1 पतरस 5:10 - काँगड़ी

¹⁰ अपर हुण परमात्मा जेह्ड़ा सारे अनुग्रह दा दाता ऐ, जिन्हीं तुहां जो यीशु मसीह च अपणी सदा दी महिमा तांई सद्देया, तुहां दे थोड़े बग्ते तिकर दुख झेलणे ते बाद परमात्मा अप्पु ई तुहां जो सिद्ध कने मजबूत कने ताकतवर बणांगा।

1 पतरस 5:10 Iomraidhean Croise

लूका 22:32

अपर मैं तिज्जो तांई परमात्मे नैं विणती कित्ती, कि तेरा बसुआस मिन्जो ते चली नीं जां; कने जाह़लू तू मने बदलें तां अपणे भाऊआं जो भी मिन्जो पर बसुआस करणे तांई मजबूत कर।”

रोमियो 15:13

मैं प्रार्थना करदा ऐ, कि परमात्मा जेह्ड़ा आसा दा दाता ऐ, तुहां जो बसुआस करणे च हर तरीके नैं खुसी कने सांतिया नैं भरैं, कि पवित्र आत्मा दिया सामर्थी ते तुहां दी उम्मीद बधदी जां।

रोमियो 15:5

मैं एह़ प्रार्थना करदा ऐ, कि परमात्मा तुहां जो सबर कने हौंसले दा वरदान दैं, तांजे यीशु मसीह दे जरिये अप्पु च मिल्ली जुली नैं रेह्आ।

रोमियो 16:25

हुण तुहां जो मेरा सुसमाचार जेह्ड़ा यीशु मसीह दे बारे च ऐ, तुहां जो प्रचार करी नैं बसुआसे च मजबूत करी सकदा ऐ। क्जोकि एह़ सुसमाचार सदियां ते छुपाई करी रखेया था।

रोमियो 9:11

कने अह्ल्ली तिकर तिन्हां दे दून्नी जागतां दा जन्म भी नीं होएया था, कने तिन्हां तिस बग्त तिकर कोई बुरा या खरा कम्म नीं कित्या था, जाह़लू रिबका नैं एह़ ग्लाया गेआ, “कि जेठा जागत लोक्के जागते दा दास बणगा।” एह़ इसतांई होएया कि परमात्मे दा मकसद तिन्हां दे चुणी लैणे दे मताबक बणी रेह्आ। जेह्ड़ा माणुआं दे कम्मां दिया बज़ाह ते नीं, अपर सदणे आल़े दे फैसले दिया बज़ाह ते ऐ।

रोमियो 9:24

मतलब दया दे भांडे अहां लोक हन, जिन्हां जो तिन्हीं ना सिर्फ यहूदियां ते, अपर होरनी जातिआं ते भी चुणेया।

1 कुरिन्थियों 1:10

हे प्यारे साथी बसुआसियो, मैं तुहां नैं अहां दे प्रभु यीशु मसीह दे नांऐ नैं विणती करदा ऐ कि तुहां सारे इक्की दूये नैं सेहमत होआ, तांजे तुहां च बैर नीं पोयैं, अपर अपणे मकसदां कने इरादेयां च इक्क मन होई नैं मिल्ली करी रेह्आ।

1 कुरिन्थियों 1:9

परमात्मा एह़ करगा, क्जोकि जेह्ड़ा सैह़ ग्लांदा ऐ, तिसियो करणे च ईमानदार ऐ, कने तिन्हीं तुहां जो अपणे पुत्तर अहां दे प्रभु यीशु मसीह दिया संगतिया च सद्देया ऐ।

2 कुरिन्थियों 13:11

कने हे प्यारे साथी बसुआसियो, मैं इन्हां सब्दां सौगी चिठ्ठी बंद करदा ऐ। खुस रेह्आ, सिद्ध बणदे जा, इक्की दूये जो हौंसला दिंदे रेह्आ, इक्क मन रेह्आ, मिल्ली जुली नैं रेह्आ। ताह़लू प्यार कने सांति दा परमात्मा तुहां सौगी रैंह्गा।

2 कुरिन्थियों 4:17

अहां दा अज्जे दा दुख छोटा कने जादा बग्ते तिकर रैहणे आल़ा नीं ऐ। क्जोकि तिसदा नतीजा सदा दी महिमा ऐ, कने सैह़ तिन्हां सारियां गल्लां ते जेह्ड़ियां अहां सोची सकदे हन, बड़ियां म्हान हन।

फिलिप्पियों 4:13

मसीह दे जरिये जेह्ड़ा मिन्जो सामर्थ दिंदा ऐ तिस च मैं सारा कुच्छ करी सकदा ऐ।

कुलुस्सियों 2:7

कने तिस च जड़ पकड़दे कने बधदे भी जा। कने जिंआं तुहां सखाऐयो हन, तिंआं ई बसुआसे च मजबूत हुंदे जा, कने जादा ते जादा परमात्मे दा धन्यावाद करदे रेह्आ।

1 थिस्सलुनीकियों 2:12

कि तुहां दे चाल-चलण ते परमात्मे जो आदर मिल्लैं, जेह्ड़ा तुहां जो अपणे राज्जे च कने महिमा च सददा ऐ।

