1 पतरस 3:21 - काँगड़ी

²¹ पराणे बग्ते च तिन्हां दा उद्धार अहां दे इस बग्ते दे उद्धारे दा उदारण ऐ, जाह़लू अहां बपतिस्मा लेआ था। जिस पांणिये च अहां बपतिस्मा लेआ था, अहां दे सरीरां दे मैल्ले जो दूर नीं करदा, अपर एह़ इसा गल्ला जो दस्सदा ऐ, कि अहां परमात्मे ते माफी मंगियो ऐ, तांजे गांह तांई अहां दा मन दुखी नीं रैंह्। अहां जो माफी मिल्ली सकदी ऐ, क्जोकि यीशु मसीह दुवारी भिरी जिन्दा होई गेआ ऐ।

1 पतरस 3:21 Iomraidhean Croise

मत्ती 28:19

इसतांई तुहां जा, सारी जातिआं दे लोकां जो चेला बणा; कने तिन्हां जो पिता, कने पुत्तर, कने पवित्र आत्मा दे नांऐ ते बपतिस्मा देआ,

मरकुस 16:16

जेह्ड़ा कोई मिन्जो पर कने सुसमाचारे पर बसुआस करगा कने बपतिस्मा लैंगा तिसदा ई उद्धार हुंगा, अपर जेह्ड़ा मिन्जो पर कने सुसमाचारे पर बसुआस नीं करगा सैह़ दोसी ठैहराया जांगा।

यूहन्ना 13:9

शमौन पतरसैं तिस नैं ग्लाया, “हे प्रभु, तां मेरे पैर ई नीं, अपर मेरेयां हत्थां कने सिरे भी धोई दे।”

प्रेरितां दे कम्म 16:33

कने राती तिसी बग्त जेलरैं तिन्हां जो अंणी करी तिन्हां दे जख्म साफ कित्ते, कने तिन्हीं अपणे परवारे दे सारे माणुआं सौगी बपतिस्मा लेआ।

प्रेरितां दे कम्म 2:38

पतरस तिन्हां नैं ग्लाणा लग्गा, “मने बदला, कने तुहां च हर इक्क अपणे-अपणे पापां दी माफी तांई यीशु मसीह दे नांऐ ते बपतिस्मा लैंगे; तां तुहां पवित्र आत्मा दा दान पांगे।

प्रेरितां दे कम्म 22:16

हुण क्जो देर करदा ऐ? उठ, बपतिस्मा लै, कने तिसदा नां लेई करी अपणेयां पापां ते माफी लेई लै।’

प्रेरितां दे कम्म 8:36

रस्ते च चलदे-चलदे सैह़ इक्क पांणिये दे तल़ाऐ अल्ल पुज्जे। ताह़लू खोजा ग्लाणा लग्गा, “दिक्ख ऐत्थु पाणी भी ऐ, हुण मिन्जो बपतिस्मा लैणे ते कुण रोकी सकदा ऐ?”

प्रेरितां दे कम्म 8:37

फिलिप्पुसैं ग्लाया, “जे तू सारे मने नैं बसुआस करदा ऐ तां तू लेई सकदा ऐ।” तिन्हीं जवाब दित्ता, “मैं बसुआस करदा ऐ कि यीशु मसीह परमात्मे दा पुत्तर ऐ।”

रोमियो 5:14

भिरी भी आदमे ते लेई नैं मूसा तिकर लोकां पाप कित्ता, कने सैह़ सारे मरी गै जिन्हीं आदम साइआं हुक्म नीं मन्नी करी पाप नीं कित्ता। आदम मसीह दा नसाण ऐ, जेह्ड़ा ओणे आल़ा था।

1 कुरिन्थियों 12:13

क्जोकि अहां सारे क्या यहूदी हन क्या यूनानी, क्या दास, क्या अजाद इक्क ई आत्मा दे जरिये इक्क सरीर होणे तांई बपतिस्मा लेआ, कने अहां सबना जो इक्क ई आत्मा मिलियो ऐ।

1 कुरिन्थियों 4:6

हे प्यारे साथी बसुआसियो, मैं तुहां दे फायदे तांई अपणा कने अपुल्लोसे दा उदारण पेस कित्ता, जिसदे जरिये तुहां इसा गल्ला दा मतलब समझी सकन, “पवित्रशास्त्रे च जेह्ड़ा लिख्या ऐ तिसते बाहर मत जा।” एह़ खरा नीं ऐ तुहां इक्की दी इज्जत करन कने दूये अगुऐ पर दोस लगान।

2 कुरिन्थियों 1:12

अहां अपणिया समझा पर घमंड करदे हन, क्जोकि एह़ बिलकुल ठीक ऐ, कि संसारे च कने खास करी नैं तुहां बिच्च, अहां दा चाल-चलण परमात्मे दे जरिये दित्ती गेई पवित्रता कने सच्चाईया सौगी था, जेह्ड़ा संसारे दे ज्ञान ते नीं, अपर परमात्मे दे अनुग्रह सौगी था।

