1 पतरस 2:12 - काँगड़ी

¹² जेह्ड़े लोक परमात्मे पर बसुआस नीं करदे, सैह़ तुहां जो एह़ ग्लाई नैं बदनाम करी सकदे हन, कि तुहां गलत करा दे हन, अपर तुहां ऐदई ज़िन्दगी जीआ, जिसते सैह़ तुहां च खरियां गल्लां दिक्खन, कने जाह़लू प्रभु यीशु मसीह इस संसारे च बापस ओंगा, तां सैह़ ताह़लू परमात्मे जो महिमा दैन।

1 पतरस 2:12 Iomraidhean Croise

मत्ती 10:25

चेले तांई अपणे गुरुये साइआं कने दासे दा मालके साइआं बणना ई काफी ऐ। जाह़लू लोकां घरे दे मालके जो बालजबूल सैतान ग्लाया तां सैह़ तिसदे घरे आल़ेआं जो क्या कुच्छ नीं ग्लांगे।

मत्ती 5:11

“धन हन तुहां, जाह़लू माणु मेरिया बज़ाह ते तुहां दी निंदा करगे, कने सतांगे कने झूठियां गल्लां ग्लाई नैं तुहां दे खलाफ हर किस्मां दियां बुरिआं गल्लां ग्लांगे।

मत्ती 5:16

तिंआं ई तुहां दी लौ माणुआं दे सामणै चमकी नैं सैह़ तुहां दे खरे कम्मां जो दिक्खी नैं तुहां दे पिता दी, जेह्ड़ा सुअर्गे च ऐ, तरीफ करन।”

मत्ती 9:8

लोक एह़ सब दिक्खी नैं हरान होई गै, कने परमात्मे दी महिमा करणा लग्गे जिन्हीं माणुआं जो ऐदेया हक्क दित्या ऐ।

लूका 1:68

“इस्राएल देसे दे प्रभु परमात्मे दी स्तुति होयैं, क्जोकि तिन्हीं अपणेयां लोकां पर नजर कित्ती कने तिन्हां लोकां दा उद्धार कित्ता ऐ।

लूका 19:44

कने तेरे बैरी तिज्जो कने तेरे जागतां जो जेह्ड़े तिज्जो च हन, नास करी दिंगे, कने एह़ तेरे पत्थरां दे बणायो भवने दा इक्क भी पत्थर नीं छड्डगे; क्जोकि जाह़लू तिज्जो पर दयादृष्टि कित्ती गेई, तां तैं तिस मौके जो नीं पणछैणया।”

लूका 6:22

धन हन तुहां, जाह़लू माणुये दे पुत्तरे दिया बज़ाह ते लोक तुहां नैं बैर करगे, कने तुहां जो कड्डी दिंगे, कने तुहां दी निंदा करगे, कने तुहां दा नां बदनाम करगे।

यूहन्ना 13:31

जाह़लू सैह़ बाहरेयो चली गेआ तां यीशुयैं ग्लाया, “हुण माणुये दे पुत्तरे दी महिमा होई ऐ, कने परमात्मे दी महिमा तिस च होई ऐ;

प्रेरितां दे कम्म 15:14

शमौन पतरसैं समझाया, कि परमात्मैं होरनी जाति ते कुच्छ लोकां जो अपणी सेवा तांई चुणी करी, सबते पैहल्ले किंआं तिन्हां पर दया कित्ती।

प्रेरितां दे कम्म 24:13

कने ना तां सैह़ तिन्हां गल्लां जो, जिन्हां दा सैह़ मिन्जो पर दोस लगांदे हन, तिज्जो सामणै सच्च साबित करी सकदे हन।

प्रेरितां दे कम्म 25:7

जाह़लू सैह़ आया तां जेह्ड़े यहूदी अगुऐ यरूशलेम सैहरे ते आएयो थे, तिन्हां अक्खे बक्खे खड़ोई करी तिस बड़े गम्भीर दोस लगाये, जिन्हां दा सबूत सैह़ नीं देई सकदे थे।

प्रेरितां दे कम्म 28:22

अपर तेरी सोच क्या ऐ, सैई अहां तिज्जो ते सुणना चांह़दे हन, क्जोकि अहां जाणदे हन कि हर जगाह इस बचारे दे बरोधे च लोक गल्लां करदे हन।”

रोमियो 12:17

बुराईया दे बदले कुसी नैं बुराई मत करा; जेह्ड़ियां गल्लां सारेयां लोकां अल्ल खरियां हन, तिन्हां दी फिकर करदे रेह्आ।

