1 पतरस 4:11 - काँगड़ी

¹¹ जे तुहां अल्ल प्रचार करणे दा वरदान ऐ, तां तुहां जो परमात्मे दे वचने दा प्रचार करणा चाइदा; जे तुहां अल्ल दूयेयां लोकां दी सेवा करणे दा वरदान ऐ, तां तिसा ताकता नैं करा जेह्ड़ी परमात्मा तुहां जो दिंदा ऐ। तां हर कुच्छ जेह्ड़ा तुहां करदे हन, तिसते यीशु मसीह दे जरिये परमात्मे दी महिमा हुंगी। सारी महिमा कने सामर्थ जुगा-जुग तिकर तिसदी ऐ। आमीन।

1 पतरस 4:11 Iomraidhean Croise

मत्ती 6:13

कने अहां जो परीक्षा च मत पा, अपर दुष्ट सैताने ते बचा। (क्जोकि राज्ज, शक्ति कने महिमा सदा तेरे ई हन।’ आमीन।)

यूहन्ना 13:31

जाह़लू सैह़ बाहरेयो चली गेआ तां यीशुयैं ग्लाया, “हुण माणुये दे पुत्तरे दी महिमा होई ऐ, कने परमात्मे दी महिमा तिस च होई ऐ;

प्रेरितां दे कम्म 7:38

“एह़ सैई मूसा ऐ, जिन्हीं सुनसाण जगाह च लोकां दिया मंडल़िया बिच्च तिस परमात्मे दे सुअर्गदूते सौगी सीनै प्हाड़े पर तिस नैं गल्लां कित्तियां, कने अहां देयां पूर्वजां सौगी था, परमात्मे दे जरिये ज़िन्दगी दैणे आल़े वचन मिल्ले, कि अहां तिकर पज्जां।

रोमियो 11:36

क्जोकि सारी चीज्जां परमात्मे दे पास्से ते हन। तिन्हीं सब कुच्छ बणाया ऐ, कने तिस तांई सब कुच्छ ऐ। तिसदी महिमा जुगा-जुग हुंदी रैंह्। आमीन।

रोमियो 12:3

क्जोकि मैं तिस अनुग्रह दिया बज़ाह ते जेह्ड़ा मिन्जो मिल्लेया ऐ, तुहां च हर इक्की नैं ग्लांदा ऐ, कि जिंआं समझणा चाइदा तिसते बधी नैं कोई भी अपणे आप्पे जो नीं समझैं; अपर जिंआं परमात्मैं हर इक्की जो बसुआसे दे नतीजे दे मताबक बंडी दित्ता ऐ, तिंआं ई समझदारिया सौगी अपणे आप्पे जो समझन।

रोमियो 16:27

यीशु मसीह दे जरिये तिस इकमात्र अक्लमंद परमात्मे दी महिमा जुगा-जुग हुंदी रैंह्। आमीन।

रोमियो 3:2

हाँ, इसदी बड़ी कीमत ऐ। सबते पैहल्ले तां एह़ कि यहूदी लोकां जो मूसा कने भविष्यवक्तां दे लिख्यो सारे परमात्मे दे वचन दित्ते गै।

1 कुरिन्थियों 10:31

मेरा ग्लाणे दा मतलब एह़ ऐ, तुहां चाहे खा, चाहे पीआ, चाहे जेह्ड़ा कुच्छ करा, सब कुच्छ परमात्मे दिया महिमा तांई करा।

1 कुरिन्थियों 12:4

आत्मा दे जरिये मिल्लेयो वरदान तां लग्ग-लग्ग हन, अपर आत्मा इक्क ई ऐ।

1 कुरिन्थियों 3:10

परमात्मे दे तिस इनामे मताबक जेह्ड़ा मिन्जो दित्या ऐ, मैं अक्लमंद राजमिस्त्रिये साइआं नींई पाई, कने दूआ तिस पर रद्दा लगांदा ऐ। अपर हर इक्क माणु चौकन्ना रैंह् कि सैह़ तिस पर कदेया रद्दा लगांदा ऐ।

1 कुरिन्थियों 6:20

क्जोकि परमात्मे यीशु मसीह दे बलिदाने दे जरिये इक्क बड्डा मुल्ल देई नैं खरीदी लेआ ऐ, इसतांई अपणे सरीरे दे जरिये परमात्मे दी महिमा करा।

