1 पतरस 2:21 - काँगड़ी

²¹ कने परमात्मे दी तुहां जो सदणे दी बज़ाह एह़ ऐ, कि तुहां तिस तांई दुख झेलन, मसीह भी जिन्हीं तुहां तांई दुख झेलेया, सैह़ तुहां तांई इक्क उदारण ऐ, इसतांई जेह्ड़ा तिन्हीं कित्ता, तुहां जो भी तिंआं ई करणा चाइदा।

1 पतरस 2:21 Iomraidhean Croise

मत्ती 10:38

कने जेह्ड़ा मेरा चेला बणना चांह़दा ऐ, तां सैह़ अपणिया सूल़िया चुक्की नैं मिन्जो पचांह़ चली औयें सैह़ मिन्जो जोग्गा ऐ।

मत्ती 11:29

मेरा जुंगल़ा अपणे ऊपर चुक्की लेआ, कने मिन्जो ते सीखा; क्जोकि मैं नम्र कने मने च दीन ऐ, कने तुहां अपणे मने च अराम पांगे।

मत्ती 16:24

ताह़लू यीशु अपणे चेलेयां नैं ग्लाणा लग्गा, “जेह्ड़ा कोई मिन्जो पचांह़ औणां चांह़दा ऐ, सैह़ अपणियां इच्छां जो छड्डी करी कने अपणे दुखां कने कष्टां दिया सूल़िया चुक्की नैं, मेरे पचांह़ चली पोयैं।

लूका 24:26

क्या जरूरी नीं था कि मसीह एह़ दुख झेली नैं अपणी महिमा च दाखल होयैं?”

यूहन्ना 13:15

क्जोकि मैं तुहां जो नमूना दस्सी दित्ता ऐ, कि जिंआं मैं तुहां नैं कित्ता ऐ, तुहां भी तिंआं ई करा-करा।

यूहन्ना 16:33

मैं एह़ गल्लां तुहां नैं इसतांई ग्लाईयां हन, कि तुहां जो मिन्जो च सांति मिल्ले। अपर हौंसला रखा, क्जोकि मैं इस संसारे दे लोकां पर राज्ज करणे आल़े सैताने जो हराई दित्या ऐ।”

प्रेरितां दे कम्म 14:22

कने हर इक्की सैहरे च चेलेयां दे मना जो मजबूत करदे रैह् कने एह़ सिक्षा दिंदे थे कि बसुआसे च बणी रेह्आ; कने एह़ ग्लांदे थे, “अहां जो मते दुख झेली करी परमात्मे दे राज्जे च प्रवेश करणा पोणा।”

प्रेरितां दे कम्म 17:3

कने तिन्हां दा मतलब खोली-खोली नैं समझांदा गेआ कि मसीह जो दुख झेलणा कने मरेयां ते जिन्दा होणा, जरूरी था; “कने ऐई यीशु जिसदे बारे च मैं तुहां जो समाचार सणा करदा ऐ, मसीह ऐ।”

प्रेरितां दे कम्म 9:16

कने मैं तिसियो दस्सगा, कि लोकां जो मेरे बारे च दस्सणे तांई तिसियो कदेया-कदेया दुख झेलणा पोंगा।”

रोमियो 8:29

क्जोकि जिन्हां जो तिन्हीं पैहल्ले ते चुणी लेआ ऐ, तिन्हां दे बारे च ऐदेया इरादा भी करी लेआ ऐ कि तिसदे पुत्तर यीशु मसीह साइआं होन, तांजे यीशु मसीह सारे बसुआसियां च जेठा पुत्तर बणी सकैं।

1 कुरिन्थियों 11:1

जिंआं मैं मसीह साइआं ज़िन्दगी जींदा ऐ, तिंआं ई तुहां भी मिन्जो साइआं ज़िन्दगी जीआ।

इफिसियों 5:2

कने तुहां इक्की दूये नैं प्यार करा, जिंआं मसीयैं भी तुहां नैं कित्या ऐ, कने अहां दे पापां जो दूर करणे तांई अप्पु जो बलिदान करी दित्ता, कने परमात्मा खुस होएया, क्जोकि एह़ बलिदान तिस तांई मिठ्ठी खुसबुया साइआं होएया।

फिलिप्पियों 2:5

जिंआं यीशु मसीह दा सभाव था तिंआं ई तुहां दा सभाव भी इक्की दूये नैं होयैं;

1 थिस्सलुनीकियों 3:3

कि इन्हां मुसीबतां दिया बज़ाह ते तुहां बसुआसे ते डगमगाई नीं जान। क्जोकि तुहां अप्पु जाणदे हन, अहां जो इन्हां मुसीबतां जो झेलणा ई पोणा।

