1 पतरस 3:11 - काँगड़ी

¹¹ तिसियो बुरे कम्म करणा छड्डी दैणे चाइदे, कने तिसदिया जगाह तिसियो खरे कम्म करणे चाइदे। कने दूयेयां सौगी मेल-जोल कने सांतिया नैं रैहणे तांई मेहनत करणी चाइदी।

1 पतरस 3:11 Iomraidhean Croise

मत्ती 5:45

तांजे तुहां अपणे सुअर्गीय पिता दे बच्चे बणगे जेह्ड़ा कि सुअर्गे च ऐ, क्जोकि तिसदा सूरज खरे कने बुरे लोकां पर सीरदा ऐ, कने इआं ई बरखा भी धर्मी कने अधर्मी लोकां पर बरदी ऐ।

मत्ती 5:9

धन हन सैह़, जेह्ड़े इक्की दूये सौगी मेल करवाणे आल़े हन, क्जोकि सैह़ परमात्मे दे बच्चे कैहलांगे।

मत्ती 6:13

कने अहां जो परीक्षा च मत पा, अपर दुष्ट सैताने ते बचा। (क्जोकि राज्ज, शक्ति कने महिमा सदा तेरे ई हन।’ आमीन।)

मरकुस 14:7

गरीब तुहां अल्ल हमेसा रैंह्दे हन, कने तुहां जाह़लू चान तिन्हां नैं भलाई करी सकदे हन। अपर मैं तां तुहां अल्ल हमेसा नीं रैहणा ऐ।

लूका 1:79

कि नेहरे कने मौत्ती दे डरे च बैठणे आल़ेआं जो जोत्ती दैं, कने अहां दे पैरां जो सांति दे रस्ते च सिध्धे चलां।”

लूका 6:35

अपर अपणे दुश्मणा नैं भी प्यार रखा, कने भलाई करा कने भिरी पाणे दी उम्मीद नीं रखी करी उधार देआ। कने तुहां तांई बड़ा बड्डा प्रतिफल़ हुंगा, कने तुहां परम प्रधान परमात्मे दे बच्चे हुंगे, क्जोकि सैह़ तिन्हां बुरे माणुआं पर दयाबान ऐ, जेह्ड़े धन्यावाद नीं करदे।

लूका 6:9

यीशुयैं तिन्हां नैं ग्लाया, “मैं तुहां ते एह़ पुछदा ऐ, कि मूसा दिया व्यबस्था मताबक बिस्रामे आल़े दिन क्या करणा ठीक ऐ, खरा या बुरा करणा; प्राणा जो बचाणा या नास करणा।”

यूहन्ना 17:15

मैं एह़ विणती नीं करदा ऐ, कि तू तिन्हां जो संसारे ते चुक्की लेआ, अपर एह़ कि तिन्हां जो तिस सैताने ते बचाई रख।

रोमियो 12:18

जित्थु तिकर होई सकैं, तुहां अप्पु ते सारेयां माणुआं सौगी मेल-जोल रखा।

रोमियो 14:17

क्जोकि परमात्मे दा राज्ज च खाणा-पीणा इतणी जरूरी गल्ल नीं ऐ, अपर जरूरी गल्ल एह़ ऐ, कि परमात्मे सौगी धर्मी ज़िन्दगी जीणा, सांति कने खुसी ऐ, जेह्ड़ी पवित्र आत्मा दे जरिये मिलदी ऐ।

रोमियो 14:19

इसतांई अहां तिन्हां गल्लां दी कोसस करदे रैह़न जिन्हां ते लोक अप्पु च मिल्ली जुली नैं रैह़न, कने इक्की दूये जो बसुआसे च मजबूत करन।

रोमियो 5:1

इसतांई जाह़लू अहां बसुआसे ते धर्मी बणे, क्जोकि जेह्ड़ा प्रभु यीशु मसीयैं अहां तांई कित्या ऐ तिसदे जरिये अहां दा परमात्मे सौगी सांति आल़ा रिस्ता ऐ,

रोमियो 7:19

क्जोकि जिस खरे कम्मे दी मैं इच्छा करदा ऐ, सैह़ नीं करदा, अपर जिन्हां बुरे कम्मां दी इच्छा नीं करदा, सैई करदा ऐ।

रोमियो 7:21

तां मिन्जो इआं मसूस हुंदा ऐ, कि जाह़लू मैं भलाई करणे दी इच्छा करदा ऐ, तां मिन्जो ते बुराई हुंदी ऐ।

रोमियो 8:6

सरीरे दियां गल्लां पर मन लगाणा तां मौत्त ऐ, अपर आत्मा दियां गल्लां पर मन लगाणा तां ज़िन्दगी कने सांति ऐ।

गलातियों 5:22

अपर पवित्र आत्मा दा फल़ प्यार, खुसी, सांति, सबर, दया, भलाई, बसुआस,

गलातियों 6:10

इसतांई जित्थु तिकर मौका मिल्लैं अहां जो सबना दी मदत करणी चाइदी, खास करी नैं बसुआसी भाऊआं दी जेह्ड़े मसीह च हन।

कुलुस्सियों 3:15

जेह्ड़ा सांति मसीह दिंदा ऐ, तिसा जो अपणे मने च राज्ज करणा देआ। क्जोकि तुहां सारे इक्की सरीरे दे अंग हन, कने तुहां सबना जो इक्की दूये सौगी सांति च रैहणे तांई सद्देया ऐ, कने तुहां हमेसा धन्यावादी बणी रेह्आ।

1 तीमुथियुस 6:18

तिन्हां जो खरे कम्म करणे तांई हुक्म दे, तांजे खरे कम्मां च अमीर बणन, कने दान दैणे कने दूयेयां दी मदत करणे जो हमेसा त्यार रैह़न,

इब्रानियों 12:14

सबना नैं मेल-जोल रखा, कने पवित्र ज़िन्दगी जीणे तांई हर तरीके नैं कोसस करदे रेह्आ। जिसदे बगैर कोई भी प्रभु जो कदी नीं दिक्खी सकदा।

इब्रानियों 13:16

कने भलाई करणे तांई कने इक्की दूये दी मदत करणे तांई त्यार रेह्आ, क्जोकि परमात्मा ऐदेय बलिदानां ते खुस हुंदा ऐ।

याकूब 4:17

इसतांई जेह्ड़ा कोई भलाई करणा जाणदा ऐ कने नीं करदा, तिस तांई एह़ पाप ऐ।

1 पतरस 3:12

क्जोकि प्रभु दी नजर धर्मियां पर लग्गी रैंह्दी ऐ, कने सैह़ तिन्हां दिया प्रार्थना सुणी नैं जवाब दैणे तांई हमेसा त्यार रैंह्दा ऐ; अपर प्रभु बुराई करणे आल़ेआं दे खलाफ रैंह्दा ऐ।”

3 यूहन्ना 1:11

हे मेरे प्यारे बसुआसी भाऊ, बुराईया दे नीं अपर भलाईया दे पचांह़ चल। जेह्ड़े भलाई करदे हन, सैह़ परमात्मे दे पास्से ते हन। अपर जेह्ड़ा बुराई करदा ऐ, तिन्हीं परमात्मे जो नीं दिख्या।