2 थिस्सलुनीकियों 2:14

जिस तांई तिन्हीं तुहां जो अहां दे सुसमाचारे दे जरिये सद्देया, कि तुहां अहां दे प्रभु यीशु मसीह दी महिमा जो हासल करी लैन।

2 थिस्सलुनीकियों 2:17

मैं प्रार्थना करदा ऐ, कि परमात्मा तुहां दे मनां जो हौंसले नैं भरैं, कने हमेसा तुहां जो खरा ग्लाणे च कने खरे कम्मां च मजबूत करैं।

2 थिस्सलुनीकियों 3:3

अपर तुहां प्रभु पर पूरा बसुआस करी सकदे हन; सैह़ तुहां जो आत्मिक रीतिया नैं मजबूत करगा कने तिस सैताने ते बचाई नैं रखगा।

1 तीमुथियुस 6:12

जिंआं इक्क खरा सपाई लड़ाईया च लड़ाई करणा कदी नीं छड्डदा, तिंआं ई तिज्जो भी परमात्मे पर बसुआस करणा कने तिसदे पचांह़ चलणा कदी नीं छड्डणा चाइदा। तांजे तू अपणे इनामे दे रूपे च सदा दी ज़िन्दगिया जो पाई सकैं, जिस तांई तू सद्देया गेआ, जाह़लू तैं मते लोकां सामणै साफ-साफ ग्लाया था, कि तू मसीह पर बसुआस करदा ऐ।

2 तीमुथियुस 1:9

जिन्हीं अहां दा उद्धार कित्ता कने पवित्र ज़िन्दगी जीणे तांई अहां जो सद्देया। अहां दे खरेया कम्मां दिया बज़ाह ते तिन्हीं अहां जो नीं सद्देया, अपर अपणे मकसदे कने तिस अनुग्रह मताबक सद्देया ऐ, जिसदी योजना परमात्मे पैहल्ले ते ई यीशु मसीह जो इस संसारे च घल्लणे दे जरिये बणाईयो थी,

2 तीमुथियुस 2:10

ऐई बज़ाह ऐ, कि मैं तिन्हां लोकां दे फायदे तांई दुख झेला दा ऐ जिन्हां जो परमात्मे चुणेया ऐ, तांजे सैह़ भी प्रभु यीशु मसीह पर बसुआस करन, कने उद्धार कने तिसा महिमा जो हासल करन जेह्ड़ी सदा तांई ऐ।

इब्रानियों 9:15

कने इसा बज़ाह ते मसीह नौये वादे दा बचौला ऐ, तांजे जेह्ड़े लोक सद्देयो हन, सैह़ वादे दिया जायदाता दे हक्कदार बणी जान। हुण मसीह तिन्हां लोकां जो बचाणे तांई मरेया ऐ, जिन्हां पाप कित्या था, कने पराणे वादे जो तोड़ी दित्ता।

1 पतरस 1:15

अपर परमात्मा जिन्हीं तुहां जो सद्देया ऐ, सैह़ पवित्र ऐ, तिंआं ई तुहां भी तिन्हां सारियां गल्लां च जेह्ड़ियां तुहां करदे हन, पवित्र बणा।

1 पतरस 4:10

परमात्मे दे पास्से ते हर माणुये जो इक्क वरदान मिल्लेया ऐ, कने तिन्हां जो एह़ वरदान परमात्मे दे खरे दासे साइआं इक्की दूये दी सेवा च इस्तेमाल करणा चाइदा।

1 पतरस 4:11

जे तुहां अल्ल प्रचार करणे दा वरदान ऐ, तां तुहां जो परमात्मे दे वचने दा प्रचार करणा चाइदा; जे तुहां अल्ल दूयेयां लोकां दी सेवा करणे दा वरदान ऐ, तां तिसा ताकता नैं करा जेह्ड़ी परमात्मा तुहां जो दिंदा ऐ। तां हर कुच्छ जेह्ड़ा तुहां करदे हन, तिसते यीशु मसीह दे जरिये परमात्मे दी महिमा हुंगी। सारी महिमा कने सामर्थ जुगा-जुग तिकर तिसदी ऐ। आमीन।

2 पतरस 1:3

क्जोकि परमात्मे अपणिया सामर्थी दे जरिये अहां जो सैह़ सब कुच्छ दित्या ऐ, जिसदे जरिये अहां ऐदई ज़िन्दगी जी सकन जेह्ड़ी परमात्मे जो खुस करदी ऐ। एह़ होई सकदा ऐ, क्जोकि अहां परमात्मे जो जाणदे हन, कने सैई ऐ जिन्हीं अपणिया महिमा कने भलाईया दे जरिये अहां जो अपणे लोक होणे तांई सद्देया ऐ।

1 यूहन्ना 2:25

कने जिसदा परमात्मैं अहां नैं वादा कित्या सैई सदा दी ज़िन्दगी ऐ।

यहूदा 1:24

कने हुण परमात्मा तिस धोखे ते बचाई सकदा ऐ, जेह्ड़ा तुहां जो पापी ज़िन्दगिया ते मिलदा ऐ। सैह़ तुहां जो जेह्ड़ा महिमा नैं भरोया ऐ खुसिया नैं कने बेकसूर करी नैं अप्पु सामणै खरेड़ी सकदा ऐ,