रोमियो 13:13

अहां दा सभाव बग्ते दे मताबक कने दिने साइआं खरा होणा चाइदा, ना कि लीला क्रीड़ा, पियक्कड़पण च, ना ब्यभिचार च, कने ना लुचपण च, कने ना झगड़े कने ना जल़निया च।

रोमियो 14:18

जेह्ड़ा कोई इस तरीके नैं मसीह दी सेवा करदा ऐ, परमात्मा तिसते खुस हुंदा ऐ, कने लोक तिसदे बारे च खरियां गल्लां करी नैं तिसदा आदर करदे हन।

रोमियो 15:9

कने होरनी जातिआं दे लोक भी परमात्मे दिया दया दिया बज़ाह ते तिसदी स्तुति करन; जिंआं पवित्रशास्त्रे च लिख्या ऐ, “इसतांई मैं होरनी जातिआं दे लोकां च तेरा धन्यावाद करगा, कने तेरे नांऐ दे भजन गांगा।”

1 कुरिन्थियों 14:25

कने तिसदे मने दे भेत खुली जांगे कने ताह़लू सैह़ मुँऐ भार पेई नैं परमात्मे जो प्रणांम करगा, कने मन्नी लैंगा कि सच्च-बिच्च परमात्मा तुहां दे बिच्च ऐ।

2 कुरिन्थियों 1:12

अहां अपणिया समझा पर घमंड करदे हन, क्जोकि एह़ बिलकुल ठीक ऐ, कि संसारे च कने खास करी नैं तुहां बिच्च, अहां दा चाल-चलण परमात्मे दे जरिये दित्ती गेई पवित्रता कने सच्चाईया सौगी था, जेह्ड़ा संसारे दे ज्ञान ते नीं, अपर परमात्मे दे अनुग्रह सौगी था।

2 कुरिन्थियों 13:7

अहां अपणे परमात्मे नैं एह़ प्रार्थना करदे हन, कि तुहां कोई बुराई ना करन, इसतांई नीं कि अहां खरे दुस्सन, अपर अहां चांह़दे हन, कि तुहां भलाई करा, चाहे अहां नकम्मे ठैह़रन।

2 कुरिन्थियों 8:21

अहां दा मकसद ना सिर्फ सैह़ ऐ, जेह्ड़ा प्रभु दिया नजरा च खरा ऐ, अपर माणुआं दिया नजरा च भी खरा होणा चाइदा।

इफिसियों 2:3

इन्हां च अहां भी सारे दे सारे पैहल्ले अपणे सरीरे दी इच्छां च दिन बितांदे थे, कने सरीर कने मने दियां इच्छां पूरियां करदे थे, कने होरनी लोकां साइआं सभाव ते ई बुरे थे, कने परमात्मे दे गुस्से दे अधीन थे।

इफिसियों 4:22

अपणे पराणे पापी सभावे जो छड्डी देआ, कने अपणी पराणी ज़िन्दगी जीणे दे तरीके जो जेह्ड़ी सरीरे दियां इच्छां कने धोखेबाजिया नैं भरोईयो ऐ।

फिलिप्पियों 1:27

सिर्फ इतणा करा, कि तुहां दा चाल-चलण मसीह दे सुसमाचारे मताबक होयैं, कि चां मैं आई नैं तुहां जो दिक्खैं, चां ना भी औयें, तुहां दे बारे च ऐई सुणैं कि तुहां इक्को ई इरादे च मजबूत रेह्आ, कने इक्क मन होई नैं सुसमाचार दे बसुआसे तांई मेहनत करदे रैंह्दे हन,

फिलिप्पियों 4:8

इसतांई आखर च हे प्यारे साथी बसुआसियो, तुहां अपणा ध्यान तिन्हां गल्लां पर लग्गा, जेह्ड़ियां-जेह्ड़ियां गल्लां सच्च हन, कने जेह्ड़ियां-जेह्ड़ियां गल्लां इज्जता आल़िआं हन, कने जेह्ड़ियां-जेह्ड़ियां गल्लां खरियां हन, कने जेह्ड़ियां-जेह्ड़ियां गल्लां पवित्र हन, कने जेह्ड़ियां-जेह्ड़ियां गल्लां छैल़ हन, कने जेह्ड़ियां-जेह्ड़ियां मने भाणे आल़िआं हन। कने तुहां दा मन तिन्हां गल्लां पर लग्गी रैंह्, जेह्ड़ियां उत्तम कने तरीफां दियां गल्लां हन।

