1 पतरस 5:5 - काँगड़ी

⁵ इसी तरीके नैं हे नौजुआनो तुहां भी स्याणे बसुआसियां दे अधीन रेह्आ, अपर तुहां सबना जो इमानदारिया नैं इक्की दूये दी सेवा करणी चाइदी, क्जोकि पवित्रशास्त्रे च एह़ लिख्या ऐ, कि “परमात्मा घमंडी लोकां दा बरोध करदा ऐ, अपर सैह़ दीन माणुआं पर अनुग्रह करदा ऐ।”

1 पतरस 5:5 Iomraidhean Croise

लूका 22:26

अपर तुहां ऐदेय मत हुंदे; अपर जेह्ड़ा तुहां च बड्डा ऐ, सैह़ लोक्के साइआं कने जेह्ड़ा प्रधान ऐ, सैह़ दासे साइआं बणैं।

रोमियो 12:10

इक्की दूये नैं परवारे दे लोकां साइआं प्यार रखा; हर इक्क माणु दूयेयां जो अप्पु ते म्हान समझैं।

रोमियो 13:14

अपर प्रभु यीशु मसीह तुहां दा कवच बणी जां, जिसदे जरिये तुहां दी रखवाल़ी होई सकैं, कने पापी सभावे दियां इच्छां जो पूरा करणे दी कोसस मत करा।

इफिसियों 5:21

मसीह च आदर रखणे दिया बज़ाह ते इक्की दूये दे अधीन रेह्आ।

फिलिप्पियों 2:3

अपणे फायदे तांई कने घमंड नैं कुच्छ भी मत करा, अपर दीनता नैं इक्की दूये जो अपणे ते जादा अच्छा समझा।

कुलुस्सियों 3:12

इसतांई परमात्मे तुहां जो तिसदे पवित्र लोक होणे तांई चुणेयां, कने तुहां नैं प्यार करदा ऐ, बड़ी दया, कने बड़ी भलाई, बड़ी दीनता, कने बड़ा नरम सभाव, कने अपणे आप्पे च सेहनसक्ति रखा।

1 तीमुथियुस 5:1

कुसी भी बुढे माणुये जो मत झिड़क, अपर तिसियो अपणे बुढ़े साइआं समझी करी प्यारे नैं समझाई दे, कने जुआनां जो अपणे भाऊये साइआं समझी करी;

इब्रानियों 13:17

अपणे अगुआं दा हुक्म मन्ना कने तिन्हां दे अधीन रेह्आ, क्जोकि सैह़ तुहां जो दिक्खा दे हन, कि तुहां अपणे रस्ते ते भटकी नीं जान। क्जोकि तिन्हां जो अपणिया सेवा दा लेखा जोखा परमात्मे जो दैणा पोणा ऐ। तुहां तिन्हां दे हुक्मां जो मन्ना, तांजे सैह़ अपणे कम्मां दे खुस होई जान, ना कि उदास, एह़ तुहां तांई भी फायदेमंद होई जांगा।

याकूब 4:6

सैह़ तां होर भी अनुग्रह दिंदा ऐ, इसतांई एह़ पवित्रशास्त्रे च लिख्या ऐ, “परमात्मा घमंडियां नैं बरोध करदा ऐ, अपर दीन माणुआं पर अनुग्रह करदा ऐ।”

1 पतरस 3:8

आखर च मैं तुहां सबना जो एह़ ग्लाणा चांह़दा ऐ, कि तुहां सारे इक्क मन होई नैं रेह्आ, कने इक्की दूये पर दया करा, इक्की दूये नैं प्यार रखा, भलाई करा कने नम्र बणा।

1 पतरस 4:1

इसतांई जिंआं मसीयैं अपणे सरीरे दुख झेलेया, तिंआं ई तुहां जो भी तिसी सभावे सौगी दुख झेलणे तांई त्यार रैहणा चाइदा। क्जोकि जे तुहां मसीह तांई दुख झेलणे जो त्यार हन, तां इसदा मतलब एह़ कि तुहां पाप नीं करणे दा फैसला लेई लेआ ऐ,

1 पतरस 4:5

अपर इक्क दिन सैह़ जरूर परमात्मे सामणै अपणा लेखा दैणे तांई खड़ोंगे, कने परमात्मा तिन्हां च हर इक्की ते तिन्हां दे कम्मां दा जेह्ड़े तिन्हां इस संसारे च कित्यो हन हसाब-कताब लैंगा, चाहे सैह़ हुण जीआ दे हन, या पैहल्ले ते मरी गियो हन।