1 पतरस 3:5 - काँगड़ी

⁵ पराणे जमाने च पवित्र जणासा भी, जेह्ड़ियां परमात्मे पर आस रखदियां थियां, अपणे आप्पे जो इसी तरीके नैं सवांरदियां कने अपणे-अपणे लाड़े दे अधीन रैंह्दियां थियां।

1 पतरस 3:5 Iomraidhean Croise

लूका 2:37

सैह़ चौरासी साल्लां ते बिधवा थी, कने सैह़ मंदरे जो नीं छड्डदी थी। अपर ब्रत कने प्रार्थना करी नैं रात -दिन अराधना करदी थी।

प्रेरितां दे कम्म 1:14

एह़ सारे कने तिसदे भाऊ कने यीशु दी माता मरियम कने होर जणासां सौगी इक्क मन होई करी प्रार्थना च लग्गी रैह्।

प्रेरितां दे कम्म 9:36

याफा सैहरे च तबीता मतलब दोरकास नांऐ दी इक्क बसुआसणी रैंह्दी थी। सैह़ मते खरे-खरे कम्म कने गरीबां जो दान दिंदी थी।

इफिसियों 5:33

अपर तुहां च हर इक्क अपणिया लाड़िया नैं अप्पु साइआं प्यार रखैं, कने लाड़ी भी अपणे लाड़े दा इज्जत करैं।

1 तीमुथियुस 2:10

अपर इन्हां चीज्जां जो करणे दे बजाये तिन्हां जो दूये लोकां तांई भलाई दे कम्म करी नैं अप्पु छैल़ बणाणा चाइदा क्जोकि मसीह जणासां जो इआं करणा सजदा।

1 तीमुथियुस 2:15

भिरी भी जणासां मसीह पर बसुआस बणाई रखदियां, कने बाक्कि लोकां सौगी प्यारे नैं, पवित्र कने खरे तरीके नैं बर्ताब करन तां परमात्मा तिन्हां दा बच्चे जम्मणे दे जरिये उद्धार करगा।

1 तीमुथियुस 5:10

कने खरेयां कम्मां करणे च तिसादा खरा नां होयैं, जिन्नै बच्चेयां दा पालण-पोसण कित्या होयैं, परोणेयां दी आदर-खातर कित्तियो होयैं, परमात्मे दे लोकां दी सेवा कित्तियो होयैं, दुखियां दी मदत कित्तियो होयैं, कने हर इक्की खरे कम्मे च मन लगाया होयैं।

1 तीमुथियुस 5:5

तिसा बिधवा दी जिसादी देखभाल करणे आल़ा कोई नीं ऐ, सैह़ परमात्मे पर आस रखदी ऐ, कने मदत तांई रात दिन परमात्मे नैं विणती कने प्रार्थना च लग्गी रैंह्दी ऐ।

इब्रानियों 11:11

बसुआसे ते ई अब्राहमे दी लाड़ी सारा अपणे आप्पे जो जबरी होणे पर भी गर्भवती होणे दी ताकत पाई, क्जोकि तिन्नै बसुआस कित्ता, कि परमात्मा अपणे वादे जो पूरा करगा।

1 पतरस 1:3

अहां परमात्मे दा धन्यावाद करदे हन, जेह्ड़ा अहां दे प्रभु यीशु मसीह दा पिता ऐ, जिन्हीं अपणी बड़ी दया नैं अहां जो नौई ज़िन्दगी दित्ती, क्जोकि परमात्मे यीशु मसीह जो मरेयां ते जिन्दा कित्ता, कने तिन्हीं अहां जो निडर होई नैं जीणे दे काबल बणाया, सैह़ एह़ कि अहां नैं तिन्हीं जिन्हां चीज्जां जो दैणे दा वादा कित्या ऐ, तिन्हां जो हासल करणे तांई अहां पूरी आस रखी सकन,