1 थिस्सलुनीकियों 4:12

कि बेबसुआसी लोकां सौगी आदरे नैं बर्ताब करा, तांजे तुहां जो कुसा भी चीज्जा दी कमी ना होयैं।

1 तीमुथियुस 2:2

सारे राजेयां कने अधिकारी लोकां तांई प्रार्थना करेया करा तांजे अहां सुख-चैन सौगी रेई सकन तांजे अहां परमात्मे दी अराधना करन कने दूये लोकां सौगी खरा बर्ताब रखन।

1 तीमुथियुस 4:12

इस तरीके नैं बर्ताब कर कोई भी तेरी जुआनिया दिया बज़ाह ते तेरी बेइज्जती नीं करैं, अपर तिज्जो अपणे सब्दां च जेह्ड़ा तू ग्लांदा ऐ, अपणे चाल-चलण च, प्यारे च, मसीह दे बसुआस च, कने पवित्र ज़िन्दगिया च बसुआसी लोकां तांई खरा उदारण बण।

1 तीमुथियुस 5:10

कने खरेयां कम्मां करणे च तिसादा खरा नां होयैं, जिन्नै बच्चेयां दा पालण-पोसण कित्या होयैं, परोणेयां दी आदर-खातर कित्तियो होयैं, परमात्मे दे लोकां दी सेवा कित्तियो होयैं, दुखियां दी मदत कित्तियो होयैं, कने हर इक्की खरे कम्मे च मन लगाया होयैं।

इब्रानियों 13:18

अहां तांई प्रार्थना करदे रेह्आ। अहां जो भरोसा ऐ कि अहां दा जमीर साफ ऐ। कने अहां सारियां गल्लां च जेह्ड़ियां अहां करदे हन, परमात्मे दी महिमा करणा चांह़दे हन।

इब्रानियों 13:5

तुहां अपणिया ज़िन्दगिया जो धन-दौलता दे लालचे ते दूर रखा, कने जेह्ड़ा तुहां अल्ल ऐ, तिस च खुस रेह्आ। क्जोकि परमात्मे अप्पु ई ग्लाया ऐ, “मैं तिज्जो कदी नीं छड्डगा, कने कदी नीं भुलगा।”

याकूब 3:13

तुहां च अक्लमंद कने समझदार कुण ऐ? जेह्ड़ा ऐदेया ऐ, सैह़ अपणे कम्मां कने खरे सभावे दे जरिये ज्ञान पैदा करणे आल़ी नम्रता दे जरिये इसा गल्ला दा सबूत दैं।

1 पतरस 2:15

क्जोकि परमात्मे दी इच्छा ऐई ऐ, कि तुहां खरे कम्म करी नैं मूर्ख लोकां दा मुँ बंद करी देआ, जेह्ड़े बेकार दियां गल्लां करदे रैंह्दे हन।

1 पतरस 3:16

कने अपणे जमीरे जो भी सुद्ध रखा, इसतांई कि जिन्हां गल्लां दे बारे च तुहां दी बदनामी हुंदी ऐ. तिन्हां दे बारे च सैह़ जेह्ड़े मसीह च तुहां दे खरे चाल-चलणे दा अपमान करदे हन, सैह़ सर्मिंदा होन।

1 पतरस 4:11

जे तुहां अल्ल प्रचार करणे दा वरदान ऐ, तां तुहां जो परमात्मे दे वचने दा प्रचार करणा चाइदा; जे तुहां अल्ल दूयेयां लोकां दी सेवा करणे दा वरदान ऐ, तां तिसा ताकता नैं करा जेह्ड़ी परमात्मा तुहां जो दिंदा ऐ। तां हर कुच्छ जेह्ड़ा तुहां करदे हन, तिसते यीशु मसीह दे जरिये परमात्मे दी महिमा हुंगी। सारी महिमा कने सामर्थ जुगा-जुग तिकर तिसदी ऐ। आमीन।

2 पतरस 3:11

क्जोकि परमात्मा जरूर इन्हां सारियां चीज्जां जो नास करगा, ठीक तिंआं ई जिंआं मैं दस्सेया ऐ, तां तुहां जो अपणा चाल-चलण सैदेया रखणा चाइदा, जेह्ड़ा परमात्मे जो खुस करदा ऐ।