1 पतरस 5:2 - काँगड़ी

² जिंआं गुआल़ा अपणियां भेड्डां दी रखवाल़ी करदे हन, तिंआं ई तुहां भी तिन्हां सारेयां दी रखवाल़ी करा, जेह्ड़े परमात्मे तुहां जो दित्यो हन, इसा सेवा जो अपणिया खुसिया नैं मन लगाई नैं करा, क्जोकि परमात्मा ऐई चांह़दा ऐ, तुहां इसियो कुसी दबाबे दिया बज़ाह ते मत करा कने ना ई धन-दौलता दे लालचे तांई अपर सिर्फ परमात्मे कने लोकां दी सेवा करणे तांई।

1 पतरस 5:2 Iomraidhean Croise

लूका 12:32

“हे भेड्डां साइआं झुंड, मत डर; क्जोकि तुहां दे पिता परमात्मे तुहां जो राज्ज दैणे दी दया कित्ती ऐ।

प्रेरितां दे कम्म 20:29

मैं जाणदा ऐ कि मेरे जाणे ते बाद फाड़णे आल़े भेड़िये तुहां च ओंगे जिन्हां झुंडे जो नीं छड्डणा।

प्रेरितां दे कम्म 21:13

अपर पौलुसैं जवाब दित्ता, “तुहां क्या करदे हन, कि रौई-रौई करी मेरे मने तोड़दे हन? मैं तां प्रभु यीशुये दे नांऐ तांई यरूशलेम सैहरे च सिर्फ ना बन्धे जाणे तांई अपर मरने तांई भी त्यार ऐ।”

रोमियो 1:15

कने मैं तुहां लोकां जो भी जेह्ड़े रोम सैहरे च रैंह्दे हन, सुसमाचार सणाणे जो पूरा त्यार ऐ।

1 कुरिन्थियों 9:7

कुण सपाई ऐदेया ऐ, जेह्ड़ा सेना च सेवा करी नैं अपणा खर्च अप्पु भुगतान करदा ऐ? कुण ऐ, जेह्ड़ा अंगूरा दे बागे जो लगांदा तां ऐ, अपर अप्पु तिसदा फल़ नीं खांदा? या कुण ऐदेया गुआल़ा ऐ, जेह्ड़ा भेड्डां दी रखवाल़ी करी नैं तिन्हां दा दुद नीं पींदा?

1 तीमुथियुस 3:3

सैह़ पियक्कड़ कने मारपीट करणे आल़ा ना होयैं, अपर नरम दिले दा होयैं, कने ना लड़णे आल़ा, कने ना धन-दौलता दा लालची होयैं।

1 तीमुथियुस 3:8

तिंआं ई कलीसिया दे सेवक भी इज्जतदार कने ईमानदार होणे चाइदे, कने सैह़ पियक्कड़ कने नीच कमाईया दे लालची ना होन।

तीतुस 1:11

ऐदेयां लोकां जो सिक्षा दैणे दी इजाजत मत देआ, क्जोकि जाह़लू सैह़ ऐदई सिक्षा दिंदे हन, जेह्ड़ी तिन्हां जो नीं दैणी चाइदी, क्जोकि एह़ लोक सारे परवारां दा बसुआस नास करदे हन, सैह़ एह़ तां करदे हन कि पैसा हासल करी सकन।

तीतुस 1:7

क्जोकि अगुआ परमात्मे दा भण्डारी होणे दिया बज़ाह ते बेकसूर होणा चाइदा; ना जिद्द करणे आल़ा, ना गुस्सा करणे आल़ा, ना पियक्कड़, ना मारपीट करणे आल़ा, कने ना नीच कमाईया दा लालची होयैं,

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

तीतुस 3:1

बसुआसी लोकां जो याद करांदा रैह् कि हाकमां कने अधिकारियां दे अधीन रैह़न, कने तिन्हां दे हुक्म मनन, कने हर इक्क खरे कम्मे तांई त्यार रैह़न।

फिलेमोन 1:14

अपर मैं तेरी इच्छा बगैर कुच्छ भी करणा नीं चाया, तांजे तेरी एह़ दया जबरदस्तिया नैं नीं अपर तेरिया खुसिया नैं होयैं।

इब्रानियों 12:15

तुहां चौकनै रेह्आ, कोई भी माणु परमात्मे दे अनुग्रह बगैर नीं रेई जां। ध्यान देआ, कि तुहां च बेबसुआसे दी कोड़ी जड़ निकल़ी करी तकलीफ नीं दैं, जिसते कि सैह़ लोक परमात्मे दे सच्चे रस्ते दूर होई जान।

2 पतरस 2:3

कने एह़ झूठे सिक्षक लालची होई जांगे, कने अपणे फायदे तांई मनगढ़ंत काहणिया बणाई नैं तुहां जो धोखा दिंगे। परमात्मे बड़ी पैहल्लैं ई एह़ फैसला लेई लेआ था, कि सैह़ इन्हां दा नास करगा, कने सैह़ एह़ करणे तांई बिलकुल त्यार ऐ। सैह़ पक्का तिन्हां जो नास करगा।