2 कुरिन्थियों 7:1

हे प्यारे साथी बसुआसियो, जाह़लू अहां नैं एह़ वादे कित्ते, तां ओआ, अहां अपणे आप्पे जो सरीर कने आत्मा दिया सारी बुराईया ते दूर रखन, कने परमात्मे दा डर मन्नी करी पवित्र ज़िन्दगी जीणे दी कोसस करन।

गलातियों 3:27

कने तुहां च जितणेयां मसीह च बपतिस्मा लेआ ऐ तिन्हां मसीह दिया ज़िन्दगिया जो पैहनी लेआ ऐ, जिंआं कोई नौये कपड़े पैहणदा ऐ।

इफिसियों 5:26

तांजे तिसदे वचने जो कलीसिया पर प्रगट करी नैं तिसियो तिसदे पापां ते सुद्ध करी सकैं, ठीक तिंआं ई जिंआं लोक कुसी चीज्जा जो धोई करी साफ करदे हन।

कुलुस्सियों 2:12

जाह़लू तुहां बपतिस्मा लेआ, तां तुहां भी मसीह साइआं दब्बे गै, जिंआं मसीह मरेयां ते जिन्दा होएया, तिंआं तुहां भी नौये सभावे सौगी जिन्दे होये। एह़ इसतांई होएया कि तुहां परमात्मे पर बसुआस कित्ता, जिन्हीं अपणिया सामर्थी दे जरिये मसीह जो मरेयां ते जिन्दा कित्ता।

1 तीमुथियुस 1:5

इस हुक्मे दा मकसद एह़ ऐ कि तुहां साफ मन, साफ अन्तर आत्मा कने सच्चे बसुआसे सौगी इक्की दूये नैं प्यार करा।

1 तीमुथियुस 6:12

जिंआं इक्क खरा सपाई लड़ाईया च लड़ाई करणा कदी नीं छड्डदा, तिंआं ई तिज्जो भी परमात्मे पर बसुआस करणा कने तिसदे पचांह़ चलणा कदी नीं छड्डणा चाइदा। तांजे तू अपणे इनामे दे रूपे च सदा दी ज़िन्दगिया जो पाई सकैं, जिस तांई तू सद्देया गेआ, जाह़लू तैं मते लोकां सामणै साफ-साफ ग्लाया था, कि तू मसीह पर बसुआस करदा ऐ।

इब्रानियों 10:22

तां ओआ, अहां परमात्मे दे नेड़े सच्चे मने कने पूरे बसुआसे सौगी जान, क्जोकि अहां दे मने दे अपराधां पर मसीह दा खून छिड़की नैं सरीर सुद्ध पांणिये नैं धोत्तेया ऐ तांजे अहां सुद्ध होई जान।

इब्रानियों 13:18

अहां तांई प्रार्थना करदे रेह्आ। अहां जो भरोसा ऐ कि अहां दा जमीर साफ ऐ। कने अहां सारियां गल्लां च जेह्ड़ियां अहां करदे हन, परमात्मे दी महिमा करणा चांह़दे हन।

इब्रानियों 9:14

तां मसीह दा खून, जिन्हीं अपणे आप्पे जो सदा जिन्दा रैहणे आल़ी आत्मा दे जरिये परमात्मे सामणै बेकसूर बल़िया दे रूपे च चढ़ाई दित्ता, जिन्दे परमात्मे दी सेवा करणे तांई अहां दे जमीरे जो पापी कम्मां ते क्जो नीं सुद्ध करगा?

इब्रानियों 9:24

क्जोकि यीशु मसीह जिसा पवित्र जगाह च गेआ, सैह़ माणुये दे हत्थां नैं नीं बणाईयो थी, जेह्ड़ा सच्ची पवित्र जगाह दा नक्सा ऐ। अपर सुअर्गे च गेआ तांजे अहां तांई हुण परमात्मे दिया हजुरिया च दुस्सें।

1 पतरस 1:3

अहां परमात्मे दा धन्यावाद करदे हन, जेह्ड़ा अहां दे प्रभु यीशु मसीह दा पिता ऐ, जिन्हीं अपणी बड़ी दया नैं अहां जो नौई ज़िन्दगी दित्ती, क्जोकि परमात्मे यीशु मसीह जो मरेयां ते जिन्दा कित्ता, कने तिन्हीं अहां जो निडर होई नैं जीणे दे काबल बणाया, सैह़ एह़ कि अहां नैं तिन्हीं जिन्हां चीज्जां जो दैणे दा वादा कित्या ऐ, तिन्हां जो हासल करणे तांई अहां पूरी आस रखी सकन,

1 पतरस 3:16

कने अपणे जमीरे जो भी सुद्ध रखा, इसतांई कि जिन्हां गल्लां दे बारे च तुहां दी बदनामी हुंदी ऐ. तिन्हां दे बारे च सैह़ जेह्ड़े मसीह च तुहां दे खरे चाल-चलणे दा अपमान करदे हन, सैह़ सर्मिंदा होन।