1 पतरस 2:16 - काँगड़ी

¹⁶ अपणे आप्पे जो अजाद समझा, अपर अपणिया इसा अजादिया जो बुराईया दा जरिया मत बणा; अपर अपणे आप्पे जो परमात्मे दे दास समझी नैं चला।

1 पतरस 2:16 Iomraidhean Croise

मत्ती 23:13

“हे पाखंडी सास्त्री कने फरीसी माणुओ, तुहां पर हाय। तुहां माणुआं तांई सुअर्गे दे राज्जे दा रस्ता बंद करदे हन, ना तां तुहां अप्पु तिस च जांदे हन कने ना तिस च जाणे आल़ेआं जो जाणा दिंदे।

यूहन्ना 15:22

जे मैं नीं ओंदा कने तिन्हां नैं गल्लां नीं करदा, अपर हुण तिन्हां अल्ल तिन्हां देयां पापां तांई कोई भाना नीं ऐ।

रोमियो 6:18

कने तुहां जो पापां ते छुटकारा मिल्ली गेआ कने तुहां धार्मिकता दे दास बणी गियो हन।

रोमियो 6:22

अपर हुण पापे ते अजाद होई नैं परमात्मे दे दास बणी नैं तुहां जो फायदा होएया जिसते पवित्रता हासल हुंदी ऐ, कने तिसदा नतीजा सदा दी ज़िन्दगी ऐ।

1 कुरिन्थियों 7:22

क्जोकि जिसियो तिस बग्त प्रभुयैं सद्देया, जाह़लू सैह़ इक्क दास था, हुण सैह़ प्रभु च अजाद कित्या माणु ऐ। ठीक तिंआं ई जिसियो तिस बग्त प्रभुयैं सद्देया, जाह़लू सैह़ अजाद था, हुण सैह़ मसीह दा दास ऐ।

गलातियों 5:1

मसीयैं अहां जो मूसा दिया व्यबस्था दिया गुलामिया ते अजाद कित्या ऐ। तां इसा अजादिया च बणी रेह्आ, कने कुसी जो भी एह़ मौका मत देआ कि सैह़ भिरी तुहां जो दुवारी व्यबस्था दा गुलाम बणाई लैन।

गलातियों 5:13

हे प्यारे साथी बसुआसियो, तुहां अजाद होणे तांई सद्देयो हन; अपर इसा अजादिया जो अपणी सरीरे दी इच्छा जो पूरी करणे दा मौका मत बणा, अपर प्यारे नैं इक्की दूये दी सेवा करा।

इफिसियों 6:6

कने हर बग्त अपणे मालकां जो खुस करणे दी कोसस करदे रेह्आ, सिर्फ ताह़लू ई नीं जाह़लू तुहां जो लग्गैं कि सैह़ तुहां जो दिक्खा दे हन। अपर मसीह दे दासां साइआं बणां, जेह्ड़े अपणे पूरे मने नैं सैई करदे हन जेह्ड़ा परमात्मा चांह़दा ऐ।

कुलुस्सियों 3:24

क्जोकि तुहां जाणदे हन, कि तुहां जो इसदे बदले प्रभुये ते इनाम मिलगा। तुहां प्रभु यीशु मसीह दी सेवा करदे हन।

1 थिस्सलुनीकियों 2:5

एह़ तुहां जाणदे हन, कि ना तां अहां दियां गल्लां च हेरा फेरी थी, कने ना तां अहां तुहां ते कुच्छ पाणे तांई लालच कित्ता, इन्हां गल्लां तांई परमात्मा गवाह ऐ कि अहां सैदय लोक नीं थे।

याकूब 1:25

अपर जेह्ड़ा माणु परमात्मे दे वचनां जो जेह्ड़े पापां ते अजादी दिंदा ऐ, तिसियो ध्याने नैं सिखदा कने सुणदा ऐ, सैह़ माणु अपणे कम्मे च इसतांई आसीष पांगा कि तिसियो सुणी करी भुलदा नीं अपर तिंआं ई तिसदा पालण करदा भी ऐ।

याकूब 2:12

तुहां तिन्हां लोकां साइआं वचन ग्ला, कने तिंआं ई कम्म भी करा, जिन्हां दा न्याय परमात्मे दे वचनां मताबक हुंगा, जेह्ड़े पापां ते अजादी दिंदे हन।

2 पतरस 2:19

एह़ तिन्हां नैं अजादी दैणे दा वादा तां करदे हन, अपर सैह़ अप्पु ई पापी सभावे दे गुलाम हन। माणु तिसदा ई दास बणदा ऐ, जेह्ड़ा तिसियो अपणे बसे च रखदा ऐ।

यहूदा 1:4

मैं तिज्जो एह़ लिखा दा ऐ कि कुच्छ झूठे सिक्षक अहां सौगी मिल्ली गियो हन, जिन्हां दे बारे च परमात्मे बड़ी पैहल्ले ते ई पवित्रशास्त्रे च ग्लाई दित्या था, कि सैह़ तिन्हां जो सज़ा दिंगा। तिन्हां परमात्मे दे प्यारे दे सुसमाचारे जो कने अनुग्रह जो बगाड़ी करी नाजायज रिस्तेयां दे कम्मां च बदली दित्या ऐ। सैह़ यीशु मसीह दा भी इन्कार करदे हन, जेह्ड़ा अहां दा इक्को ई मालक कने प्रभु ऐ।