1 पतरस 3:8 - काँगड़ी

⁸ आखर च मैं तुहां सबना जो एह़ ग्लाणा चांह़दा ऐ, कि तुहां सारे इक्क मन होई नैं रेह्आ, कने इक्की दूये पर दया करा, इक्की दूये नैं प्यार रखा, भलाई करा कने नम्र बणा।

1 पतरस 3:8 Iomraidhean Croise

मत्ती 18:33

इसतांई जिंआं मैं तिज्जो पर तरस खाई नैं तेरा सारा कर्ज माफ करी दित्ता, तिंआं ई तिज्जो भी अपणे संगी दासे पर तरस खाई नैं कर्ज माफ करणा चाइदा था।’

लूका 10:33

तिसते बाद भिरी सामरी जाति दा माणु तिसा जगाह ते निकल़ेया, कने तिसियो दिक्खी करी तरस आया।

प्रेरितां दे कम्म 2:1

जाह़लू यहूदियां दे पिन्तेकुस्त दा दिन आया, तां सैह़ सारे इक्की जगाह कठ्ठरोयो थे।

प्रेरितां दे कम्म 27:3

दूये दिने अहां सैदा सैहरे च पुज्जे, कने युलियुस पौलुसे पर दया करी नैं तिसियो तिसदे साथियां अल्ल जाणा दित्ता कि तिन्हां ते कुच्छ जरूरी चीज्जां लेई ओन।

प्रेरितां दे कम्म 28:7

तिसा जगाह दे अक्खे-बक्खे दी जमीन टापूये दे प्रधान पुबलियुसे दी थी। तिन्हीं अहां जो अपणे घरैं अंणी करी त्रै दिन अहां दी आदर खातर कित्ती।

प्रेरितां दे कम्म 4:32

बसुआस करणे आल़ेआं दी मंडल़ी इक्क चित कने इक्क मन दी थी, ऐत्थु तिकर कि कोई भी अपणिया जायदाता जो अपणी नीं ग्लांदा था, अपर सारा कुच्छ साझी था।

रोमियो 12:10

इक्की दूये नैं परवारे दे लोकां साइआं प्यार रखा; हर इक्क माणु दूयेयां जो अप्पु ते म्हान समझैं।

रोमियो 15:5

मैं एह़ प्रार्थना करदा ऐ, कि परमात्मा तुहां जो सबर कने हौंसले दा वरदान दैं, तांजे यीशु मसीह दे जरिये अप्पु च मिल्ली जुली नैं रेह्आ।

1 कुरिन्थियों 1:10

हे प्यारे साथी बसुआसियो, मैं तुहां नैं अहां दे प्रभु यीशु मसीह दे नांऐ नैं विणती करदा ऐ कि तुहां सारे इक्की दूये नैं सेहमत होआ, तांजे तुहां च बैर नीं पोयैं, अपर अपणे मकसदां कने इरादेयां च इक्क मन होई नैं मिल्ली करी रेह्आ।

1 कुरिन्थियों 12:26

इसतांई जे इक्क अंग दुखी होयैं, तां सरीरे दे सारे अंग तिस सौगी दुखी हुंदे हन; कने जे इक्की अंगे दी तारीफ होयैं, तां तिस सौगी सारे अंग तिसा खुसिया च साझी हुंदे हन।

इफिसियों 4:2

सारी दीनता कने नम्रता सौगी, कने सबर रखी करी प्यारे नैं इक्की दूये दे बर्ताबे जो झेली लेआ;

इफिसियों 4:31

हर किस्मा दी कड़वाहट, पागलपन, गुस्सा, झगड़ा, निंदा, कने सारी नफरत तुहां ते दूर कित्ती जां।

इफिसियों 4:32

इक्की दूये पर दया, कने दयाबान बणा, कने जिंआं परमात्मैं मसीह च तुहां दे अपराध माफ कित्ते, तिंआं ई तुहां भी इक्की दूये दे अपराध माफ करा।

