1 पतरस 2:6 - काँगड़ी

⁶ जिंआं पवित्रशास्त्रे च परमात्मा ग्लांदा ऐ: “दिक्खा, कि मैं कीमती पत्थरे जो चुणेया ऐ, जिसदा इस्तेमाल यरूशलेम सैहरे च मजबूत घर बणाणे तांई हुंदा ऐ; कने जेह्ड़ा कोई तिस पर बसुआस करगा, सैह़ कुसी भी तरीके नैं सर्मिंदा नीं हुंगा।”

1 पतरस 2:6 Iomraidhean Croise

मत्ती 12:18

“दिक्खा, एह़ मेरा सेवक ऐ, जिसियो मैं चुणेया ऐ; मेरा प्यारा, जिसते मेरा मन खुस ऐ, मैं अपणा पवित्र आत्मा तिसियो दिंगा, कने सैह़ होरनी जातिआं दे लोकां जो न्याय दा समाचार दिंगा।

मरकुस 12:10

क्या तुहां पवित्रशास्त्रे च एह़ वचन नीं पढ़ेया: ‘जिस पत्थरे जो राजमिस्त्रियां नकम्मा समझी लेआ था, सैई कुणे दा सिरा होई गेआ,

लूका 20:17

तिन्हीं तिन्हां दे बक्खी दिक्खी नैं ग्लाया, “तां भिरी पवित्रशास्त्रे च एह़ क्या लिख्या ऐ: ‘जिस पत्थरे जो राजमिस्त्रियां नकम्मा ठैहराया था, सैई कुणे दा सिरा होई गेआ।’

लूका 23:35

माणु खड़ोई करी दिक्खा दे थे, कने सरदार भी मजाक करी नैं ग्लांदे थे, “इन्हीं होरनी माणुआं जो तां बचाया, जे एह़ परमात्मे दा मसीह ऐ, कने तिसदा चुणेया ऐ, तां अपणे आप्पे जो बचाई लै।”

यूहन्ना 7:38

जेह्ड़ा मिन्जो पर बसुआस करगा, जिंआं पवित्रशास्त्र च लिख्या ऐ, ‘तिसदे दिले ते ज़िन्दगी दैणे आल़े पांणिये दियां नदियां बगणा लग्गी पोंगियां।’ ”

प्रेरितां दे कम्म 1:16

“हे भाऊओ, जरूरी था कि पवित्रशास्त्रे दा सैह़ वचन पूरा होयैं जेह्ड़ा पवित्र आत्मा दाऊदे दे मुँऐ ते यहूदा दे बारे च, जेह्ड़ा यीशुये जो पकड़ुआणे आल़ेआं दा अगुआ था, पैहल्लैं ई दस्सी दित्या था।

रोमियो 10:11

क्जोकि पवित्रशास्त्र एह़ ग्लांदा ऐ, “जेह्ड़ा कोई तिस पर बसुआस करगा, सैह़ कदी सर्मिंदा नीं हुंगा।”

इफिसियों 1:4

खास करी नैं मसीह सौगी अहां दे रिस्ते दिया बज़ाह ते परमात्मे अहां जो इस संसारे जो बणाणे ते पैहल्ले चुणी लेआ। तांजे सैह़ अहां जो पवित्र कने बेकसूर समझैं।

इफिसियों 2:20

अहां सारे मिल्ली नैं तिसदा घर हन जेह्ड़ा प्रेरितां कने भविष्यवक्तां दियां नीआं पर बणेया ऐ, कने यीशु मसीह अप्पु तिस घरे दे कुणे दा पत्थर ऐ।

2 तीमुथियुस 3:16

पवित्रशास्त्रे च लिखियो हर इक्क गल्ल परमात्मे दे पास्से ते ऐ, कने एह़ सिक्षा दैणे तांई, समझाणे तांई, सधारणे तांई, कने धार्मिकता दी सिक्षा दैणे तांई अहां दी मदत करदा ऐ,

1 पतरस 2:4

जिंआं तुहां तिस अल्ल ओंदे हन, जेह्ड़ा जिन्दा पत्थर ऐ, जिसियो लोकां तां छड्डी दित्ता, अपर परमात्मे तांई सैह़ कीमती कने जिन्दा पत्थर ऐ, जिसियो तिन्हीं चुणेया ऐ।

1 पतरस 2:8

कने पवित्रशास्त्र एह़ भी ग्लांदा ऐ: “एह़ पत्थर लोकां जो ठोकर लगणे दी कने थल्लै पोणे दी बज़ाह बणगा,” सैह़ इसतांई ठोकर खांदे हन, कि सैह़ परमात्मे दे वचनां जो नीं मनदे, कने परमात्मे तिन्हां सौगी इआं होणे दी योजना बणाई।

2 पतरस 1:20

अपर जरूरी ऐ कि तुहां एह़ जाणी लैन कि जेह्ड़े भविष्यवक्ता दे वचन पवित्रशास्त्रे च पढ़दे हन, सैह़ सिर्फ तिन्हां दे अपणे बचार नीं हन,

2 पतरस 3:16

तिंआं ई तिन्हीं अपणियां सारियां चिठ्ठियां च भी इन्हां गल्लां दी चर्चा कित्तियो ऐ, जिन्हां च कुच्छ गल्लां ऐदिआं हन जिन्हां जो समझणा औखा ऐ, जिन्हां जो अणपढ़ कने चंचल लोक बगाड़ी दिंदे हन जिंआं सैह़ पवित्रशास्त्रे दे कुच्छ हिस्सेयां जो भी बगाड़दे हन, जिसते सैह़ अपणे आप्पे दा नास करी लैंदे हन।