1 पतरस 2:5 - काँगड़ी

⁵ तुहां भी जिन्दे पत्थरां साइआं हन, जिन्हां दा आत्मिक घर बणाणे तांई इस्तेमाल होआ दा ऐ। तुहां पवित्र याजकां दा समाज भी हन, कने प्रभु यीशु मसीह दिया मदता नैं ऐदेय बलिदान चढ़ांगे, जेह्ड़े परमात्मे जो खुस करदे हन।

1 पतरस 2:5 Iomraidhean Croise

रोमियो 12:1

इसतांई हे प्यारे साथी बसुआसियो, मैं तुहां नैं परमात्मे दी दया याद दिलाई नैं विणती करदा ऐ, कि अपणे आप्पे जो जिन्दा, कने पवित्र, कने परमात्मे जो खरा लगणे आल़ा बलिदान चढ़ा। परमात्मे दी भक्ति करणे दा ऐई सच्चा तरीका ऐ ।

रोमियो 15:16

कि मैं होरनी जातिआं दे लोकां तांई यीशु मसीह दा सेवक बणी नैं इक्क याजकें साइआं परमात्मे दे सुसमाचारे दी सेवा करैं। तां होरनी जातिआं दे लोकां जो पवित्र आत्मा दे जरिये पवित्र कित्ते जाणे ते बाद, परमात्मे सौगी मिल्लांदा ऐ, जिसते सैह़ खुस हुंदा ऐ।

1 कुरिन्थियों 3:16

क्या तुहां नीं जाणदे कि तुहां परमात्मे दा मंदर हन, कने परमात्मे दा आत्मा तुहां च वास करदा ऐ?

1 कुरिन्थियों 3:9

क्जोकि अहां परमात्मे तांई कम्म करणे आल़े तिसदे साथी हन; तुहां इक्की खेते साइआं हन, जेह्ड़ा परमात्मे दा ऐ, कने मैं तुहां दी इक्क ऐदेय घरे साइआं तुलणा करा दा ऐ, जिसियो परमात्मा बणांदा ऐ।

1 कुरिन्थियों 6:19

क्या तुहां नीं जाणदे कि तुहां दा सरीर पवित्र आत्मा दा मंदर ऐ, जित्थु सैह़ वास करदा ऐ, कने जेह्ड़ा तुहां जो परमात्मे दे पास्से ते मिल्लेया ऐ; कने हुण तुहां अपणे नीं हन, अपर परमात्मे दे हन।

2 कुरिन्थियों 6:16

कने मूर्तियां तांई परमात्मे दे मंदरे च कोई जगाह नीं, क्जोकि अहां तां जिन्दे परमात्मे दे मंदर हन। जिंआं पवित्रशास्त्रे च परमात्मैं ग्लाया ऐ, “मैं तिन्हां लोकां सौगी रैंह्गा कने तिन्हां सौगी चलगा फिरगा; कने मैं तिन्हां दा परमात्मा हुंगा, कने सैह़ मेरे लोक हुंगे।”

गलातियों 6:10

इसतांई जित्थु तिकर मौका मिल्लैं अहां जो सबना दी मदत करणी चाइदी, खास करी नैं बसुआसी भाऊआं दी जेह्ड़े मसीह च हन।

फिलिप्पियों 1:11

यीशु मसीह दे जरिये पैदा होणे आल़े धार्मिकता दे कम्मां नैं अपणे आप्पे जो भरी लेआ, जिसते परमात्मे दी महिमा कने स्तुति हुंदी रैंह्।

फिलिप्पियों 2:17

तुहां दा मसीह च बसुआस कने तुहां दी सेवा परमात्मे तांई चढ़ाईया बल़िया साइआं ऐ। जे सैह़ मिन्जो मारी भी दैन, तमी मैं खुस ऐ, कने तुहां सबना सौगी खुसी मनांदा ऐ।

फिलिप्पियों 4:18

मिन्जो अल्ल सब कुच्छ ऐ, अपर मता सारा ऐ; जेह्ड़ियां चीज्जां तुहां इपफ्रुदीतुस दे हत्थे ते घल्लियां थियां तिन्हां जो लेई नैं मैं रज्जी गेआ, सैह़ तां सुख आल़ी सुगंधा साइआं, कने अपनाणे जोग्गा बलिदान ऐ, जिन्हां जो याजक परमात्मे जो चढ़ांदे हन, जिसियो परमात्मा अपनांदा कने खुस हुंदा ऐ।

