदा ऐ, कि अहां तिस सभावे जो छड्डणा सीखन, जेह्ड़ा परमात्मे दी बेइज्जती करदा ऐ, कने अहां जो सारियां संसारिक चीज्जां दियां इच्छां जो भी छड्डणा चाइदा। अपर इसदिया जगाह इस बग्ते च अहां जो सबर कने पवित्र ज़िन्दगी जीणी चाइदी, जेह्ड़ी साबित करैं कि अहां परमात्मे दी इज्जत करदे हन।

तीतुस 2:2

स्याणे माणुआं जो अपणे आप्पे पर काबू रखणा, इज्जतदार बणना, कने अक्लमंदिया नैं जीणा सखा। तिन्हां अल्ल मजबूत बसुआस, प्यार कने सबर होणा चाइदा।

तीतुस 2:4

तांजे सैह़ जुआन जणासां तांई उदारण बणी सकैं, कने एह़ भी सखाई सकैं कि तिन्हां जो अपणे लाड़ेयां कने बच्चेयां सौगी किंआं प्यार करणा चाइदा।

तीतुस 2:6

इस तरीके नैं जुआन मर्दां जो भी समझांदे रेह्आ कि सैह़ भी अपणे आप्पे पर काबू करणे आल़े होन।

याकूब 4:7

इसतांई परमात्मे दे अधीन होई जा, कने सैताने दा सामणा करा, तां सैह़ तुहां दे बक्खे ते नठ्ठी जांगा।

1 पतरस 1:13

इसतांई अपणे-अपणे मनां जो त्यार करा, ठीक तिंआं ई जिंआं लोक कम्म करणे तांई अपणे लक्के जो बैल्टा नैं कसदे हन, कने तिस उद्धारे दी आस करदे रेह्आ, जेह्ड़ा अनुग्रह दे जरिये तुहां जो दित्ता जांगा, जाह़लू यीशु मसीह इस संसारे च बापस ओंगा।

1 पतरस 4:7

सारियां गल्लां दा अन्त तौल़ी होणे आल़ा ऐ; इसतांई अपणे आप्पे पर काबू करी नैं कने सच्चाई नैं प्रार्थना च लग्गी रेह्आ।

प्रकाशितवाक्य 12:10

भिरी मैं सुअर्गे च एह़ जोरे दी उआज़ सुणी, “हुण अहां दे परमात्मे दा उद्धार, सामर्थ, राज्ज कने तिसदे मसीह दा हक्क प्रगट होएया ऐ, क्जोकि अहां दे भाऊआं पर दोस लगाणे आल़ा, जेह्ड़ा रात दिन अहां दे परमात्मे सामणै तिन्हां पर दोस लगा करदा था, सट्टी दित्ता।

प्रकाशितवाक्य 12:12

इसा बज़ाह ते हे सुअर्गो कने तिन्हां च रैहणे आल़ेयो मग्न होएया; हे धरती, कने समुंदर तुहां पर हाय। क्जोकि सैतान बड़े गुस्से सौगी तुहां अल्ल लौई आया ऐ, क्जोकि सैह़ जाणदा ऐ कि तिसदा बग्त बड़ा थोड़ा ऐ।”

प्रकाशितवाक्य 12:9

ताह़लू सैह़ बड्डा अजगर, कने सैई पराणा सर्प जेह्ड़ा इबलीस कने सैतान ऐ कने सारे संसारे जो भरमाणे आल़ा ऐ, धरतिया पर सट्टी दित्ता, कने तिसदे दूत तिस सौगी सट्टी दित्ते,

प्रकाशितवाक्य 20:10

तिन्हां दा भटकाणे आल़ा सैतान अग्ग कने गंधका दिया तिसा झीला च, जिसा च सैह़ जंगली जानवर कने झूठा भविष्यवक्ता भी पाई दित्ता जांगा; कने सैह़ रात दिन जुगा-जुग पीड़ा च तड़फदे रैंह्गे।

प्रकाशितवाक्य 20:2

तिन्हीं तिस अजगरे, मतलब पराणे सर्पे जो, जेह्ड़ा सैतान ऐ, पकड़ी करी हज़ारां साल्लां तांई बन्नी दित्ता,