1 पतरस 3:16 - काँगड़ी

¹⁶ कने अपणे जमीरे जो भी सुद्ध रखा, इसतांई कि जिन्हां गल्लां दे बारे च तुहां दी बदनामी हुंदी ऐ. तिन्हां दे बारे च सैह़ जेह्ड़े मसीह च तुहां दे खरे चाल-चलणे दा अपमान करदे हन, सैह़ सर्मिंदा होन।

1 पतरस 3:16 Iomraidhean Croise

मत्ती 5:11

“धन हन तुहां, जाह़लू माणु मेरिया बज़ाह ते तुहां दी निंदा करगे, कने सतांगे कने झूठियां गल्लां ग्लाई नैं तुहां दे खलाफ हर किस्मां दियां बुरिआं गल्लां ग्लांगे।

प्रेरितां दे कम्म 24:16

इसते मैं अप्पु भी कोसस करदा ऐ कि परमात्मे दे, कने माणुआं दे पास्से ते मेरा मन हमेसा बेकसूर रैंह्।

प्रेरितां दे कम्म 28:22

अपर तेरी सोच क्या ऐ, सैई अहां तिज्जो ते सुणना चांह़दे हन, क्जोकि अहां जाणदे हन कि हर जगाह इस बचारे दे बरोधे च लोक गल्लां करदे हन।”

रोमियो 9:1

मैं मसीह च सच्च ग्लांदा ऐ, झूठ नीं ग्लांदा कने मेरा जमीर भी पवित्र आत्मा च गवाही दिंदा ऐ।

2 कुरिन्थियों 1:12

अहां अपणिया समझा पर घमंड करदे हन, क्जोकि एह़ बिलकुल ठीक ऐ, कि संसारे च कने खास करी नैं तुहां बिच्च, अहां दा चाल-चलण परमात्मे दे जरिये दित्ती गेई पवित्रता कने सच्चाईया सौगी था, जेह्ड़ा संसारे दे ज्ञान ते नीं, अपर परमात्मे दे अनुग्रह सौगी था।

2 कुरिन्थियों 4:2

अपर अहां सर्मा दे गुप्त कम्मां जो छड्डी दित्या ऐ, कने ना चलाकी करदे, कने ना परमात्मे दे वचने जो अपणे फायदे तांई सणांदे हन। अपर अहां परमात्मे सामणै सिर्फ सच्चाई दस्सदे हन, तांजे हर इक्क माणु एह़ गवाही दैं, कि अहां सच्च ग्लांदे हन।

1 तीमुथियुस 1:19

तुहां यीशु मसीह च अपणे बसुआसे जो बणाई कने अपणिया अन्तर आत्मा जो साफ रखा। कुच्छ लोकां तां अपणिया साफ अन्तर आत्मा जो छड्डी दित्या ऐ, जिसदिया बज़ाह ते यीशु मसीह च तिन्हां दा बसुआस मुक्की गेआ ऐ।

1 तीमुथियुस 1:5

इस हुक्मे दा मकसद एह़ ऐ कि तुहां साफ मन, साफ अन्तर आत्मा कने सच्चे बसुआसे सौगी इक्की दूये नैं प्यार करा।

2 तीमुथियुस 1:3

मैं रात-दिन अपणिया प्रार्थना च तुहां जो याद करी नैं परमात्मे जो धन्यावाद दिंदा ऐ, जिसदी सेवा मैं साफ अन्तर आत्मा नैं तिंआं ई करदा ऐ, जिंआं मेरे पूर्वज करदे थे।

तीतुस 2:8

कने तुहां जो सैह़ सखाणा चाइदा, जेह्ड़ा सच्च ऐ तांजे कोई भी तुहां पर दोस नीं लगाई सकैं, जिसते तुहां दे दुश्मणा दी बेइज्जती होयैं। क्जोकि तिसा सिक्षा च कोई बुरी गल्ल नीं, जिसते कि सैह़ तुहां दे खलाफ कुच्छ ग्लाई सकन।

इब्रानियों 13:18

अहां तांई प्रार्थना करदे रेह्आ। अहां जो भरोसा ऐ कि अहां दा जमीर साफ ऐ। कने अहां सारियां गल्लां च जेह्ड़ियां अहां करदे हन, परमात्मे दी महिमा करणा चांह़दे हन।

इब्रानियों 9:14

तां मसीह दा खून, जिन्हीं अपणे आप्पे जो सदा जिन्दा रैहणे आल़ी आत्मा दे जरिये परमात्मे सामणै बेकसूर बल़िया दे रूपे च चढ़ाई दित्ता, जिन्दे परमात्मे दी सेवा करणे तांई अहां दे जमीरे जो पापी कम्मां ते क्जो नीं सुद्ध करगा?

1 पतरस 2:12

जेह्ड़े लोक परमात्मे पर बसुआस नीं करदे, सैह़ तुहां जो एह़ ग्लाई नैं बदनाम करी सकदे हन, कि तुहां गलत करा दे हन, अपर तुहां ऐदई ज़िन्दगी जीआ, जिसते सैह़ तुहां च खरियां गल्लां दिक्खन, कने जाह़लू प्रभु यीशु मसीह इस संसारे च बापस ओंगा, तां सैह़ ताह़लू परमात्मे जो महिमा दैन।

1 पतरस 2:15

क्जोकि परमात्मे दी इच्छा ऐई ऐ, कि तुहां खरे कम्म करी नैं मूर्ख लोकां दा मुँ बंद करी देआ, जेह्ड़े बेकार दियां गल्लां करदे रैंह्दे हन।

1 पतरस 2:19

बेसक दूये लोक तुहां दी कोई गलती नीं होणे दे बावजूद भी तुहां नैं बुरा बर्ताब करदे कने तुहां जो दुख दैन, तां तिसियो खुसिया नैं झेला, क्जोकि तुहां जाणदे हन कि परमात्मा सब कुच्छ जाणदा ऐ, कने सैह़ तुहां जो आसीष दिंगा।

1 पतरस 3:21

पराणे बग्ते च तिन्हां दा उद्धार अहां दे इस बग्ते दे उद्धारे दा उदारण ऐ, जाह़लू अहां बपतिस्मा लेआ था। जिस पांणिये च अहां बपतिस्मा लेआ था, अहां दे सरीरां दे मैल्ले जो दूर नीं करदा, अपर एह़ इसा गल्ला जो दस्सदा ऐ, कि अहां परमात्मे ते माफी मंगियो ऐ, तांजे गांह तांई अहां दा मन दुखी नीं रैंह्। अहां जो माफी मिल्ली सकदी ऐ, क्जोकि यीशु मसीह दुवारी भिरी जिन्दा होई गेआ ऐ।

1 पतरस 4:4

इसतांई तुहां दे पराणे साथी हरान हुंदे हन, जाह़लू तुहां तिन्हां सौगी बुरे कम्मां दी संगति नीं करदे, इसतांई सैह़ तुहां दे बारे च बुरा भला ग्लांदे हन।