1 पतरस 2:4 - काँगड़ी

⁴ जिंआं तुहां तिस अल्ल ओंदे हन, जेह्ड़ा जिन्दा पत्थर ऐ, जिसियो लोकां तां छड्डी दित्ता, अपर परमात्मे तांई सैह़ कीमती कने जिन्दा पत्थर ऐ, जिसियो तिन्हीं चुणेया ऐ।

1 पतरस 2:4 Iomraidhean Croise

मत्ती 11:28

“हे सारे मेहनत करणे आल़ेयो कने थके मान्दे लोको, मिन्जो अल्ल ओआ; मैं तुहां जो अराम दिंगा।

मत्ती 12:18

“दिक्खा, एह़ मेरा सेवक ऐ, जिसियो मैं चुणेया ऐ; मेरा प्यारा, जिसते मेरा मन खुस ऐ, मैं अपणा पवित्र आत्मा तिसियो दिंगा, कने सैह़ होरनी जातिआं दे लोकां जो न्याय दा समाचार दिंगा।

मत्ती 21:42

यीशुयैं तिन्हां नैं ग्लाया, “क्या तुहां कदी पवित्रशास्त्रे च एह़ नीं पढ़ेया: ‘जिस पत्थरे जो राजमिस्त्रियां नकम्मा समझी लेआ था, सैई कुणे दे सिरे दा पत्थर होई गेआ? एह़ प्रभु दे पास्से ते होएया, कने अहां दिया नजरा च कितणा अनोखा ऐ।’

यूहन्ना 14:19

कने थोड़िया देरा बाद भिरी संसारे दे लोक मिन्जो नीं दिक्खगे, अपर तुहां मिन्जो दिक्खगे; क्जोकि मैं भिरी जिन्दा हुंगा, कने इसतांई तुहां भी जिन्दे रैंह्गे।

यूहन्ना 14:6

यीशुयैं तिस नैं ग्लाया, “रस्ता कने सच्च कने सदा दी ज़िन्दगी दैणे आल़ा मैं ऐ; मिन्जो बगैर कोई भी पिता अल्ल नीं पुज्जी सकदा

यूहन्ना 5:26

क्जोकि जिस तरीके नैं परमात्मा अप्पु च ज़िन्दगी रखदा ऐ, तिसा रीतिया नैं तिन्हीं पुत्तरे जो भी ज़िन्दगी रखणे दा हक्क दित्या;

यूहन्ना 5:40

अपर भिरी भी तुहां सदा दी ज़िन्दगी पाणे तांई मिन्जो अल्ल औणां नीं चांह़दे।

यूहन्ना 6:37

जेह्ड़ा कुच्छ पिता मिन्जो दिंदा ऐ, सैह़ सब कुच्छ मिन्जो अल्ल ओंगा, कने जेह्ड़ा कोई मिन्जो अल्ल ओंगा तिसियो मैं अप्पु सौगी रखगा।

यूहन्ना 6:57

जिंआं जिन्दे पितैं मिन्जो घल्लेया, कने मैं पिता दिया बज़ाह ते जिन्दा ऐ, तिंआं ई सैह़ भी जेह्ड़ा मेरे सरीरे खांगा मेरिया बज़ाह ते जिन्दा रैंह्गा।

रोमियो 5:10

क्जोकि जाह़लू अहां परमात्मे दे बैरी होणे दिया हालता च थे, तां तिसदे पुत्तरे दे मरने दे जरिये अहां दा मेल-जोल परमात्मे सौगी होएया, तां भिरी मेल-जोल होई जाणे पर तिसदिया ज़िन्दगिया दिया बज़ाह ते अहां उद्धार क्जो नीं पांगे?

1 कुरिन्थियों 3:11

नींई जेह्ड़ी पैहल्ले ते भरियो ऐ, सैह़ यीशु मसीह ऐ, कने कोई दूई नींई नीं भरी सकदा।

कुलुस्सियों 3:4

जाह़लू मसीह, जेह्ड़ा तुहां जो नौई ज़िन्दगी दिंदा ऐ, जाह़लू इस संसारे च दुवारी बापस ओंगा, ताह़लू तुहां भी ओंगे, कने तिसदी महिमा च हिस्सेदार बणगे।

1 पतरस 1:7

इन्हां दुखां दा मकसद एह़ दस्सणा ऐ कि तुहां सच्च बिच्च परमात्मे पर भरोसा रखदे हन कि नीं, तुहां दा यीशु मसीह पर बसुआस सोन्ने ते भी बड़ा जादा कीमती ऐ, ठीक तिंआं ई जिंआं इक्क नास होणे आल़ा सोन्ना अग्गी च परखेया जांदा ऐ, तांजे तुहां दा बसुआस भी इन्हां दुखां दे बावजूद मजबूत रैंह्, तां यीशु मसीह दे बापस ओणे आल़े दिने च एह़ तुहां तांई तारीफ, महिमा कने आदरे दी बज़ाह हुंगा।

1 पतरस 2:7

एह़ पत्थर तुहां तांई जेह्ड़े यीशु मसीह पर बसुआस करदे हन बड़ा भरी कीमती ऐ, अपर पवित्रशास्त्र तिन्हां लोकां दे बारे च जेह्ड़े बसुआस नीं करदे एह़ ग्लांदा ऐ: “जिस पत्थरे जो राजमिस्त्रियां बेकार समझेया था, सैई कुणे दा सिरा बणी गेआ,”

2 पतरस 1:1

मैं शमौन पतरस जेह्ड़ा यीशु मसीह दा दास कने प्रेरित ऐ। मैं एह़ चिठ्ठी तिन्हां लोकां दे नांऐ पर लिखा दा ऐ, जिन्हां अहां दे परमात्मे कने उद्धार करणे आल़े यीशु मसीह दी धार्मिकता दे जरिये अहां साइआं कीमती बसुआस हासल कित्या ऐ।

2 पतरस 1:4

क्जोकि तिसदिया महिमा कने भलाईया दे जरिये तिन्हीं अहां जो बड़े म्हान कने कीमती वादे दित्यो हन, तांजे जेह्ड़ा भ्रष्टाचार इस संसारे च बुरिआं इच्छां दिया बज़ाह ते हुंदा ऐ, तिसते छुटी करी परमात्मे दे सभावे च साझीदार होई जान।