1 पतरस 3:13 - काँगड़ी

¹³ जे तुहां हमेसा भलाई करणे दी कोसस करन, तां तुहां दा बुरा करणे आल़ा भिरी कुण ऐ?

1 पतरस 3:13 Iomraidhean Croise

रोमियो 13:3

क्जोकि जे कोई खरे कम्म करा दा ऐ, तां तिसियो अधिकारियां ते डरणे दी जरूरत नीं ऐ। अपर बुरे कम्म करा दा ऐ, ताह़लू तिसियो डरणा चाइदा ऐ, क्या तू अधिकारी ते निडर रैहणा चांह़दा ऐ? तां खरे कम्म कर, कने तिसदे पास्से ते तेरी तारीफ हुंगी;

रोमियो 8:28

अहां जाणदे हन, कि जेह्ड़े लोक परमात्मे नैं प्यार रखदे हन, तिन्हां तांई सारियां गल्लां मिल्ली नैं भलाई ई पैदा करदियां हन, मतलब तिन्हां ई तांई जेह्ड़े तिसदिया इच्छा दे मताबक चुणेयो हन।

1 कुरिन्थियों 14:1

इक्की दूये नैं प्यार करणे दी कोसस करा, कने आत्मिक वरदानां दी इच्छा करदे रेह्आ, खास करी नैं एह़, कि परमात्मे दा वचन सणा।

इफिसियों 5:1

तुहां परमात्मे दे बच्चे हन, जिन्हां नैं सैह़ प्यार करदा ऐ, इसतांई तिस साइआं बणने दी कोसस करा,

1 थिस्सलुनीकियों 5:15

चौकन्ने रेह्आ कोई कुसी नैं बुराईया दे बदले बुराई ना करैं, अपर हमेसा भलाई करणे जो त्यार रेह्आ, अप्पु च कने सबना नैं हमेसा भलाईया दे कम्म करणे दी कोसस करा।

1 तीमुथियुस 5:10

कने खरेयां कम्मां करणे च तिसादा खरा नां होयैं, जिन्नै बच्चेयां दा पालण-पोसण कित्या होयैं, परोणेयां दी आदर-खातर कित्तियो होयैं, परमात्मे दे लोकां दी सेवा कित्तियो होयैं, दुखियां दी मदत कित्तियो होयैं, कने हर इक्की खरे कम्मे च मन लगाया होयैं।

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

3 यूहन्ना 1:11

हे मेरे प्यारे बसुआसी भाऊ, बुराईया दे नीं अपर भलाईया दे पचांह़ चल। जेह्ड़े भलाई करदे हन, सैह़ परमात्मे दे पास्से ते हन। अपर जेह्ड़ा बुराई करदा ऐ, तिन्हीं परमात्मे जो नीं दिख्या।