1 पतरस 5:12 - काँगड़ी

¹² मैं सिलवानुसे दिया मदता दे जरिये जिसियो मैं इक्क बसुआसी भाऊ समझदा ऐ, कने मैं तुहां जो हौंसला दैणे तांई कने समझाणे तांई एह़ चिठ्ठी बड़े थोड़े सब्दां च लिखा दा ऐ, कने एह़ गवाही दिंदा ऐ कि परमात्मे दा सच्चा अनुग्रह ऐई ऐ, इसी च मजबूत बणी रेह्आ।

1 पतरस 5:12 Iomraidhean Croise

यूहन्ना 21:21

तिसियो दिक्खी नैं पतरसैं यीशुये नैं ग्लाया, “हे प्रभु तिसदा क्या हाल हुंगा?”

प्रेरितां दे कम्म 11:23

सैह़ तित्थु पुज्जी करी, कने परमात्मे दे अनुग्रह जो दिक्खी करी खुस होएया, कने सबना जो सिक्षा दिंदा कि तन मन लगाई करी प्रभुये नैं लिपटी रेह्आ।

प्रेरितां दे कम्म 15:22

ताह़लू यरूशलेम सैहरे दी सारी कलीसिया सौगी प्रेरितां कने स्याणेयां जो खरा लग्गा, कि अपणे माणुआं च कुच्छ माणु चुणन, क्जोकि यहूदा जिसियो बरसब्बा भी ग्लांदे हन, कने सीलासे जो जेह्ड़ा बसुआसी भाऊआं च बड़े भरी इज्जतदार अगुऐ थे; कने तिन्हां जो पौलुसे कने बरनबासे सौगी अन्ताकिया सैहरे दिया कलीसिया जो घल्लन।

प्रेरितां दे कम्म 20:24

अपर मैं अपणेयां प्राणा जो कुच्छ नीं समझदा कि तिन्हां जो प्यारा जाणे, अपर एह़ कि मैं अपणिया दौड़ा जो कने सेवा जो पूरिया करैं, जेह्ड़ी मैं परमात्मे दे अनुग्रह दे सुसमाचार पर गवाही दैणे तांई प्रभु यीशु मसीह ते पाई ऐ।

रोमियो 5:2

क्जोकि अहां दे बसुआसे दिया बज़ाह ते तिस अनुग्रह तिकर जिस च अहां बणेयो हन, अहां दी पौंच भी होई ऐ, कने परमात्मे दी महिमा दिया आसा च खुसी मनाई ऐ।

1 कुरिन्थियों 15:1

हे मेरे प्यारे साथी बसुआसियो, हुण मैं तुहां जो सैई सुसमाचार याद दुआंदा ऐ जेह्ड़ा तुहां जो पैहल्लैं सणाई दित्या ऐ, जिस पर तुहां बसुआस भी कित्ता, कने जिस च तुहां मजबूत हन,

2 कुरिन्थियों 1:19

क्जोकि परमात्मे दा पुत्तर यीशु मसीह जिसदा अहां दे जरिये मतलब मेरे कने सिलवानुस कने तीमुथियुसे दे जरिये तुहां बिच्च भी प्रचार होएया, तिस च “हाँ” कने “ना” दोयो नीं थे, अपर तिस च “हाँ” दी “हाँ” होई ऐ।

2 कुरिन्थियों 1:24

इसदा मतलब एह़ नीं कि अहां तुहां दे बसुआसे पर हक्क जतान, क्जोकि तुहां अपणे बसुआसे च मजबूत रैंह्दे हन। अपर अहां तां तुहां दिया खुसिया च साझी हन।

इफिसियों 3:3

जिंआं मैं पैहल्ले ई थोड़े सब्दां च लिखी चुकेया, कि परमात्मे अप्पु ई सैह़ गुप्त योजनां मिन्जो पर प्रगट कित्तियां हन।

इफिसियों 6:21

प्रभु दिया संगतिया च प्यारा भाऊ कने बसुआसे जोग्गा सेवक तुखिकुस तुहां लोकां जो एह़ सब कुच्छ दस्सी दिंगा, तांजे तुहां भी जाणी लैन कि मैं कदेया ऐ कने क्या करा दा ऐ।

कुलुस्सियों 1:7

तिसदी सिक्षा तुहां अहां दे प्यारे साथी इपफ्रासे ते सिखियो ऐ, जेह्ड़ा अहां सौगी मसीह च बसुआसे जोग्गा सेवक ऐ।

