1 पतरस 3:7 - काँगड़ी

⁷ तिंआं ई हे लाड़ेयो, तुहां भी समझदारिया नैं लाड़ियां सौगी ज़िन्दगी जीआ करा, कने तुहां जो एह़ गल्ल याद रखणा चाइदी कि जणासां तुहां ते कमजोर हन, इसतांई तुहां जो तिन्हां दी इज्जत करणी चाइदी। क्जोकि तुहां दोयो परमात्मे दे तिस वरदाने दे साझी हन, जेह्ड़ा सदा दी ज़िन्दगी ऐ, इआं करदे रेह्आ, तांजे जाह़लू तुहां प्रार्थना करन, ताह़लू परमात्मा तुहां दिया तिसा प्रार्थना जो सुणैं।

1 पतरस 3:7 Iomraidhean Croise

मत्ती 18:19

भिरी मैं तुहां नैं ग्लांदा, जे तुहां च दो जणे धरतिया पर कुसी गल्लां तांई इक्क मन होई नैं प्रार्थना करी नैं मंगगे, तां सैह़ मेरे पिता दे पास्से ते जेह्ड़ा सुअर्ग च ऐ, तिन्हां तांई होई जांगा।

1 कुरिन्थियों 7:3

लाड़ा अपणिया लाड़िया दा हक्क पूरा करैं; कने तिंआं ई लाड़ी भी अपणे लाड़े दा।

इफिसियों 3:6

मतलब एह़ कि यीशु मसीह च सुसमाचारे दे जरिये होरनी जातिआं दे लोक सैई आसीषां हासल करदे हन, कने तिसी सरीरे दे हिस्से कने तिस वादे दे जेह्ड़ा परमात्मे यहूदी लोकां सौगी कित्या था साझी हन।

इफिसियों 4:30

अपणे कम्मां दे जरिये परमात्मे दिया पवित्र आत्मा जो दुखी मत करा, जिसा सौगी छुटकारे दे दिन तांई तुहां पर मोहर लगियो ऐ।

इफिसियों 5:33

अपर तुहां च हर इक्क अपणिया लाड़िया नैं अप्पु साइआं प्यार रखैं, कने लाड़ी भी अपणे लाड़े दा इज्जत करैं।

इफिसियों 6:18

कने हर बग्त जिंआं पवित्र आत्मा दस्सदा ऐ, अहां जो प्रार्थना कने विणती करदे रेह्आ, कने इसतांई जागदे रेह्आ कि सारे परमात्मे दे लोकां तांई लगातार विणती करदे रेह्आ करा,

कुलुस्सियों 3:19

हे लाड़ेयो, अपणिया-अपणिया लाड़िया नैं प्यार रखा, कने तिन्हां सौगी खरा बर्ताब करा।

1 थिस्सलुनीकियों 4:4

कने इसते बचणे तांई तुहां च हर इक्क माणु अपणे सरीरे जो बसे च करणा सीखें, कने अपणिया लाड़िया सौगी पवित्रता कने आदरे नैं रैंह्।

तीतुस 3:7

जिसते अहां तिसदे अनुग्रह दे जरिये धर्मी बणी करी सदा दी ज़िन्दगिया दी आसा दे मताबक हक्कदार बणन।

इब्रानियों 1:14

क्या सैह़ सारे सुअर्गदूत सेवा तांई चुणियां आत्मां नीं हन, कि तिन्हां दी सेवा करन जेह्ड़े उद्धार पाणे आल़े हन?

1 पतरस 3:1

हे लाड़ियों, अपणे-अपणे लाड़े दे इआं अधीन रेह्आ। जिसते कि जे तिन्हां च कोई परमात्मे दे वचने पर बसुआस करणे ते मन्ना करैं, तांजे सैह़ तुहां दे बिना कुच्छ ग्लांये तुहां दे सभावे जो दिक्खी करी बसुआस करी सकन। क्जोकि सैह़ दिक्खगियां कि तुहां कितणे सच्चे मने नैं परमात्मे दी अराधना करदे हन।