1 पतरस 3:4 - काँगड़ी

⁴ अपर अपणे खरे कने सांत मने दे जरिये अंदरे ते खुबसूरत बणां, ऐदई खूबसूरती आखरी तिकर बणी रैंह्दी ऐ, कने परमात्मे दिया नजरा च एह़ बड़ी खास ऐ।

1 पतरस 3:4 Iomraidhean Croise

मत्ती 11:29

मेरा जुंगल़ा अपणे ऊपर चुक्की लेआ, कने मिन्जो ते सीखा; क्जोकि मैं नम्र कने मने च दीन ऐ, कने तुहां अपणे मने च अराम पांगे।

मत्ती 21:5

“यरूशलेम सैहरे दे लोकां नैं ग्लानेयों, ‘दिक्खा तुहां दा राजा तुहां अल्ल ओआ दा ऐ, सैह़ नम्र ऐ, कने गधे पर बैठेया ऐ; अपर गधिया दे बच्चे पर।’ ”

मत्ती 23:26

हे अन्ने फरीसी माणु, पैहल्ले कटोरे कने थाल़िया जो अंदरे ते मांज कि सैह़ बाहरे ते भी साफ होन।

मत्ती 5:5

धन हन सैह़, जेह्ड़े नम्र हन, क्जोकि सैह़ धरतिया दे अधिकारी हुंगे।

लूका 11:40

हे वेअक्लेयो, जिन्हीं बाहरे दा हिस्सा बणाया ऐ, क्या तिन्हीं अंदरे दा हिस्सा नीं बणाया?

लूका 16:15

यीशुयैं तिन्हां नैं ग्लाया, तुहां तां माणुआं साइआं अपणे आप्पे जो धर्मी ठैहरांदे हन, अपर परमात्मा तुहां दे मनां जो जाणदा ऐ, क्जोकि जेह्ड़ी चीज्ज माणुआं दियां नजरा च म्हान ऐ, सैह़ परमात्मे दी नजरा च घृणित ऐ।

रोमियो 1:23

कने तिन्हां हमेसा जिन्दे रैहणे आल़े प्रतापी परमात्मे दिया महिमा जो छड्डी करी, नास होणे आल़े माणुआं, पंछियां, चिड़ियां, कने रैंगणे आल़े जन्तुआं दी मूर्तिया दी महिमा कित्ती।

रोमियो 2:29

अपर सच्चा यहूदी सैई ऐ जिसदा मन परमात्मे च ऐ। कने सच्चा खतणा सिर्फ मूसा दी व्यबस्था मन्नणे ते नीं, अपर परमात्मे दिया आत्मा दे कम्मे दे जरिये मन बदलणा ऐ। ऐदेय लोकां दी बड़ेयाई माणुआं ते नीं अपर परमात्मे दे पास्से ते हुंदी ऐ।

रोमियो 6:6

अहां जाणदे हन कि अहां दा पराणा इन्सानी रूप मसीह सौगी सूल़िया पर टूंगेया तांजे पाप दा सरीर बेकार होई जां, कने अहां गांह जो पापे दे दासे दे रूपे च नीं रैह़न।

रोमियो 7:22

क्जोकि मैं अपणे पूरे मने ते तां परमात्मे दिया व्यबस्था ते बड़ा खुस रैंह्दा ऐ।

2 कुरिन्थियों 10:1

मैं सैई पौलुस जेह्ड़ा तुहां सामणै दीन ऐ, अपर पिठ्ठी पचांह़ तुहां दे पास्से हिम्मत करदा ऐ। तुहां जो मसीह दी नम्रता कने कोमलता दिया बज़ाह ते मेरियां गल्लां सुणने तांई विणती करदा ऐ।

2 कुरिन्थियों 4:16

इसतांई अहां हौंसला रखदे हन; जे अहां दा बाहरे दा इन्सानी रूप नास हुंदा जांदा ऐ, तमी अहां दी अन्तर आत्मा हर रोज नौई हुंदी जांदी ऐ।