कुलुस्सियों 4:7

प्यारा बसुआसी भाऊ कने बसुआसे जोग्गा सेवक तुखिकुस, जेह्ड़ा प्रभु च मेरे सौगी कम्म करणे आल़ा ऐ, मेरी सारियां गल्लां तुहां जो दस्सी दिंगा।

कुलुस्सियों 4:9

तिस सौगी मैं उनेसिमुसे जो भी घल्लेया ऐ; जेह्ड़ा बसुआसे जोग्गा कने प्यारा बसुआसी भाऊ कने तुहां दे ग्रांऐ ते ऐ। एह़ तुहां जो ऐत्थु दियां सारियां गल्लां दस्सी दिंगे।

1 थिस्सलुनीकियों 1:1

मैं पौलुस कने सिलवानुस कने तीमुथियुस अहां थिस्सलुनीकियों दी कलीसिया जो एह़ चिठ्ठी लिखदे हन, जेह्ड़े पिता परमात्मे कने यीशु मसीह च हन: मैं प्रार्थना करदा ऐ, कि तुहां जो अनुग्रह कने सांति मिलदी रैंह्।

2 थिस्सलुनीकियों 1:1

मैं पौलुस, सिलवानुस कने तीमुथियुस अहां थिस्सलुनीकियों दी कलीसिया जो एह़ चिठ्ठी लिखदे हन, जेह्ड़े पिता परमात्मे कने यीशु मसीह च हन।

इब्रानियों 13:22

हे प्यारे साथी बसुआसियो, मैं तुहां नैं विणती करदा ऐ, कि इसा चिठ्ठिया दियां गल्लां सबरे नैं सुणी लेआ, जेह्ड़ियां मैं तुहां जो हिम्मत दैन तांई लिखियां हन। मैं तुहां जो इसा चिठ्ठिया च बड़ियां जादा गल्लां नीं लिखियां हन।

1 पतरस 1:13

इसतांई अपणे-अपणे मनां जो त्यार करा, ठीक तिंआं ई जिंआं लोक कम्म करणे तांई अपणे लक्के जो बैल्टा नैं कसदे हन, कने तिस उद्धारे दी आस करदे रेह्आ, जेह्ड़ा अनुग्रह दे जरिये तुहां जो दित्ता जांगा, जाह़लू यीशु मसीह इस संसारे च बापस ओंगा।

1 पतरस 4:10

परमात्मे दे पास्से ते हर माणुये जो इक्क वरदान मिल्लेया ऐ, कने तिन्हां जो एह़ वरदान परमात्मे दे खरे दासे साइआं इक्की दूये दी सेवा च इस्तेमाल करणा चाइदा।

2 पतरस 1:12

हलांकि तुहां पैहल्ले ते ई इन्हां गल्लां जो जाणदे हन, कने जेह्ड़ा सच्चाईया दा वचन मसीह दे बारे च तुहां जो मिल्लेया ऐ तिस च मजबूत बणी रैंह्दे हन, तमी मैं तुहां जो इन्हां गल्लां दी लगातार याद करांदा रैंह्गा।

2 पतरस 2:15

तिन्हां खरे कम्म करणा छड्डी दित्यो हन, कने तिन्हां बिओरे दे जागते बिलामे साइआं बुरे कम्म करणा सुरू करी दित्ते, क्जोकि तिसियो बुरे कम्म करी नैं धन-दौलत कम्माणा बड़ी खरी लगदी थी।

3 यूहन्ना 1:12

दिमेत्रियुसे दे बारे च सारेयां, अपर सच्चाईया भी अप्पु ई गवाही दित्ती। कने अहां भी गवाही दिंदे हन, कने तू जाणदा ऐ कि अहां दी गवाही सच्ची ऐ।

यहूदा 1:3

हे मेरे प्यारे साथी बसुआसियो, हलांकि मैं परमात्मे दे उद्धारे दे बारे च बड़ी मेहनत करी नैं तुहां जो लिखा दा था, जिस च अहां सारे साझी हन, मैं तुहां जो एह़ लिखणे तांई मजबूर होएया, कि तुहां जो सच्चाईया दी लड़ाई लड़णे तांई हौंसला देई सकैं। परमात्मैं अपणे लोकां जो एह़ सच्चाई इक्क ई बरी देई दित्तियो, जेह्ड़ी कदी नीं बदलदी।