फिलिप्पियों 2:3

अपणे फायदे तांई कने घमंड नैं कुच्छ भी मत करा, अपर दीनता नैं इक्की दूये जो अपणे ते जादा अच्छा समझा।

फिलिप्पियों 3:16

इसतांई अहां जो तिसा सच्चाईया दे मताबक जीणा चाइदा, जेह्ड़ी परमात्मैं पैहल्ले ते ई अहां पर प्रगट कित्तियो थी।

कुलुस्सियों 3:12

इसतांई परमात्मे तुहां जो तिसदे पवित्र लोक होणे तांई चुणेयां, कने तुहां नैं प्यार करदा ऐ, बड़ी दया, कने बड़ी भलाई, बड़ी दीनता, कने बड़ा नरम सभाव, कने अपणे आप्पे च सेहनसक्ति रखा।

इब्रानियों 13:1

अप्पु च बैह्णी-भाऊआं साइआं प्यार रखा।

याकूब 2:13

क्जोकि जिन्हीं दया नीं कित्ती, तिसदा न्याय होणे पर कोई दया नीं होणी। दया न्याय पर जयवंत होई ऐ।

याकूब 3:17

अपर जेह्ड़ा ज्ञान सुअर्गे ते मिलदा ऐ सैह़ पैहल्लैं तां पवित्र हुंदा ऐ, भिरी मिलणसार, नरम, खरा लगणे आल़ा, दया, कने खरे-खरे फल़ां नैं भरोया, बगैर भेदभाव, कने बगैर कपटा ते हुंदा ऐ।

याकूब 5:11

दिक्खा, अहां सबर रखणे आल़ेआं जो धन ग्लांदे हन। तुहां अय्यूब दे सबर दे बारे च तां सुणेया ई ऐ, कने प्रभु दे पास्से ते जेह्ड़ा तिसदा प्रतिफल़ होएया तिसियो भी जाणी लेआ ऐ, जिसते प्रभु दी बड़ी जादा करूणा कने दया प्रगट हुंदी ऐ।

1 पतरस 1:22

क्जोकि तुहां सच्चाईया जो मन्नणे दे जरिये पवित्र कित्ते गै, तां हुण तुहां जो अपणे बसुआसी भाऊआं सौगी प्यार करणा चाइदा, इक्की दूये नैं लगातार मन लाई नैं कने बड़ी इमानदारिया नैं प्यार करदे रेह्आ।

1 पतरस 2:17

साबना दी इज्जत करा, बसुआसी बैह्णी-भाऊआं नैं प्यार रखा, परमात्मे ते डरा, कने बड्डे अधिकारियां दी इज्जत करा।

1 पतरस 5:5

इसी तरीके नैं हे नौजुआनो तुहां भी स्याणे बसुआसियां दे अधीन रेह्आ, अपर तुहां सबना जो इमानदारिया नैं इक्की दूये दी सेवा करणी चाइदी, क्जोकि पवित्रशास्त्रे च एह़ लिख्या ऐ, कि “परमात्मा घमंडी लोकां दा बरोध करदा ऐ, अपर सैह़ दीन माणुआं पर अनुग्रह करदा ऐ।”

2 पतरस 1:7

कने तुहां जो सिर्फ सैदई ज़िन्दगी ई नीं जीणी चाइदी, जेह्ड़ी परमात्मे जो खुस करदी ऐ, अपर तुहां जो दूयेयां सौगी अपणे परवारे साइआं प्यार भी करणा चाइदा, कने तुहां जो सिर्फ दूयेयां सौगी प्यार नीं रखणा चाइदा, अपर तुहां जो सारे लोकां नैं भी प्यार रखणा चाइदा।

1 यूहन्ना 3:14

अहां जाणदे हन, कि अहां सदा दी मौत्ती दे बन्धनां ते छुटी करी अजाद होई नैं सदा दी ज़िन्दगिया च पुज्जे हन। क्जोकि अहां भाऊआं नैं प्यार रखदे हन, जेह्ड़ा प्यार नीं रखदा सैह़ सदा दी मौत्ती दे बन्धनां च रैंह्दा ऐ।