1 पतरस 5:1 - काँगड़ी

¹ मैं कुच्छ होर भी तुहां स्याणेयां जो ग्लाणा चांह़दा ऐ, क्जोकि मैं भी तुहां साइआं इक्क स्याणा ऐ मसीह दे दुखां जो जेह्ड़े तिन्हीं बड़ी पैहल्ले झेलेयो थे, तिन्हां जो मैं अप्पु ई दिख्या ऐ, कने मैं भी तिसदिया तिसा महिमा च साझीदार होई नैं इक्क स्याणे साइआं तिन्हां जो समझांगा, जाह़लू सैह़ इस संसारे च बापस ओंगा।

1 पतरस 5:1 Iomraidhean Croise

लूका 24:48

तुहां इन्हां सारियां गल्लां दे गवाह हन।

प्रेरितां दे कम्म 1:22

इसतांई एह़ जरूरी ऐ कि इक्क देहया माणु चुणेयां जां, जेह्ड़ा यीशु मसीह दे कम्मां दे सारे बग्तां दा कने मरेयां ते दुवारी जिन्दे होणे दा गवाह ऐ।”

प्रेरितां दे कम्म 1:8

अपर पवित्र आत्मा तुहां पर ओंगा ताह़लू तुहां सामर्थ पांगे; कने तुहां यरूशलेम सैहर कने सामरिया प्रदेसे कने सारे यहूदिया प्रदेस च, कने पूरे संसारे च मेरे गवाह हुंगे।”

प्रेरितां दे कम्म 11:30

तिन्हां इआं ई कित्ता; कने बरनबास कने शाऊल दे हत्थ स्याणेयां अल्ल कुच्छ पैसे घल्ली दित्ते।

प्रेरितां दे कम्म 14:23

कने तिन्हां हर इक्की कलीसिया च तिन्हां तांई स्याणे ठैहराये, कने ब्रते सौगी प्रार्थना करी नैं तिन्हां जो प्रभु दे हुआले करी दित्ता, जिस पर तिन्हां बसुआस कित्या था।

प्रेरितां दे कम्म 15:4

जाह़लू सैह़ यरूशलेम सैहरे च पुज्जे, तां कलीसिया कने प्रेरित कने स्याणे तिन्हां नैं बड़िया खुसिया सौगी मिल्ले, कने पौलुस कने बरनबासें दस्सेया कि परमात्मैं तिन्हां सौगी होई करी कदेय-कदेय कम्म कित्यो हन।

प्रेरितां दे कम्म 15:6

ताह़लू प्रेरित कने स्याणे इन्हां गल्लां दे बारे च सलाह करणे तांई किठ्ठे होये।

प्रेरितां दे कम्म 2:32

इसी यीशुये जो परमात्मैं जिन्दा कित्ता, जिसदे अहां सारे गवाह हन।

प्रेरितां दे कम्म 20:17

जाह़लू अहां मीलेतुसे ते इफिसुस सैहरे पुज्जे, तां पौलुसैं इफिसुस सैहरे दे अगुआं जो इक्क संदेसा घल्लेया, कने कलीसिया देयां स्याणेयां जो सद्दी घल्लेया।

प्रेरितां दे कम्म 20:28

इसतांई अपणी कने अपणे पूरे झुंडे दी चौकसी रखा जिस च पवित्र आत्मा तुहां जो अधिकारी बणाया ऐ, कि तुहां परमात्मे दिया कलीसिया दी रखवाल़ी करन, जिसियो तिन्हीं अपणे खूने नैं खरीदी लेआ ऐ।

प्रेरितां दे कम्म 21:18

दूये दिने पौलुस अहां जो याकूबे अल्ल लेई गेआ, जित्थु सारे स्याणे किठ्ठे थे।

प्रेरितां दे कम्म 3:15

कने तुहां सदा दी ज़िन्दगिया दा रस्ता दस्सणे आल़े जो तुहां मारी दित्ता, जिसियो परमात्मैं मरेयां ते जिन्दा कित्ता; कने इसा गल्ला दे अहां गवाह हन।

2 कुरिन्थियों 5:1

अहां दे सरीर इसा धरतिया पर अहां दे घरां साइआं हन, जिन्हां च अहां रैंह्दे हन। जाह़लू अहां मरन तां परमात्मे दी तरफा ते सुअर्गे पर इक्क देहया घर मिलगा जेह्ड़ा हत्थां नैं बणेया घर नीं, अपर सदा काल तिकर बणी रैंह्दा ऐ।

2 कुरिन्थियों 5:8

इसतांई अहां भरोसा रखदे हन, कने मरने दे बाद अहां प्रभु सौगी रैहणा होर भी खरा समझदे हन।

फिलिप्पियों 1:19

क्जोकि मैं जाणदा ऐ, कि तुहां दिया प्रार्थना दे जरिये, कने यीशु मसीह दे पास्से ते घल्लेया पवित्र आत्मा दिया मदता दे जरिये, इसदा प्रतिफल़ मिन्जो तांई खरा होणा ऐ।

1 तीमुथियुस 5:1

कुसी भी बुढे माणुये जो मत झिड़क, अपर तिसियो अपणे बुढ़े साइआं समझी करी प्यारे नैं समझाई दे, कने जुआनां जो अपणे भाऊये साइआं समझी करी;

1 तीमुथियुस 5:19

कलीसिया दे कुसी भी स्याणे दे खलाफ दूँ या त्रीं गवाहां दे बगैर कुसी भी अपराधे जो मत मन्ना।

