1 पतरस 2:2 - काँगड़ी

² तुहां च परमात्मे दे वचने जो सीखणे दी इच्छा होणी चाइदी, ठीक तिंआं ई जिंआं इक्क दुद पीणे आल़ा बच्चा अपणिया माँऊ ते दूदे दी इच्छा रखदा ऐ, तांजे तुहां आत्मिकता च मजबूत होई जान। ताह़लू परमात्मा तुहां जो इस संसारे दे बुरे कम्मां ते पूरे तरीके नैं बचाई लैंगा।

1 पतरस 2:2 Iomraidhean Croise

मत्ती 18:3

कने ग्लाणा लग्गा, “मैं तुहां नैं सच्च ग्लांदा ऐ, कि जाह़लू तुहां अपणे आप्पे जो बदली करी जागतां साइआं बणी जांगे, ताह़लू तुहां सुअर्ग दे राज्जे च पुज्जी जांगे।

मत्ती 19:14

यीशुयैं ग्लाया, “जागतां जो मिन्जो अल्ल औणां देआ, कने इन्हां जो मत रोका, क्जोकि सुअर्गे दा राज्ज ऐदेयां दा ई ऐ।”

मरकुस 10:15

मैं तुहां नैं सच्च ग्लांदा कि जेह्ड़ा कोई परमात्मे दे राज्जे जो इन्हां निक्के जागते साइआं मन्नी नीं लैं, ताह़लू सैह़ सुअर्गे दे राज्जे च कदी नीं पुज्जी पांगा।

लूका 18:17

मैं तुहां नैं सच्च ग्लांदा ऐ, कि जेह्ड़ा कोई परमात्मे दे राज्जे जो जागतां साइआं मन्नी नीं लैंगा, ताह़लू सैह़ सुअर्गे दे राज्जे च पुज्जी नीं सकदा ।”

रोमियो 6:4

इसतांई जाह़लू अहां बपतिस्मा लेआ तां अहां यीशु मसीह सौगी मारे कने दब्बे गै। तांजे जिंआं मसीह पिता परमात्मे दी महिमा दे जरिये मरेयां ते जिन्दा होई गेआ, तिंआं ई अहां भी इक्क नौई ज़िन्दगी जीन।

1 कुरिन्थियों 14:20

हे मेरे प्यारे साथी बसुआसियो, तुहां इन्हां गल्लां जो समझणे तांई बच्चे मत बणा; बुराईया तांई तां बेकसूर बच्चे साइआं बणा, अपर ऐदिआं गल्लां जो समझणे तांई स्याणे बणा।

इफिसियों 2:21

जिस च सारा घर मिल्ली नैं प्रभु तांई इक्क पवित्र मंदर बणदा जांदा ऐ,

इफिसियों 4:15

अपर प्यारे नैं सच्च ग्लाणे दे जरिये कने सारियां गल्लां च अहां जो मसीह साइआं सिद्ध बणना चाइदा, जेह्ड़ा कलीसिया दा सिर ऐ,

2 थिस्सलुनीकियों 1:3

हे प्यारे साथी बसुआसियो, तुहां दे बारे च अहां जो हमेसा परमात्मे दा धन्यावाद करणा चाइदा, कने एह़ ठीक भी ऐ, इसतांई कि तुहां दा बसुआस यीशु मसीह च बड़ा जादा बधी गेआ ऐ, कने तुहां सारेयां दा प्यार अप्पु च बड़ा ई बधदा जा दा ऐ।

1 पतरस 1:23

तुहां एह़ ज़िन्दगी परमात्मे दे पास्से ते नौई हासल कित्तियो ऐ, क्जोकि तुहां जो एह़ ज़िन्दगी तिसा चीज्जा दे जरिये हासल नीं कित्ती, जेह्ड़ी नास होई जांदी ऐ, अपर तिसा चीज्जा जरिये जेह्ड़ी सदा बणी रैंह्दी ऐ, कने सैह़ चीज्ज परमात्मे दा जिन्दा कने हमेसा रैहणे आल़ा वचन ऐ।

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।