1 पतरस 4:8 - काँगड़ी

⁸ साबना ते बड्डी गल्ल एह़ ऐ कि इक्की दूये नैं प्यार रखा, क्जोकि जे तुहां इक्की दूये नैं प्यार करदे हन तां तुहां हमेसा तिन्हां देयां अपराधां जो माफ करणे तांई त्यार रैंह्दे हन, जेह्ड़ियां तिन्हां कित्तियां हन।

1 पतरस 4:8 Iomraidhean Croise

1 कुरिन्थियों 13:1

जे मैं माणुआं कने सुअर्गदूतां दियां भासां च गल्लां करैं, कने दूयेयां नैं प्यार नीं रखैं, तां मेरा ग्लाणा ठणठणादे पीतल कने झन्झणादी झांझरा साइआं हुंगा।

1 कुरिन्थियों 13:4

प्यार सबर रखणे आल़ा ऐ कने दया करणे आल़ा ऐ; प्यार जल़ण नीं करदा; प्यार अपणी बड़ेयाई नीं करदा, कने घमंड नीं करदा,

कुलुस्सियों 3:14

अपर सबना ते बड्डी गल्ल एह़ ऐ, कि इक्की दूये नैं प्यार भाव बणाई रखा। इआं करणे नैं तुहां इक्क जुट होई जांगे।

1 थिस्सलुनीकियों 3:12

कने प्रभु इआं करैं कि जिंआं अहां तुहां नैं प्यार रखदे हन, तिंआं ई तुहां दा प्यार भी अप्पु च कने सारे माणुआं सौगी बधदा जां, कने तरक्की करदा जां,

2 थिस्सलुनीकियों 1:3

हे प्यारे साथी बसुआसियो, तुहां दे बारे च अहां जो हमेसा परमात्मे दा धन्यावाद करणा चाइदा, कने एह़ ठीक भी ऐ, इसतांई कि तुहां दा बसुआस यीशु मसीह च बड़ा जादा बधी गेआ ऐ, कने तुहां सारेयां दा प्यार अप्पु च बड़ा ई बधदा जा दा ऐ।

1 तीमुथियुस 1:5

इस हुक्मे दा मकसद एह़ ऐ कि तुहां साफ मन, साफ अन्तर आत्मा कने सच्चे बसुआसे सौगी इक्की दूये नैं प्यार करा।

इब्रानियों 13:1

अप्पु च बैह्णी-भाऊआं साइआं प्यार रखा।

याकूब 5:12

अपर हे प्यारे साथी बसुआसियो, सारेयां ते बड्डी गल्ल एह़ ऐ कि कसम मत खांदे, ना सुअर्गे दी, ना धरतिया दी, ना कुसा होर चीज्जा दी, अपर तुहां दी गल्लबात हाँ दी हाँ कने ना दी ना होयैं, कि तुहां पर परमात्मे दी सज़ा नीं औयें।

याकूब 5:20

तां सैह़ एह़ जाणी लैं कि जेह्ड़ा कोई कुसी भटकेयो पापी जो सच्चाईया दे रस्ते ते बापस लेई ओंगा, तां सैह़ इक्क आत्मा जो नरके दिया मौत्ती ते बचांदा ऐ, कने परमात्मा तिसदे मते पापां जो माफ करदा ऐ।

1 पतरस 1:22

क्जोकि तुहां सच्चाईया जो मन्नणे दे जरिये पवित्र कित्ते गै, तां हुण तुहां जो अपणे बसुआसी भाऊआं सौगी प्यार करणा चाइदा, इक्की दूये नैं लगातार मन लाई नैं कने बड़ी इमानदारिया नैं प्यार करदे रेह्आ।

3 यूहन्ना 1:2

हे मेरे प्यारे बसुआसी भाऊ, मैं एह़ प्रार्थना करदा ऐ, कि जिंआं तू आत्मिक तरक्की करदा ऐ। तिंआं ई तू सारियां गल्लां च तरक्की करैं, कने भला चंगा रैंह्।