1 पतरस 2:13 - काँगड़ी

¹³ प्रभु यीशु मसीह जो इज्जत दैणे तांई तुहां जो इस संसारे दे सारे अधिकारियां दे अधीन होणा चाइदा, सैह़ चां राजा या बड्डा अधिकारी होयैं,

1 पतरस 2:13 Iomraidhean Croise

मत्ती 22:21

तिन्हां तिस नैं ग्लाया, “कैसर राजे दा।” ताह़लू तिन्हीं तिन्हां नैं ग्लाया, “जेह्ड़ा कैसर दा ऐ, सैह़ कैसर जो; कने जेह्ड़ा परमात्मे दा ऐ, सैह़ परमात्मे जो देआ।”

मरकुस 12:17

यीशुयैं तिन्हां जो ग्लाया, “जेह्ड़ा कैसरे दा ऐ सैह़ कैसर जो देआ, कने जेह्ड़ा परमात्मे दा ऐ सैह़ परमात्मे जो देआ।” ताह़लू सैह़ तिस पर बड़े हरान होये।

लूका 20:25

तिन्हीं तिन्हां नैं ग्लाया, “तां जेह्ड़ा कैसर दा ऐ, सैह़ कैसर जो देआ; कने जेह्ड़ा परमात्मे दा ऐ, सैह़ परमात्मे जो देआ।”

इफिसियों 5:21

मसीह च आदर रखणे दिया बज़ाह ते इक्की दूये दे अधीन रेह्आ।

तीतुस 3:1

बसुआसी लोकां जो याद करांदा रैह् कि हाकमां कने अधिकारियां दे अधीन रैह़न, कने तिन्हां दे हुक्म मनन, कने हर इक्क खरे कम्मे तांई त्यार रैह़न।

1 पतरस 2:17

साबना दी इज्जत करा, बसुआसी बैह्णी-भाऊआं नैं प्यार रखा, परमात्मे ते डरा, कने बड्डे अधिकारियां दी इज्जत करा।

2 पतरस 2:10

खास करी नैं परमात्मा तिन्हां झूठे सिक्षकां जो जरूर सज़ा दिंगा, जेह्ड़े बुरिआं इच्छां दे पचांह़ सरीरे मताबक चलदे कने परमात्मे दे अधिकारां जो घटिया समझदे हन, सैह़ ढीठ, कने जिद्दी हन, कने ऐत्थु तिकर कि सुअर्गदूतां दी निंदा करदे हन।