1 थिस्सलुनीकियों 4:2

क्जोकि तुहां हुक्मां जो जाणदे हन, जेह्ड़े हुक्म अहां तुहां जो प्रभु यीशु मसीह दे पास्से ते दित्ते हन।

2 तीमुथियुस 3:12

एह़ गल्ल सच्च ऐ कि जेह्ड़े यीशु मसीह च सच्चाईया दी ज़िन्दगिया जीणे दा फैसला करदे हन, तिन्हां सारेयां पर जुल्म हुंगे;

इब्रानियों 2:10

क्जोकि परमात्मैं सब कुच्छ बणाया ऐ, कने सब कुच्छ तिसदा ऐ, तिसियो ऐई खरा लग्गा कि जाह़लू सैह़ मते सारे लोकां जो महिमा च पज्जां, तां तिन्हां दे उद्धार करणे आल़े जो दुख झेलणे दे जरिये सिद्ध करैं।

1 पतरस 1:20

इस संसारे जो बणाणे ते पैहल्ले ई परमात्मे यीशु मसीह दे बारे एह़ फैसला पैहल्ले ई करी लेआ, कि सैह़ इस संसारे दा उद्धारकर्ता हुंगा, अपर सैह़ हुण इन्हां आखरी दिनां च तुहां तांई प्रगट होएया।

1 पतरस 2:24

मसीयैं सूल़िया पर अप्पु ई अपणे सरीरे च अहां दे पाप लेई लै, तांजे अहां पापां तांई मरी नैं धार्मिकता तांई ज़िन्दगी जीन, कने तिसदे ई जख्मां दे जरिये अहां खरे होये।

1 पतरस 3:18

मैं एह़ ग्लांदा ऐ, कि यीशु मसीयैं भी अहां दे पापां तांई दुख झेलेया कने मारा गेआ, सैह़ सिर्फ इक्क बरी ई मरेया, कने एह़ दुवारी भिरी करणे दी जरूरत नीं ऐ। सैह़ धर्मी माणु था जेह्ड़ा पापी लोकां तांई मरेया, तांजे तिन्हां जो परमात्मे नेड़े लेई औयें तिन्हां तिसदे सरीरे जो मारेया अपर सैह़ पवित्र आत्मा दिया सामर्थी दे जरिये दुवारी भिरी जिन्दा होई गेआ।

1 पतरस 3:9

बुराईया दे बदले बुराई मत करा कने ना गाल़ी दे बदले गाल़ी देआ; अपर इसदे बदले आसीष ई देआ, क्जोकि परमात्मे तुहां जो इसतांई सद्देया ऐ, कि तुहां दूयेयां जो आसीष देई सकन, जे तुहां इआं करदे हन, तां परमात्मा तुहां जो आसीष दिंगा।

1 पतरस 4:1

इसतांई जिंआं मसीयैं अपणे सरीरे दुख झेलेया, तिंआं ई तुहां जो भी तिसी सभावे सौगी दुख झेलणे तांई त्यार रैहणा चाइदा। क्जोकि जे तुहां मसीह तांई दुख झेलणे जो त्यार हन, तां इसदा मतलब एह़ कि तुहां पाप नीं करणे दा फैसला लेई लेआ ऐ,

1 पतरस 4:13

अपर तुहां इस च खुस रेह्आ, कि तुहां यीशु मसीह दे दुखां च साझीदार होएयो हन, तांजे जाह़लू तिसदी महिमा प्रगट होयैं, तां तुहां खुसिया नैं भरोई जान।

1 यूहन्ना 2:6

कने जेह्ड़ा कोई एह़ ग्लांदा ऐ, कि मैं तिस च बणी रैंह्दा ऐ, तां तिसियो चाइदा कि अप्पु भी तिंआं ई जीन जिंआं यीशु मसीह ज़िन्दगी जींदा था।

1 यूहन्ना 3:16

अहां प्यार इसते जाणेया, कि यीशु मसीयैं अहां तांई अपणे प्राण देई दित्ते; इसतांई अहां जो भी भाऊआं तांई अपणे प्राण दैणा चाइदे।

प्रकाशितवाक्य 12:11

“सैह़ मेम्ने दे खूने दिया बज़ाह कने अपणिया गवाहिया दे वचनां दिया बज़ाह ते तिस पर जीत्त हासल कित्ती, क्जोकि तिन्हां अपणे प्राणा जो प्यारा नीं समझेया, ऐत्थु तिकर कि मौत्त भी झेली लेई।