1 पतरस 5:7 - काँगड़ी

⁷ अपणी सारी फिकर परमात्मे पर पाई देआ, क्जोकि सैह़ तुहां दा ध्यान रखदा ऐ।

1 पतरस 5:7 Iomraidhean Croise

मत्ती 6:27

तुहां च कुण ऐ, जेह्ड़ा फिकर करी नैं अपणिया उम्रा च इक्क घड़ी भी बधाई सकदा ऐ?

मत्ती 6:28

“कने कपड़ेयां तांई क्जो फिकर करदे हन, छैल़ जंगली फूलां दे बूटेयां पर ध्यान करा कि सैह़ किंआं बडुंदे हन। सैह़ ना मेहनत करदे हन, ना तां अपणे तांई कपड़े बणांदे हन।

मत्ती 6:31

“इसतांई तुहां फिकर करी नैं एह़ मत ग्लांदे कि अहां क्या खाणा, कने क्या पीणा, कने क्या लगाणा।

मरकुस 4:38

कने यीशु अप्पु किस्तिया दे पचांह़ आल़े हिस्से च सुतेया था। ताह़लू चेलेयां यीशुये जो जगाई करी तिस नैं ग्लाया, “हे गुरू क्या तिज्जो अहां दी फिकर नीं कि अहां डुबी चलेयो हन?”

लूका 12:22

भिरी यीशुयैं अपणे चेलेयां नैं ग्लाया, “इसतांई मैं तुहां नैं ग्लांदा ऐ, अपणिया ज़िन्दगिया दे बारे च एह़ फिकर मत करा, कि अहां क्या खांगे; ना अपणे सरीरे दी फिकर कि क्या लगांगे।

लूका 12:26

इसतांई जे तुहां सारेयां ते छोटा कम्म भी नीं करी सकदे, तां अपणी ज़िन्दगिया च होरनी गल्लां दी क्जो फिकर करदे हन?

यूहन्ना 10:13

सैह़ इसतांई नठ्ठी जांदा ऐ कि सैह़ किराये दा मजदूर ऐ, कने तिसियो भेड्डां दी फिकर नीं।

फिलिप्पियों 4:6

कुसा भी गल्ला दी फिकर मत करा। अपर हर इक्क हलात च तुहां दी दरखास्त, प्रार्थना कने विणती धन्यावाद सौगी परमात्मे सामणै पेस कित्ते जान।