2 तीमुथियुस 4:8

प्रभु मिन्जो इक्क मुकट दिंगा, जेह्ड़ा धार्मिकता दा मुकट ऐ। सैह़ सच्चा न्याय करणे आल़ा अपणे बापस ओणे आल़े दिन च मिन्जो तिस इनामे जो दिंगा। सैह़ मिन्जो नीं अपर तिन्हां सबना जो भी जेह्ड़े तिसदे बापस ओणे दे इन्तजारे च हन।

तीतुस 1:5

मैं इसतांई तिज्जो क्रेते टापूये च छड्डी करी आया था तांजे तू तित्थु अहां दे कम्मां जो पूरा करी सकैं, कने क्रेते टापू दे हर सैहरे च खास अगुऐ चुणैं जिंआं मैं तिज्जो करणे दा हुक्म दित्या ऐ।

फिलेमोन 1:9

भिरी भी मिन्जो स्याणे पौलुसे जो जेह्ड़ा हुण यीशु मसीह दी सेवा करणे दिया बज़ाह ते जेला च कैद ऐ, एह़ होर भी खरा लग्गा कि प्यारे नैं विणती करैं।

इब्रानियों 12:1

अहां दे चौंन्नी पास्से मते सारे लोकां दियां ज़िन्दगिया दे ऐदेय उदारण हन, जेह्ड़े अहां जो दस्सदे हन कि बसुआस क्या ऐ। इसतांई ओआ, हर इक्क रोकणे आल़ी चीज्ज कने उलझाणे आल़े पापे जो दूर करी नैं, सैह़ दौड़ जिस च अहां जो दौड़णा ऐ अहां सबर रखी नैं दौड़न।

1 पतरस 1:12

अपर परमात्मे तिन्हां भविष्यवक्तां जो एह़ ग्लाया, कि तिन्हां दियां गल्लां तिन्हां तांई नीं, अपर तुहां तांई हन, सैह़ सुसमाचार यीशु मसीह दे बारे च ऐ जेह्ड़ा तुहां हुण सुणेया ऐ। परमात्मे तुहां जो सुसमाचार सणाणे तांई सुअर्गे ते पवित्र आत्मा घल्ली नैं लोकां दी मदत कित्ती, कने एह़ बड़ी अनोखी गल्ल ऐ कि सुअर्गदूत भी बड़े चाये नैं इन्हां चीज्जां जो हुंदे दिक्खा दे हन।

1 पतरस 1:7

इन्हां दुखां दा मकसद एह़ दस्सणा ऐ कि तुहां सच्च बिच्च परमात्मे पर भरोसा रखदे हन कि नीं, तुहां दा यीशु मसीह पर बसुआस सोन्ने ते भी बड़ा जादा कीमती ऐ, ठीक तिंआं ई जिंआं इक्क नास होणे आल़ा सोन्ना अग्गी च परखेया जांदा ऐ, तांजे तुहां दा बसुआस भी इन्हां दुखां दे बावजूद मजबूत रैंह्, तां यीशु मसीह दे बापस ओणे आल़े दिने च एह़ तुहां तांई तारीफ, महिमा कने आदरे दी बज़ाह हुंगा।

1 पतरस 4:13

अपर तुहां इस च खुस रेह्आ, कि तुहां यीशु मसीह दे दुखां च साझीदार होएयो हन, तांजे जाह़लू तिसदी महिमा प्रगट होयैं, तां तुहां खुसिया नैं भरोई जान।

1 पतरस 5:4

कने जाह़लू अहां दा प्रधान गुआल़ा यीशु मसीह बापस ओंगा, तां तुहां जो महिमा दा मुकट दित्ता जांगा जेह्ड़ा कदी अपणी चमक नीं गुआंगा।

1 यूहन्ना 3:2

हे मेरे प्यारे साथी बसुआसियो, हुण अहां परमात्मे दी औलाद हन, कने अह्ल्ली तिकर एह़ प्रगट नीं होएया कि अहां क्या कुच्छ हुंगे। बस इतणा जाणदे हन, कि जाह़लू यीशु मसीह प्रगट हुंगा तां तिस साइआं हुंगे, क्जोकि तिसियो तिंआं ई दिक्खगे जिंआं सैह़ ऐ।

2 यूहन्ना 1:1

मैं यूहन्ना जेह्ड़ा कलीसिया दा अगुआ ऐ, मैं एह़ चिठ्ठी तिसा जणासा दे कने तिसादे बच्चेयां दे नांऐ पर लिखा दा ऐ, जिसा जो परमात्मे चुणेया ऐ। मैं सच्च-बिच्च तुहां सारेयां नैं प्यार रखदा ऐ कने सिर्फ मैंई नीं; अपर सैह़ सारे भी जेह्ड़े सच्चाईया जो जाणदे हन, तुहां नैं प्यार रखदे हन।

3 यूहन्ना 1:1

मैं यूहन्ना जेह्ड़ा कलीसिया दा अगुआ ऐ, मैं एह़ चिठ्ठी गयुसे दे नांऐ पर लिखा दा ऐ, जिस नैं मैं सच्ची च प्यार रखदा ऐ।

प्रकाशितवाक्य 1:9

मैं यूहन्ना, जेह्ड़ा तुहां दा बसुआसी भाऊ कने यीशुये दे दुख, राज्ज, कने सबरे च तुहां दा साझी ऐ, परमात्मे दे वचन, कने यीशुये दिया गवाही दिया बज़ाह ते मैं पतमुस नांऐ दे टापू च था।