1 पतरस 5:3 - काँगड़ी

³ जिन्हां लोकां दी जिम्मेवारी तुहां जो दित्तियो ऐ, तिन्हां पर अधिकारियां साइआं हक्क मत जता, अपर तिन्हां तांई इक्क खरा उदारण बणा।

1 पतरस 5:3 Iomraidhean Croise

यूहन्ना 13:15

क्जोकि मैं तुहां जो नमूना दस्सी दित्ता ऐ, कि जिंआं मैं तुहां नैं कित्ता ऐ, तुहां भी तिंआं ई करा-करा।

प्रेरितां दे कम्म 20:28

इसतांई अपणी कने अपणे पूरे झुंडे दी चौकसी रखा जिस च पवित्र आत्मा तुहां जो अधिकारी बणाया ऐ, कि तुहां परमात्मे दिया कलीसिया दी रखवाल़ी करन, जिसियो तिन्हीं अपणे खूने नैं खरीदी लेआ ऐ।

1 कुरिन्थियों 11:11

तां प्रभु दे बसुआसियां च ना तां जणांस मर्दे ते लग्ग ऐ, कने ना मरद जणासा ते लग्ग ऐ।

1 कुरिन्थियों 3:5

आखर च सिर्फ अपुल्लोस कने मैं दास हन, जिन्हां तुहां दा मसीह च बसुआस करणे तांई मदत कित्ती, एह़ प्रभु ई था जिन्हीं एह़ सब कुच्छ कित्ता।

1 कुरिन्थियों 3:9

क्जोकि अहां परमात्मे तांई कम्म करणे आल़े तिसदे साथी हन; तुहां इक्की खेते साइआं हन, जेह्ड़ा परमात्मे दा ऐ, कने मैं तुहां दी इक्क ऐदेय घरे साइआं तुलणा करा दा ऐ, जिसियो परमात्मा बणांदा ऐ।

2 कुरिन्थियों 1:24

इसदा मतलब एह़ नीं कि अहां तुहां दे बसुआसे पर हक्क जतान, क्जोकि तुहां अपणे बसुआसे च मजबूत रैंह्दे हन। अपर अहां तां तुहां दिया खुसिया च साझी हन।

2 कुरिन्थियों 4:5

क्जोकि अहां अपणे बारे च नीं, अपर यीशु मसीह दे बारे च प्रचार करदे हन, कि सैह़ प्रभु ऐ। कने तिसदे बारे च एह़ ग्लांदे हन, कि तिन्हीं अहां जो तुहां दे सेवक होणे तांई घल्लेया।

फिलिप्पियों 3:17

हे प्यारे साथी बसुआसियो, तुहां सारे मिल्ली नैं मिन्जो साइआं ज़िन्दगी जीआ, कने तिन्हां जो पणछैणा, जेह्ड़े इसा रीतिया नैं जींदे हन, जिसदा उदारण तुहां अहां च पांदे हन।

फिलिप्पियों 4:9

जेह्ड़ियां गल्लां तुहां मिन्जो ते सिखियां, कने अपनाईयां, कने सुणियां कने मिन्जो च दिक्खियां, तिन्हां ई दा पालण करदे रेह्आ। ताह़लू सांति दा परमात्मा तुहां लोकां सौगी रैंह्गा।

1 थिस्सलुनीकियों 1:7

जिसदा नतीजा एह़ होएया कि तुहां मकिदुनिया प्रदेस कने अखाया प्रदेसे दे सारे बसुआसियां तांई इक्क मिसाल बणी गै।

2 थिस्सलुनीकियों 3:9

अहां कड़ी मेहनत कित्ती, इसतांई नीं कि अहां अल्ल कोई हक्क नीं था, कि अहां तुहां ते अपणिया जरूरता तांई मंगन। अपर इसतांई कि अपणे आप्पे जो तुहां तांई इक्क उदारण पेस करन कि तुहां अहां साइआं ज़िन्दगी जीआ।

1 तीमुथियुस 4:12

इस तरीके नैं बर्ताब कर कोई भी तेरी जुआनिया दिया बज़ाह ते तेरी बेइज्जती नीं करैं, अपर तिज्जो अपणे सब्दां च जेह्ड़ा तू ग्लांदा ऐ, अपणे चाल-चलण च, प्यारे च, मसीह दे बसुआस च, कने पवित्र ज़िन्दगिया च बसुआसी लोकां तांई खरा उदारण बण।

तीतुस 2:7

तुहां जो हमेसा खरे कम्म करणा चाइदा, तांजे तुहां दूयेयां लोकां तांई उदारण बणन। जाह़लू तुहां बसुआसियां जो सखांदे हन, तां तुहां जो खरे इरादे सौगी सखाणा चाइदा, जिसते लोक तुहां दी इज्जत करन।

1 पतरस 2:9

अपर तुहां इन्हां साइआं नीं हन, क्जोकि तुहां इक्क चुणेया वंश, साही परवार, याजकां दा समाज, पवित्र लोक, कने परमात्मे दे खास लोक हन, क्जोकि तिन्हीं तुहां जो नेहरे ते सद्दी करी जोतिया च लंदेया ऐ, तांजे तुहां परमात्मे दे म्हान कम्मां जो दस्सी सकन।