1 पतरस 3:1 - काँगड़ी

^1-2 हे लाड़ियों, अपणे-अपणे लाड़े दे इआं अधीन रेह्आ। जिसते कि जे तिन्हां च कोई परमात्मे दे वचने पर बसुआस करणे ते मन्ना करैं, तांजे सैह़ तुहां दे बिना कुच्छ ग्लांये तुहां दे सभावे जो दिक्खी करी बसुआस करी सकन। क्जोकि सैह़ दिक्खगियां कि तुहां कितणे सच्चे मने नैं परमात्मे दी अराधना करदे हन।

1 पतरस 3:1 Iomraidhean Croise

मत्ती 18:15

“जे तेरा भाऊ तेरे खलाफ अपराध करैं, तां जा कने किल्ले च गल्लबात करी नैं तिसियो समझा। कने जे सैह़ तेरिया गल्लां सुणी करी पछतां, तां तैं अपणे भाऊये जो पाई लेआ।

रोमियो 10:16

अपर सबना तिस सुसमाचारे पर बसुआस नीं कित्ता। यशायाह भविष्यवक्ता ग्लांदा ऐ, “हे प्रभु, अहां दे सुसमाचारे पर कुणी बसुआस कित्ता ऐ?”

रोमियो 6:17

अपर परमात्मे दा धन्यावाद होयैं, कि तुहां जेह्ड़ा पापे दे दास थे हुण मने ते तिसा सिक्षा जो मन्नणे आल़े होई गै, जिसदे सांचे च ढालेयो थे,

रोमियो 7:2

ब्याई जणांस व्यबस्था दे मताबक अपणे लाड़े दे जींदे जी तिस नैं बन्नूईयो ऐ, अपर जे लाड़ा मरी जां, तां सैह़ कानूनी तरीके ते अपणे लाड़े ते छुटी गेई।

1 कुरिन्थियों 11:3

अपर मैं चांह़दा ऐ कि तुहां एह़ जाणी लेआ कि हर इक्क मर्दे दा सिर मसीह ऐ, कने जणासा दा सिर मरद ऐ, कने मसीह दा सिर परमात्मा ऐ।

1 कुरिन्थियों 14:34

कि जणासां जो कलीसिया दिया सभा च चुप रैहणा चाइदा, क्जोकि तिन्हां जो गल्लां करणे दा हुक्म नीं, अपर अधीन रैहणे दा हुक्म ऐ, जिंआं व्यबस्था च लिख्या भी ऐ।

1 कुरिन्थियों 7:16

क्जोकि हे जणांस, क्या तू जाणदी ऐ कि तू परमात्मे ते अपणे लाड़े दा उद्धार कराई लैंगी? तिंआं ई हे मरद, क्या तू जाणदा ऐ कि तू परमात्मे ते अपणिया लाड़िया दा उद्धार कराई लैंगा?

इफिसियों 5:33

अपर तुहां च हर इक्क अपणिया लाड़िया नैं अप्पु साइआं प्यार रखैं, कने लाड़ी भी अपणे लाड़े दा इज्जत करैं।

कुलुस्सियों 3:18

हे लाड़ियो, तुहां जो अपणे लाड़े दे अधीन रैहणा चाइदा, क्जोकि प्रभु दे पचांह़ चलणे तांई ऐई ठीक ऐ।

कुलुस्सियों 4:5

अपणे हर मौके जो जेह्ड़ा तुहां जो मिलदा ऐ कीमती समझी नैं संसारिक लोकां सौगी अक्लमंदिया नैं बर्ताब करा।

2 थिस्सलुनीकियों 1:8

कने जेह्ड़े परमात्मे जो नीं पणछैणदे, कने अहां दे प्रभु यीशुये दे सुसमाचारे जो नीं मनदे, तिन्हां जो सज़ा दिंगा।

इब्रानियों 11:8

बसुआसे ते ई अब्राहमे जो जाह़लू परमात्मे इक्क जगाह च जाणे तांई सद्देया, तां सैह़ हुक्म मन्नी करी तिसा जगाह जो चली गेआ, जित्थु परमात्मा तिसियो तिसदे हिस्से दी जमीन दैणे आल़ा था। कने सैह़ एह़ नीं जाणदा था, कि मैं कुत्थू चलेया ऐ भिरी भी सैह़ चली गेआ।

इब्रानियों 5:9

कने सिद्ध बणी करी, अपणे सारे हुक्म मन्नणे आल़ेआं तांई सदा काल दे उद्धारे दी बज़ाह होई गेआ,

1 पतरस 1:22

क्जोकि तुहां सच्चाईया जो मन्नणे दे जरिये पवित्र कित्ते गै, तां हुण तुहां जो अपणे बसुआसी भाऊआं सौगी प्यार करणा चाइदा, इक्की दूये नैं लगातार मन लाई नैं कने बड़ी इमानदारिया नैं प्यार करदे रेह्आ।

1 पतरस 3:7

तिंआं ई हे लाड़ेयो, तुहां भी समझदारिया नैं लाड़ियां सौगी ज़िन्दगी जीआ करा, कने तुहां जो एह़ गल्ल याद रखणा चाइदी कि जणासां तुहां ते कमजोर हन, इसतांई तुहां जो तिन्हां दी इज्जत करणी चाइदी। क्जोकि तुहां दोयो परमात्मे दे तिस वरदाने दे साझी हन, जेह्ड़ा सदा दी ज़िन्दगी ऐ, इआं करदे रेह्आ, तांजे जाह़लू तुहां प्रार्थना करन, ताह़लू परमात्मा तुहां दिया तिसा प्रार्थना जो सुणैं।

1 पतरस 4:17

क्जोकि सैह़ बग्त आई रेह्आ ऐ कि परमात्मा पैहल्ले अपणे लोकां दा न्याय करैं, इसतांई कि जाह़लू सैह़ अहां बसुआसियां दा सबते पैहल्ले न्याय करगा तां तिन्हां खतरनाक गल्लां दे बारे च सोचा जेह्ड़ियां तिन्हां सौगी हुंगिया, जेह्ड़े परमात्मे दे सुसमाचारे जो नीं मनदे?