गलातियों 5:23

नम्रता, कने अप्पु जो काबू रखणा। इन्हां कम्मां करणे आल़ेआं दे खलाफ कोई व्यबस्था नीं ऐ।

इफिसियों 4:2

सारी दीनता कने नम्रता सौगी, कने सबर रखी करी प्यारे नैं इक्की दूये दे बर्ताबे जो झेली लेआ;

कुलुस्सियों 3:12

इसतांई परमात्मे तुहां जो तिसदे पवित्र लोक होणे तांई चुणेयां, कने तुहां नैं प्यार करदा ऐ, बड़ी दया, कने बड़ी भलाई, बड़ी दीनता, कने बड़ा नरम सभाव, कने अपणे आप्पे च सेहनसक्ति रखा।

कुलुस्सियों 3:3

क्जोकि तुहां तां अपणे पापी सभावे च मरी गियो थे, कने तुहां दी ज़िन्दगी मसीह सौगी परमात्मे च छुपियो ऐ।

1 थिस्सलुनीकियों 4:11

जिंआं अहां तुहां जो समझाया ऐ, तिंआं ई चुपचाप रैहणे कने अपणा-अपणा कम्मकार करणे, कने अपणे-अपणे हत्थां नैं कम्माणे दी कोसस करा।

2 थिस्सलुनीकियों 3:12

ऐदेयां जो अहां प्रभु यीशु मसीह दे नांऐ ते हुक्म दिंदे कने समझांदे हन कि सांतिया नैं अपणिया मेहनता दी रोटी खा करन।

1 तीमुथियुस 2:2

सारे राजेयां कने अधिकारी लोकां तांई प्रार्थना करेया करा तांजे अहां सुख-चैन सौगी रेई सकन तांजे अहां परमात्मे दी अराधना करन कने दूये लोकां सौगी खरा बर्ताब रखन।

2 तीमुथियुस 2:25

कने जेह्ड़े तिसदा बरोध करदे हन, तिन्हां जो तिसियो बड़ी सरीफिया नैं समझाणा चाइदा, होई सकदा ऐ सायद परमात्मा तिन्हां जो सच्चाईया जो जाणने दा कने तिस पास्से फिरणे दा मौका दैं,

तीतुस 3:2

कुसी जो भी बदनाम मत करा, झगड़ालू मत बणा; अपर दूये लोकां पर दया करा, कने सारे लोकां सौगी बड़े नरम सभावे नैं रेह्आ।

याकूब 1:21

इसतांई सारे मनां दे मैल कने बैर बरोधां दी बढ़तिया जो दूर करी नैं, परमात्मे दे वचनां जो नम्रता नैं मन्नी लेआ, जेह्ड़ा मने च रखेया ऐ सैई तुहां दे प्राणा दा उद्धार करी सकदा ऐ।

1 पतरस 1:23

तुहां एह़ ज़िन्दगी परमात्मे दे पास्से ते नौई हासल कित्तियो ऐ, क्जोकि तुहां जो एह़ ज़िन्दगी तिसा चीज्जा दे जरिये हासल नीं कित्ती, जेह्ड़ी नास होई जांदी ऐ, अपर तिसा चीज्जा जरिये जेह्ड़ी सदा बणी रैंह्दी ऐ, कने सैह़ चीज्ज परमात्मे दा जिन्दा कने हमेसा रैहणे आल़ा वचन ऐ।

1 पतरस 3:15

अपर मसीह जो प्रभु समझी नैं अपणे-अपणे मने च पवित्र समझा। जेह्ड़ा कोई तुहां ते तुहां दी आसा दे बारे च कुच्छ पुछैं, जेह्ड़ी अहां सारे बसुआसी अप्पु च साझी करदे हन, तां हमेसा तिसादे बारे च नम्रता कने डरे सौगी जवाब दैणे तांई त्यार रेह्आ,