1 पतरस 4:7 - काँगड़ी

⁷ सारियां गल्लां दा अन्त तौल़ी होणे आल़ा ऐ; इसतांई अपणे आप्पे पर काबू करी नैं कने सच्चाई नैं प्रार्थना च लग्गी रेह्आ।

1 पतरस 4:7 Iomraidhean Croise

मत्ती 24:42

इसतांई जागदे रेह्आ, क्जोकि तुहां नीं जाणदे कि तुहां दा प्रभु कुस दिन ओंगा

मत्ती 25:13

इसतांई जागदे रेह्आ, क्जोकि तुहां मेरे बापस ओणे दे दिने दे तिस बग्ते जो नीं जाणदे।

लूका 21:34

“इस बज़ाह ते चौकन्ने रेह्आ, कुत्थी इआं नीं होयैं कि तुहां दे मने च खुमार, कने मतवाल़ापन, कने इसा ज़िन्दगिया दी फिकर करी नैं सुस्त होई जान, कने सैह़ दिन तुहां पर गल़फाये साइआं चाणचक आई पोयैं।

लूका 21:36

इसतांई जागदे रेह्आ कने हर बग्त प्रार्थना करदे रेह्आ कि तुहां इन्हां सब ओणे आल़िआं मुसीबता ते बची करी रैह़न कने माणुये सामणै खड़ोणे जोग्गा तां बणा।”

लूका 22:46

कने यीशुयैं तिन्हां नैं ग्लाया, “क्जो सुतेयो हन? उठा, प्रार्थना करा कि परीक्षा च ना पोन।”

रोमियो 12:12

जेह्ड़ी आसा अहां अल्ल ऐ तिसा आसा दिया बज़ाह ते खुस रेह्आ; मुसीबता च सबर रखा; कने हर बग्त प्रार्थना करदे रेह्आ।

1 कुरिन्थियों 15:24

इसते बाद इस संसारे दा अन्त होई जांगा। तिस बग्त सैह़ सारी हकुमत, सारा अधिकार, कने सामर्थी दा अन्त करी नैं राज्जे जो परमात्मा पिता दे हत्थे च देई दिंगा।

1 कुरिन्थियों 7:29

हे मेरे प्यारे साथी बसुआसियो, मैं एह़ ग्लांदा ऐ, कि अहां अल्ल इस संसारे च जादा बग्त नीं बचेया ऐ, इसतांई इसा गल्ला दे बारे जादा फिकर मत करा कि तुहां दी लाड़ी ऐ कि नीं, अपर यीशु मसीह दी सेवा करणे दे बारे च सोचदे रेह्आ।

इफिसियों 6:18

कने हर बग्त जिंआं पवित्र आत्मा दस्सदा ऐ, अहां जो प्रार्थना कने विणती करदे रेह्आ, कने इसतांई जागदे रेह्आ कि सारे परमात्मे दे लोकां तांई लगातार विणती करदे रेह्आ करा,

फिलिप्पियों 4:5

सारे माणु तुहां दे नरम सभावे जो जाणी लैन। प्रभु दा बापस औणां नेड़े ऐ।

कुलुस्सियों 4:2

प्रार्थना च लगातार लग्गी रेह्आ, जाह़लू तुहां प्रार्थना करदे, तां हमेसा चौकनै कने परमात्मे दा धन्यावाद करदे रेह्आ;

2 तीमुथियुस 4:5

अपर तू सारियां गल्लां ते चौकन्ना रैह्, कने दुख झेल, सुसमाचार सणाणे दा कम्म कर, कने अपणिया सेवा जो पूरा कर।

तीतुस 2:12

इस अनुग्रह दे जरिये परमात्मा अहां जो चतौणी दिंदा ऐ, कि अहां तिस सभावे जो छड्डणा सीखन, जेह्ड़ा परमात्मे दी बेइज्जती करदा ऐ, कने अहां जो सारियां संसारिक चीज्जां दियां इच्छां जो भी छड्डणा चाइदा। अपर इसदिया जगाह इस बग्ते च अहां जो सबर कने पवित्र ज़िन्दगी जीणी चाइदी, जेह्ड़ी साबित करैं कि अहां परमात्मे दी इज्जत करदे हन।

इब्रानियों 10:25

कने अराधना च इक्की दूये सौगी किठ्ठे होणा मत छड्डा, जिंआं कुच्छ लोक करदे हन, अपर इक्की दूये जो हौंसला दिंदे रेह्आ। कने जिंआं-जिंआं तुहां प्रभु दे बापस ओणे दे दिन नेड़े ओंदे दिक्खन, तां तिंआं-तिंआं इक्की दूये दे हौंसले जो होर बधांदे रेह्आ।

इब्रानियों 9:26

नीं तां संसारे दी सुरूआती ते लेई नैं मसीह जो बार-बार दुख झेलणा पोंदा। अपर हुण इस जुगे दे अन्त च सैह़ इक्क ई बरी प्रगट होएया ऐ, तांजे अपणे ई बलिदाने दे जरिये पापां जो दूर करी दैं।

1 पतरस 1:13

इसतांई अपणे-अपणे मनां जो त्यार करा, ठीक तिंआं ई जिंआं लोक कम्म करणे तांई अपणे लक्के जो बैल्टा नैं कसदे हन, कने तिस उद्धारे दी आस करदे रेह्आ, जेह्ड़ा अनुग्रह दे जरिये तुहां जो दित्ता जांगा, जाह़लू यीशु मसीह इस संसारे च बापस ओंगा।

1 पतरस 3:7

तिंआं ई हे लाड़ेयो, तुहां भी समझदारिया नैं लाड़ियां सौगी ज़िन्दगी जीआ करा, कने तुहां जो एह़ गल्ल याद रखणा चाइदी कि जणासां तुहां ते कमजोर हन, इसतांई तुहां जो तिन्हां दी इज्जत करणी चाइदी। क्जोकि तुहां दोयो परमात्मे दे तिस वरदाने दे साझी हन, जेह्ड़ा सदा दी ज़िन्दगी ऐ, इआं करदे रेह्आ, तांजे जाह़लू तुहां प्रार्थना करन, ताह़लू परमात्मा तुहां दिया तिसा प्रार्थना जो सुणैं।

1 पतरस 5:8

हमेसा चौकन्ने रेह्आ, कने जागदे रेह्आ; क्जोकि तुहां दा बरोधी सैतान गरजणे आल़े शेरे साइआं इसा तोपा च रैंह्दा ऐ कि कुसियो फाड़ी खां।

प्रकाशितवाक्य 16:15

तां प्रभु यीशुयैं ग्लाया, “दिक्ख, मैं चोरे साइआं ओंदा ऐ; धन सैह़ ऐ जेह्ड़ा जागदा रैंह्दा ऐ, कने अपणे कपड़ेयां दी रखवाल़ी करदा ऐ कि नंगा नीं घूमे, कने लोक तिसदा नंगापन नीं दिक्खन।”