कुलुस्सियों 3:17

वचने च या कम्मे च जेह्ड़ा कुच्छ भी करा सब प्रभु यीशुये दे नांऐ नैं करा, कने प्रभु यीशुये दे जरिये पिता परमात्मा दा धन्यावाद करा।

1 तीमुथियुस 3:15

कि जे मिन्जो ओणे च देर होई जां, तां तू जाणगा कि परमात्मे दे घराने च लोकां दा बर्ताब कदेया होणा चाइदा, जेह्ड़ा जिन्दे परमात्मे दी कलीसिया, खम्भा कने सच्चाईया दी नीई ऐ।

इब्रानियों 3:6

अपर मसीह इक्क पुत्तरे साइआं परमात्मे दे घरे दा हक्कदार ऐ; कने तिसदा घर अहां हन। जे अहां अपणे मजबूत बसुआसे कने आसा जो आखरी तिकर हिम्मता नैं थमी रखदे हन।

1 पतरस 2:9

अपर तुहां इन्हां साइआं नीं हन, क्जोकि तुहां इक्क चुणेया वंश, साही परवार, याजकां दा समाज, पवित्र लोक, कने परमात्मे दे खास लोक हन, क्जोकि तिन्हीं तुहां जो नेहरे ते सद्दी करी जोतिया च लंदेया ऐ, तांजे तुहां परमात्मे दे म्हान कम्मां जो दस्सी सकन।

1 पतरस 4:11

जे तुहां अल्ल प्रचार करणे दा वरदान ऐ, तां तुहां जो परमात्मे दे वचने दा प्रचार करणा चाइदा; जे तुहां अल्ल दूयेयां लोकां दी सेवा करणे दा वरदान ऐ, तां तिसा ताकता नैं करा जेह्ड़ी परमात्मा तुहां जो दिंदा ऐ। तां हर कुच्छ जेह्ड़ा तुहां करदे हन, तिसते यीशु मसीह दे जरिये परमात्मे दी महिमा हुंगी। सारी महिमा कने सामर्थ जुगा-जुग तिकर तिसदी ऐ। आमीन।

1 पतरस 4:17

क्जोकि सैह़ बग्त आई रेह्आ ऐ कि परमात्मा पैहल्ले अपणे लोकां दा न्याय करैं, इसतांई कि जाह़लू सैह़ अहां बसुआसियां दा सबते पैहल्ले न्याय करगा तां तिन्हां खतरनाक गल्लां दे बारे च सोचा जेह्ड़ियां तिन्हां सौगी हुंगिया, जेह्ड़े परमात्मे दे सुसमाचारे जो नीं मनदे?

प्रकाशितवाक्य 1:6

कने अहां जो इक्क राज्ज कने अपणे पिता परमात्मे तांई याजक भी बणाई दित्या; तिसदी महिमा कने राज्ज जुगा-जुग रैंह्। आमीन।

प्रकाशितवाक्य 20:6

धन कने पवित्र सैह़ हन, जेह्ड़े इस पैहल्ली बरी जिन्दे होणे दे साझी हन। ऐदेयां पर दूईआ मौत्ती दा कोई भी हक्क नीं, अपर सैह़ परमात्मे कने मसीह दे याजक हुंगे कने तिस सौगी हज़ार साल तिकर राज्ज करगे।

प्रकाशितवाक्य 3:12

जेह्ड़ा बुरिआं ताकतां जो हराई दिंदा ऐ, तिसियो मैं अपणे परमात्मे दे मंदरे च इक्क खम्भे साइआं बणांगा, कने सैह़ कदी भी इसियो नीं छड्डगे; कने मैं अपणे परमात्मे दा नां कने अपणे परमात्मे दे सैहरे दा मतलब नौये यरूशलेम दा नां, जेह्ड़ा मेरे परमात्मे ते पास्से सुअर्गे ते लौणे आल़ा ऐ, कने अपणा नौआं नां तिस पर लिखगा।

प्रकाशितवाक्य 5:10

कने तिन्हां जो अहां दे परमात्मे तांई इक्क राजे कने याजक बणाया; कने सैह़ धरतिया पर राजे साइआं राज्ज करगे।”