2 कुरिन्थियों 2:17

क्जोकि अहां तिन्हां मतेआं साइआं नीं हन, जेह्ड़े परमात्मे दे वचने जो अपणे फायदे तांई प्रचार करदे हन। अपर अहां परमात्मे दे वचने जो सच्चाईया नैं कने मसीह दे हक्के नैं प्रचार करदे हन, एह़ जाणदे होये कि परमात्मा अहां जो दिक्खा दा ऐ।

2 कुरिन्थियों 9:13

क्जोकि इसा सेवा दा सबूत मन्नी करी सैह़ परमात्मे दी महिमा जो प्रगट करदे हन, कि तुहां यीशु मसीह दे सुसमाचारे जो मन्नी नैं तिसदे अधीन रैंह्दे हन, कने जरूरतमंद बसुआसियां दी मदत करणे च दिलेरी दस्सदे रैंह्दे हन।

इफिसियों 1:19

कने तिसदी सामर्थ अहां च जेह्ड़े मसीह च बसुआस करदे हन कितणी म्हान ऐ, एह़ सैई अनोखी सामर्थ ऐ,

इफिसियों 4:29

कोई गंदी गल्ल तुहां दे मुँऐ ते ना निकल़ें, अपर जरूरता मताबक सैई निकल़ें जेह्ड़ी लोकां दी तरक्की कने बसुआसे च बधणे तांई होयैं, तांजे तिसते सुणने आल़ेआं दा भला होयैं।

इफिसियों 5:20

कने सदा सारियां गल्लां तांई अहां दे प्रभु यीशु मसीह दे नांऐ ते परमात्मे पिता दा धन्यावाद करदे रेह्आ।

इफिसियों 6:10

आखरी च प्रभु दिया सामर्थी दे जरिये आत्मिकता च मजबूत बणां।

फिलिप्पियों 1:11

यीशु मसीह दे जरिये पैदा होणे आल़े धार्मिकता दे कम्मां नैं अपणे आप्पे जो भरी लेआ, जिसते परमात्मे दी महिमा कने स्तुति हुंदी रैंह्।

फिलिप्पियों 2:11

कने पिता परमात्मे दी महिमा तांई हर इक्क माणु अपणे मुँऐ नैं एह़ मन्नी लैं कि यीशु मसीह ई प्रभु ऐ।

कुलुस्सियों 4:6

तुहां दे बोल हमेसा खरे कने मिठ्ठे होन, तांजे तुहां जो अपणे बसुआसे दे बारे च हर माणुये जो ठीक-ठीक जवाब दैणा आई जां।

1 थिस्सलुनीकियों 2:4

अपर जिंआं परमात्मैं अहां जो इस जोग्गा समझी करी सुसमाचार दित्या ऐ, इसतांई अहां माणुआं जो नीं, अपर अहां दे मना जो परखणे आल़े परमात्मे जो खुस करणे तांई सिक्षा दिंदे हन।

1 तीमुथियुस 1:17

हुण सदा काल तिकर राज्ज करणे आल़ा राजा मतलब सदा जिन्दा रैहणे आल़ा, जिसियो कोई नीं दिक्खी सकदा कने इकलौते परमात्मे दा आदर कने महिमा जुगा-जुग हुंदी रैंह्। आमीन।

1 तीमुथियुस 6:16

कने सिर्फ सैई ऐ, जेह्ड़ा हमेसा जिन्दा रैंह्दा ऐ, कने सैह़ बड़ी तेज जोत्ती च रैंह्दा ऐ, कि कोई तिसदे नेड़े नीं जाई सकदा, कने ना तिसियो कुणी माणुये दिख्या कने ना कदी दिक्खी सकदा ऐ। तिसदी महिमा कने सामर्थ हमेसा तांई रैंह्गी। आमीन।

तीतुस 2:1

अपर तीतुस तिज्जो तांई एह़ जरूरी ऐ कि तू बसुआसियां जो यीशु मसीह दे बारे च सिर्फ सैई सिक्षां दे, जेह्ड़ियां सच्चियां हन।

