1 पतरस 4:4 - काँगड़ी

⁴ इसतांई तुहां दे पराणे साथी हरान हुंदे हन, जाह़लू तुहां तिन्हां सौगी बुरे कम्मां दी संगति नीं करदे, इसतांई सैह़ तुहां दे बारे च बुरा भला ग्लांदे हन।

1 पतरस 4:4 Iomraidhean Croise

मत्ती 23:25

“हे पाखंडी सास्त्री कने फरीसी माणुओ, तुहां पर हाय, तुहां तिन्हां कटोरे कने थाल़िया साइआं हन, जेह्ड़ियां बाहरे ते साफ कने अंदरे ते गंदियां हन, तिंआं ई तुहां दे मन अंदरे ते लालची कने मतलबी हन।

लूका 15:13

कुच्छ दिनां बाद लोक्का जागत सब कुच्छ किठ्ठा करी नैं दूर देसे जो चली गेआ, कने तित्थु बुरे कम्मां च अपणी पूरी धन दौलत बरबाद करी दित्ती।

प्रेरितां दे कम्म 13:45

अपर यहूदी अगुऐ अपणे यहूदी लोकां दियां भीड़ा जो दिक्खी करी गुस्से नैं भरोई गै, कने निंदा करदे-करदे पौलुसे दियां गल्लां दा बरोध च ग्लाणा लग्गे।

प्रेरितां दे कम्म 18:6

अपर जाह़लू यहूदी बरोध कने पौलुस दी निंदा करणा लग्गे, तां तिन्हीं अपणे कपड़े झाड़ी करी तिन्हां नैं ग्लाणा लग्गा, “परमात्मे दे वचने जो नकारने तांई जेह्ड़ी मौत्ती दी सज़ा तुहां जो मिलगी, तिसादे जिम्मेवार तुहां ई हन, मैं बेकसूर ऐ। अज्जे ते मैं परमात्मे दा प्रचार करणे तांई होरनी जातिआं दे लोकां अल्ल जांगा।”

रोमियो 13:13

अहां दा सभाव बग्ते दे मताबक कने दिने साइआं खरा होणा चाइदा, ना कि लीला क्रीड़ा, पियक्कड़पण च, ना ब्यभिचार च, कने ना लुचपण च, कने ना झगड़े कने ना जल़निया च।

इफिसियों 5:18

नशे च मतवाल़े होई नैं अपणे आप्पे जो नास मत करा, क्जोकि इसते लोक अपणे आप्पे ते बाहर होई जांदे हन, अपर इसदिया जगाह पवित्र आत्मा जो मौका देआ कि सैह़ तुहां जो काबू करैं,

1 पतरस 2:12

जेह्ड़े लोक परमात्मे पर बसुआस नीं करदे, सैह़ तुहां जो एह़ ग्लाई नैं बदनाम करी सकदे हन, कि तुहां गलत करा दे हन, अपर तुहां ऐदई ज़िन्दगी जीआ, जिसते सैह़ तुहां च खरियां गल्लां दिक्खन, कने जाह़लू प्रभु यीशु मसीह इस संसारे च बापस ओंगा, तां सैह़ ताह़लू परमात्मे जो महिमा दैन।

1 पतरस 3:16

कने अपणे जमीरे जो भी सुद्ध रखा, इसतांई कि जिन्हां गल्लां दे बारे च तुहां दी बदनामी हुंदी ऐ. तिन्हां दे बारे च सैह़ जेह्ड़े मसीह च तुहां दे खरे चाल-चलणे दा अपमान करदे हन, सैह़ सर्मिंदा होन।

2 पतरस 2:12

अपर एह़ झूठे सिक्षक जंगली जानवरां साइआं हन, जेह्ड़े पकड़णे तांई कने नास होणे तांई पैदा होएयो हन। जिन्हां गल्लां जो जाणदे ई नीं हन, तिन्हां दे बारे च दूयेयां जो बुरा भला ग्लांदे हन, सैह़ जरूर इन्हां जंगली जानवरां साइआं नास कित्ते जांगे।

2 पतरस 2:22

तिन्हां पर एह़ काहवत ठीक बैंहदी ऐ, कि “कुत्ता अपणिया उल्टिया दे पास्से जांदा ऐ,” कने “न्हौतियो सूअरनी चिकड़े च लमड़ूणे तांई भिरी बापस जांदी ऐ।”

यहूदा 1:10

अपर एह़ लोक जिन्हां गल्लां जो नीं समझदे, तिन्हां दे खलाफ बुरा भला ग्लांदे हन, कने जिन्हां गल्लां जो सैह़ समझदे हन, तिन्हां जो बगैर सोचे समझे जंगली जानवरां साइआं करदे हन, परमात्मा तिन्हां जो सज़ा दिंगा।