तीतुस 2:15

इसतांई तीतुस तू पूरे हक्के नैं क्रेते दे बसुआसियां जो इन्हां गल्लां जो ग्ला, कने समझा कने सखांदा रैह्। इआं करणे दा मेरे पास्से ते पूरा हक्क ऐ, कोई भी तिज्जो नजर अंदाज नीं करैं।

इब्रानियों 13:7

जेह्ड़े तुहां दे अगुऐ थे, कने जिन्हां तुहां जो परमात्मे दा वचन सणाया ऐ। तिन्हां जो याद रखा, कने ध्याने नैं तिन्हां दिया ज़िन्दगिया जो दिक्खा, कि किंआं तिन्हां अपणी ज़िन्दगी जी, कने सैह़ मरने तिकर परमात्मे दे बसुआसे च बफादार बणी रैह्। इसतांई अहां जो भी तिंआं ई तिस पर बसुआस करणा चाइदा जिंआं तिन्हां कित्या था।

इब्रानियों 5:12

सच्ची तां एह़ ऐ कि इस बग्ते तिकर तां तुहां जो सिक्षा दैणे आल़ा बणी जाणा चाइदा था, अपर तुहां जो हुण भी कुसी ऐदेय माणुये दी जरूरत ऐ, जेह्ड़ा तुहां जो दुवारी परमात्मे दी सिक्षा दियां गल्लां सुरू ते सखां। तुहां तां ऐदेय बणी गै हन कि तुहां जो अनाजे दे बदले अह्ल्ली तिकर दुद ई चाइदा।

याकूब 1:19

हे प्यारे साथी बसुआसियो, एह़ गल्ल तुहां जाणी लेआ; हर इक्क माणु सुणने तांई तौल़ करणे आल़ा कने ग्लाणे च सबर रखणे आल़ा कने गुस्से च देर करणे आल़ा होयैं,

याकूब 1:26

जे कोई अपणे आप्पे जो परमात्मे दा भक्त समझैं, कने अपणिया जीभा पर लगाम ना दैं, अपर अपणे मने जो धोखा दैं, तां तिसदी भक्ति बेकार ऐ।

1 पतरस 2:12

जेह्ड़े लोक परमात्मे पर बसुआस नीं करदे, सैह़ तुहां जो एह़ ग्लाई नैं बदनाम करी सकदे हन, कि तुहां गलत करा दे हन, अपर तुहां ऐदई ज़िन्दगी जीआ, जिसते सैह़ तुहां च खरियां गल्लां दिक्खन, कने जाह़लू प्रभु यीशु मसीह इस संसारे च बापस ओंगा, तां सैह़ ताह़लू परमात्मे जो महिमा दैन।

1 पतरस 2:5

तुहां भी जिन्दे पत्थरां साइआं हन, जिन्हां दा आत्मिक घर बणाणे तांई इस्तेमाल होआ दा ऐ। तुहां पवित्र याजकां दा समाज भी हन, कने प्रभु यीशु मसीह दिया मदता नैं ऐदेय बलिदान चढ़ांगे, जेह्ड़े परमात्मे जो खुस करदे हन।

1 पतरस 4:10

परमात्मे दे पास्से ते हर माणुये जो इक्क वरदान मिल्लेया ऐ, कने तिन्हां जो एह़ वरदान परमात्मे दे खरे दासे साइआं इक्की दूये दी सेवा च इस्तेमाल करणा चाइदा।

1 पतरस 4:16

अपर जे मसीह होणे दिया बज़ाह ते दुख झेलन, तां सर्मिंदा मत होएया, अपर इसा गल्ला तांई परमात्मे दी स्तुति करा।

1 पतरस 5:11

सैह़ हमेसा अपणिया सामर्थी नैं राज्ज करगा। आमीन।

यहूदा 1:25

सिर्फ सैई इक्क परमात्मा ऐ, जिन्हीं अहां जो प्रभु यीशु मसीह दे जरिये बचाया। अहां दे प्रभु यीशु मसीह दे जरिये लोक परमात्मे जो आदर दैन, कने तिसदी स्तुति करन। सैह़ इसा गल्ला जो भी समझन, कि सुरू ते ई परमात्मे अल्ल सामर्थ कने अधिकार था, कने ऐ, कने हमेसा रैंह्गा। आमीन।